U̱t-Hyangan 7:1 - Mɑ‑to̱ Shir Taku̱rda-o swo̱r o-nu pu̱-o̱

¹ Ka da-de u̱m hyanu̱ru̱ yan-to̱m-ye̱ Shir nass eso eso u̱n pa'aso-u̱t nass-to̱ u̱n ho̱no o-dak. Ye̱ we̱nu̱ru̱ m-yo mo̱ u̱n ko̱ de ke kwu̱ss-de m-hund n-to̱n o-dak. Ye̱ bo̱pu̱ru̱ yo-mo̱ u̱n kwu̱ss-u̱t nass taase mo̱ hund o-dak ko̱ n-to̱n m-sa ko̱ u̱n yo ken 'yo-yo.

U̱t-Hyangan 7:1 ပူးပေါင်းရင်းမြစ်များ

Matiyos 24:31

Wu̱a to̱m yan-to̱m-ye̱ u̱n wu̱, ye̱ hur o-kar o̱ o-zaaz de̱e̱n, komo ye̱ karagse̱ ye̱ a daage̱ à ze̱e̱n-mo̱ u̱r-ho̱ran, u̱r-ho̱rim ne̱, o-baar ne̱, o-ye'er ne̱, zee-mo̱ u̱n o̱ ka wur-o̱ u̱n ho̱no o-dak o̱ ha-mo̱ u̱n o̱ ka re̱e̱no̱.”

Markus 13:27

Ka da-de ne̱, man to̱mo̱n yan-to̱m-ye̱ Shir, ye̱ kargu̱nse̱ ka ye̱ wu̱ daage̱ à, ya-u̱r-ho̱rim u̱n ya-u̱r-ho̱ran ne̱ u̱n yan-so̱-o-baar ne̱ o-ye'er ne̱, yan ko̱ kene̱ ye̱ Shir daage̱ à, yan-to̱m-ye̱ Shir a kargu̱nse̱ ye̱.

U̱t-Hyangan 20:8

Komo wu̱a rwu̱u̱n, wu̱ du̱ru̱msu̱te̱ hun-ne̱ ye̱ a cakarse̱ ho̱no o-dak à. Ye̱ a m-aag, Go̱o̱g u̱n Mago̱o̱g. Ko-Gwo̱mo-wu̱ u̱n ya-u̱t-ko̱t a karagsu̱ ye̱ ye̱ teet u̱r-gu̱n, komo mo̱o̱r-to̱ u̱n ye̱ u̱ntu̱n mo̱o̱r-to̱ m-hyereg mo̱ n-riib o̱ m-sa.

U̱t-Hyangan 6:6

Komo u̱m ho̱gu̱ru̱ o̱ ken co̱r-o̱ rwu̱u̱nte̱ be-de u̱n ka rii-ye̱ u̱n ho̱o̱g nass-ye̱ o̱ ro̱ m-ze̱e̱, “Ko̱k-de u̱n ye̱ge̱-hyò hond hond u̱n hwo̱r-ye̱ u̱r-gu̱wu̱s de u̱n ho̱-u̱r gaan ne̱. Ko̱k-u̱t tet-to̱ u̱n ye̱ge̱-nat hond hond u̱n hwo̱r-ye̱ u̱r-gu̱wu̱s de u̱n ho̱-u̱r gaan ne̱. Amba taase o sabarse̱ m-no̱w u̱n m-mo̱di ne̱ á.”

U̱t-Hyangan 7:3

Wu̱ ze̱e̱ru̱ ye̱, “Wasu̱ no̱! No̱ ho̱gu̱sse̱ o-dak ko̱ m-sa u̱s-'yo ne̱ m-hoog á se̱ a kemeste̱ ka reke̱-de Shir de u̱n zwo̱n-to̱ u̱n yan-gu̱w-mo̱ u̱n wu̱.”

U̱t-Hyangan 8:7

Wan-to̱m-wu̱ Shir wu̱ u̱r-takan hururu̱ kar-o̱ u̱n wu̱. A hyanu̱ru̱ ta'ar-ye̱ u̱n kem o-ra ne̱, mo̱sse̱ m-hyó ne̱ a duusu̱ndu̱ru̱ u̱n ho̱no o-dak. Ka ra-o̱ tu̱ksu̱ru̱ bu̱u̱g-u̱r gaan be-de u̱n bu̱u̱g-u̱t tet-to̱ u̱n ho̱no o-dak, ká ra-o̱ tu̱ksu̱ru̱ komo bu̱u̱g-u̱r gaan be-de u̱n bu̱u̱g-u̱t tet-to̱ u̱s-'yo u̱n po̱-u̱t yar-to̱ ne̱.

U̱t-Hyangan 9:14

Ka co̱r-o̱ ze̱e̱ru̱ wan-to̱m-wu̱ Shir acinde̱-wu̱, ka wu̱ ro o-kar ne̱ u̱t-kom à, “Ho'osu̱ne̱ ka yan-to̱m ye̱ Shir ne̱n nass-ye̱ ye̱ ro̱ ke'o u̱n ro̱o̱g-o̱ o-Yupireti à!”

U̱t-Hyangan 9:4

A kewsu̱ ye̱ komo u̱n taase ye̱ sabarse̱ po̱-to̱ n-dak, ko̱ u̱t-ran, ko̱ u̱s-'yo, se̱ de̱ hun-ne̱ ye̱ ro̱tte̱ napa-o̱ Shir u̱n zwo̱n-to̱ u̱n ye̱ á.