U̱t-Hyangan 8:5 - Mɑ‑to̱ Shir Taku̱rda-o swo̱r o-nu pu̱-o̱

⁵ Ka da-de wan-to̱m-wu̱ Shir shoosu̱ru̱ ka sheend-de m-tu̱ks de wu̱ shoosu̱ru̱ o-ra rwu̱u̱n-mo̱ u̱n ká hana-o̱, wu̱ jondu̱ru̱ de u̱n ho̱no o-dak. A nomoru̱ o-dákàr, o-zaaz ne̱, u̱s-myakt ne̱, komo dak-o nuktu̱ru̱.

U̱t-Hyangan 8:5 ပူးပေါင်းရင်းမြစ်များ

Matiyos 24:7

U̱t-dak u̱r-gu̱n u̱t-dak ne̱, u̱t-gwo̱mo u̱t-gwo̱mo ne̱ to̱a nom te̱pe̱r-se u̱r-gu̱n u̱n hi u̱n de u̱n to̱. A nom komo me̱r u̱n nukte̱-mo̱ o-dak ne̱ u̱t-be n-ho̱n n-ho̱n.

Ruka 12:49

“Me̱ u̱n haan remen u̱m ja'asu̱té̱ Shir o-co̱w, yo wu̱ hette̱ m-re̱e̱se̱ u̱n ya-u̱r-ba'as u̱r-ko̱o̱b à. Komo u̱m co̱no̱g ma a zee, wu̱ ciriste̱ piish u̱n ma-to̱ u̱n ye̱ u̱n re̱e̱se̱ u̱n ye̱ u̱r-ko̱o̱b ne̱.

Se̱nge̱-mo̱ 16:26

Da-o gaan, dak-o nuktu̱ru̱ de̱e̱n, har hwu̱k-o̱ u̱n ka kuke̱-o̱ nukte̱. Da-o gaan ish-se u̱n o̱ kap argu̱ m-tikshe̱, bo̱ u̱n ye̱ a ka'e̱ à, ka rii-se a ke'etu̱ ye̱ à ussu̱ru̱.

Se̱nge̱-mo̱ 4:31

Bo̱ ye̱ nomte̱ ko̱n-se Shir à, ka be-de ye̱ rotte̱ u̱r-mo̱ro̱g à, de nuktu̱ru̱. Kap mo̱ u̱n ye̱ argu̱ m-shi u̱n Ku̱kt-o̱ Shir, ye̱ se̱ngu̱ rwo̱r u̱n ma-to̱ Shir ba o-gye̱r.

U̱t-Hyangan 11:13

A kane̱ u̱n ka da-o̱, a nomu̱ru̱ mo̱ ken caari-mo̱ u̱n nukte̱-mo̱ o-dak mo̱, bu̱u̱g-u̱r gaan be-de u̱n bu̱u̱g-u̱t o̱p to̱ u̱n ka bo̱-o̱ wurmu̱ru̱. O̱ ho̱o̱ru̱ hun-ne̱ dugu-u̱s ta'yoor [7,000]. Hun-ne̱ ye̱ kuse̱ à ye̱ ho̱gu̱ru̱ o-gye̱r de̱e̱n, ye̱ se̱ke̱msu̱ru̱ Shir-wu̱ n-To̱n.

U̱t-Hyangan 11:19

Ka da-de a tikshu̱ru̱ Pyo-o̱ Shir n-To̱n shir. Ka da-o̱ a hyanu̱ru̱ kà ba-o̱ u̱n wu̱ o̱ u̱n e̱ss u̱t-ma o̱ n-me̱ u̱n Pyo-o̱ u̱n wu̱. A nomoru̱ o̱ ken myakt-o̱, o-zaaz ne̱, o-dàkàr ne̱, u̱n nukte̱-mo̱ o-dak ne̱, u̱n caari-ye̱ u̱n ta'ar-ye̱ u̱n kem ne̱.

U̱t-Hyangan 4:5

Myakt-se a se̱nge̱ m-hyan se ro̱ m-rwu̱u̱n be-de u̱n ka kwu̱u̱r-o̱ o-zaaz ne̱ o̱ u̱t-dàkàr. U̱n co-o̱ u̱n ka kwu̱u̱r-o̱ ne̱, pitirra-u̱t ta'yoor ro̱ ko̱n to̱ ro̱ m-re̱ o-ra ru̱wru̱w she̱ro she̱ro, to̱ ro̱ hek-o̱ u̱n Ku̱kt-o̱ Shir, to̱ Shir ro̱ m-to̱m à.

U̱t-Hyangan 6:12

Ka da-o̱ u̱m hyanu̱ru̱ Ya o-Rwu̱u̱g o-Ca ke'este̱ reke̱-u̱r acinde̱-de. A no̱mu̱ru̱ mo̱ ken caari-mo̱ u̱n nukte̱-mo̱ o-dak mo̱. Ho̱-u̱r wargu̱ru̱ u̱r-rim-de u̱ntu̱n gwo̱do̱-o rim-o̱, o-re̱ng komo da-o gaan-yo wargu̱ru̱ o-jaas yo záá u̱ntu̱n m-hyó.

U̱t-Hyangan 8:3

Ka da-o̱ wu̱ ken wan-to̱m-wu̱ Shir wu̱ u̱n sheend-de o-zinariya ne̱ u̱t-kom de u̱n rii-yo m-shi'igin, wu̱ wo̱o̱nu̱ru̱ wu̱ e̱su̱ru̱ yow yow o-hana ne̱. A ya'asu̱ wu̱ rii-yo m-shi'igin de̱e̱n remen wu̱ mo̱ssu̱té̱ u̱n ko̱n-se u̱n hun-ne̱ ye̱ Shir ne̱, n-to̱n o-hana o-zinariya o̱ ro̱ u̱n he̱r-o̱ o-kwu̱u̱r à.