U̱t-Hyangan 3:7 - Mɑ‑to̱ Shir Taku̱rda-o swo̱r o-nu pu̱-o̱

⁷ “Gene̱ wan-co-wu̱ u̱n yan-dor ye̱ u̱n bo̱-o̱ o-Pirapiya u̱nze: Me̱ wu̱ ro̱ wan-gaan wu̱ ba m-ku̱ko̱p o-nip ne̱. Me̱ o-mabudi ne̱, yo ro̱ yo ma ko-Gwo̱mo Dawuda à. Da-o̱ u̱m tikshe̱ ish à, wa-m-tige̱ ro̱ ko̱n á. Da-o̱ me̱ tige̱ ish tomso ne̱ wa-m-tiks ro̱ ko̱n á.

U̱t-Hyangan 3:7 ပူးပေါင်းရင်းမြစ်များ

Matiyos 16:19

Man ya'as wo̱ rii-se u̱n tiks u̱n gwo̱mo-to̱ Shir. Ko̱yan o caase̱ kane̱ u̱n ho̱no o-dak, Shir a caas yo n-To̱n shir. Komo ko̱yan o gage̱ kane̱ u̱n ho̱no o-dak, Shir a geeg yo n-To̱n shir.”

Matiyos 24:35

O-to̱n o-dak ne̱ to̱a tees, amba ma-u̱t re to̱a te á ko̱ hiin.

Markus 1:24

Wu̱ ze̱e̱ru̱, “¿Ya mo̱sse̱ te̱ u̱n wo̱ ne̱, wo̱ Ye̱so ko-ya-o-Nazaret? ¿Wo̱ u̱n haan te̱ o̱ m-sabarse̱? Te̱ nepste̱ wo̱, Wo̱ ro̱ ko-wan-ba-m-ku̱ko̱p wu̱ Shir!”

Ruka 1:32

Wu̱a nom u̱t-go̱s, a eeg wu̱, wà-wu̱ u̱n Shir n-To̱n. Wan-Ko̱yan Shir a sagbe̱ wu̱ u̱t-gwo̱mo, bo̱ Dawuda ro à,

Ruka 4:34

“A'a! Ye̱so wu̱ o-Nazaret, ¿ya ne̱ o co̱ne̱ u̱n te̱ ne̱? ¿Wo̱ u̱n haan o sabu̱rse̱ te̱? U̱m nepse̱ wo̱, ko wan wu̱: Wo̱ wu̱ ba m-ku̱ko̱p, wu̱ Shir to̱mne̱ à!”

Yohana 14:6

Ye̱so ze̱e̱ru̱ wu̱, “Me̱ wu̱ ro̱ o-co̱w, me̱ wu̱ ro̱ o-nip, me̱ wu̱ ro̱ ho̱o̱g. Wa m-ha be-u̱r Tato re ro̱ ko̱n á, se̱ wu̱ do̱nte̱ be u̱n de remen me̱ wu̱ ro̱ o-co̱w yo m-ha be-u̱r Tato re.

Se̱nge̱-mo̱ 3:14

Amba no̱ yagu̱ ka wan-ba-m-ku̱ko̱p wu̱ u̱t-yage̱, Kashi u̱n Ne̱t, no̱ kon a ho'osu̱ndu̱ no̱ ka wan-ho̱ u̱n hun-ne̱ wu̱.

1 Yohana 5:20

A nepse̱ u̱nze Wà-wu̱ Shir haante̱, komo wu̱ ya'ag na u̱s-nap a nept Shir-o̱ o-nip. M-mo̱ka a n-me̱ u̱n ká wa-o-nip-wu̱ remen a she'ette̱ u̱n gam-o̱ u̱r-hi u̱n Wà u̱n wu̱ ne̱, Ye̱so Kiristi. Wu̱ ro̱ Shir-o̱ ba m-ku̱ko̱p o̱ o-nip, komo wu̱ ro̱ Shir-o̱ o-nip u̱n ho̱o̱g-o̱ ba m-ta ne̱.

U̱t-Hyangan 1:11

O̱ ze̱e̱ru̱, “Ge̱n o-taku̱rda bo̱ u̱n yo o hyane̱ à. Komo o tome̱ ye̱ ká yan-dor Ye̱so ye̱ be-u̱t ta'yoor u̱n bo̱-to̱ o-Apisu, o-Se̱miru̱na ne̱, o-Pergamu ne̱, o-Tiyatira ne̱, o-Saradis ne̱, o-Pirapiya ne̱, o-Rawudikiya ne̱ komo.”

U̱t-Hyangan 1:18

Me̱ u̱n ho̱o̱g ne̱! U̱m ro marag, gwo̱t me̱ u̱n ho̱o̱g ne̱ o̱ ba m-ta! Komo me̱ bu̱pu̱ u̱n rii-se u̱n ups m-mar ne̱ u̱n be-de margan-ne̱ ro̱ m-she'et à.

U̱t-Hyangan 1:5

tomso ne̱ rwu̱u̱n-mo̱ u̱n be-u̱r Ye̱so Kiristi wu̱ ro̱ ko-yan-e̱ss u̱t-ma wan-su̱'e̱ u̱n ka rem-se. Wu̱ ro̱ mat-de co, be-de u̱n ye̱ ine̱ u̱t-marimar à. Wu̱ ro̱ ko-Gwo̱mo-wu̱ u̱n kap Gwo̱mo-ne̱ ye̱ u̱n ho̱no o-dak. M-se̱ps kap be-de u̱n wu̱, wu̱ ro̱ na m-was à. Wu̱ sokse̱ na ba'as-u̱t na u̱n bu̱-yo u̱n wu̱u̱s u̱n hyó-mo̱ u̱n wu̱ rem na.

U̱t-Hyangan 15:3

Ye̱ ro̱ u̱n hu u̱n se̱p-o Mosa, ko-gu̱w-wu̱ Shir, komo u̱n se̱p-o̱ u̱n ká Ya Rwu̱u̱g-o Ca-yo ne̱, ye̱ ro̱ m-ze̱e̱, “Se̱nge̱-m ru kutute̱ hun-ne̱ u̱nze wo̱ ro̱ go̱s-wu̱ komo Wa-u̱t-Hyat, Wan-Ko̱yan Shir Wa-u̱t-Gwo̱mo kap! Co̱w-u̱s ru se u̱n me̱n-u̱t pus-to̱ se, se o-nip komo, wo̱ ko-Gwo̱mo-wu̱ u̱t-dak!

U̱t-Hyangan 16:7

U̱m ho̱gu̱ru̱ co̱r n-te̱ o-hana o̱ ro̱ m-ze̱e̱. “E̱e̱, Wan-Ko̱yan Shir Wa-u̱t-Gwo̱mo kap! Piish u̱n ma-u̱t ru hond hond to̱ ro̱, wo̱ komo ko-yan-me̱n-u̱t pus-to̱ wu̱.”

U̱t-Hyangan 19:11

Ka da-de u̱m hyanu̱ru̱ To̱n-o shir tikshite̱, komo jo̱k-o pus-yo ro̱ eso kaane̱. Ka wu̱ daa ká jo̱k-yo à, jin-de u̱n wu̱ Ko-yan-E̱ss u̱t-Ma komo Wa-o-Nip. U̱n me̱n-u̱t pus-to̱ wu̱ ro̱ u̱n piish u̱t-ma komo u̱r-gu̱n ne̱.

U̱t-Hyangan 19:2

Remen piish u̱n ma-u̱t u̱n wu̱ hond hond to̱ ro̱, wu̱ komo ko-yan-me̱n-u̱t pus-to̱ wu̱, Wu̱ sabu̱rsu̱te̱ o-Babira ká caari-wu̱ u̱n ko-kaar-wu̱, Babira-o rakste̱ hun-ne̱ ye̱ u̱n ho̱no o-dak u̱n bu̱-yo u̱n ás-o̱ u̱n o̱. Shir mu̱su̱te̱ hun-ne̱ ye̱ u̱n wu̱ ye̱ ká ne'a-wu̱ hoome̱ à.”

U̱t-Hyangan 2:1

“Gene̱ wan-co-wu̱ u̱n yan-dor ye̱ u̱n bo̱-o̱ o-Apisu u̱nze: To̱m-o̱ ka rwu̱u̱n-mo̱ u̱n be u̱n de, wu̱ ro̱ bu̱pu̱ u̱n ka re̱ge̱n ta'yoor-ye̱ ne̱ u̱n kom-o̱ u̱n wu̱ o̱ u̱r-re̱ à, ka wu̱ ro̱ m-neke̱ n-me̱ u̱n ka pitirra-u̱t ta'yoor-to̱ o-zinariya to̱ a she̱re̱ à.

U̱t-Hyangan 21:5

Ka wu̱ ro tara u̱n ká kwu̱u̱r-o̱ u̱t-gwo̱mo à ze̱e̱ru̱, “M-mo̱ka me̱ m-no̱m u̱n ko̱yan pu̱-yo!” Komo wu̱ ze̱e̱ru̱ me̱, “Ge̱n yo ka, remen to̱ ka ma-to̱ u̱m ru̱ru̱ wo̱ à nip-o̱, komo hun-ne̱ a hoks m-she̱r u̱n to̱.”

U̱t-Hyangan 3:14

“Gene̱ wan-co-wu̱ u̱n yan-dor ye̱ u̱n bo̱-o̱ o-Rawudikiya u̱nze: To̱m-o̱ ka o̱ rwu̱u̱ne̱ be u̱n de, wu̱ a m-ze̱e̱ ‘Amin’ à. Me̱ ko-yan-e̱ss u̱t-ma wu̱, o-nip ne̱, ko-Gwo̱mo-wu̱ u̱n rii-yo Shir hwo̱o̱ne̱ kap à.

U̱t-Hyangan 4:8

Ko̱ yo ke rii-yo u̱n ho̱o̱g-yo ro̱ u̱t-ku̱ku̱n ne̱ u̱t-cind, ká ku̱ku̱n-to̱ tomso ne̱ ro̱ u̱n yish ne̱ u̱r-me̱ n-do̱ ne̱. M-te̱t, m-ho̱w ne̱, ye̱ m-yage̱ hu u̱s-se̱p á: “Ba m-ku̱ko̱p, ba m-ku̱ko̱p, ba m-ku̱ko̱p wu̱ ro̱ Wan-Ko̱yan Shir Wa-u̱t-Gwo̱mo kap. Wu̱ ro'e̱ n-ga à, Wa-m-mo̱ka, wu̱ ro̱, komo wu̱ he m-haan à.”

U̱t-Hyangan 5:9

Ye̱ huru̱ se̱p-o pu̱-o̱, ye̱ ro̱ m-ze̱e̱: “Wo̱ wu̱ bo̱'o̱se̱ go̱ks u̱n kà taku̱rda-o pu'usse̱-o̱ komo o ke'es reke̱-to̱ u̱n o̱ o ups o̱. Remen n-ga a ro hoostu̱ wo̱, komo u̱n mar-m ru mo̱ u̱r-seke̱ o rundu̱te̱ Shir hun-ne̱ n-me̱ u̱n ko̱ o̱ ke baag-o̱, u̱t-rem ne̱, u̱n bu̱u̱g-to̱ u̱n hun-ne̱ ne̱ u̱t-dak ne̱.

U̱t-Hyangan 6:10

Ye̱ 'yonsu̱ u̱s-co̱r de̱e̱n ye̱ ze̱e̱ru̱, “Wan-Ko̱yan, Wa-u̱r-Be̱e̱b kap, Wa-o-nip komo So̱-wu̱, ¿se̱ de ke ho̱-de o he piishe̱ u̱n hun-ne̱ ye̱ u̱n kà ho̱no o-dak o̱ u̱t-ma? ¿Komo yan da-o̱ o he ye̱ m-rangse̱ remen ye̱ ho̱o̱g te̱? ¿De ke ho̱-de o he te̱ m-mu̱se̱?”