U̱t-Hyangan 22:3 - Mɑ‑to̱ Shir Taku̱rda-o swo̱r o-nu pu̱-o̱

³ U̱n ká bo̱-o̱, a kum rii-yo Shir hu̱u̱ ye̱ nu-o yo̱-o̱ á, remen kwu̱u̱r-o̱ u̱t-gwo̱mo o̱ Shir u̱n Ya o-Rwu̱u̱g o-Ca ne̱ o̱ ro̱ káne̱. Gu̱w-ne̱ ye̱ u̱n wu̱ komo ye̱a kwu̱ktu̱ wu̱.

U̱t-Hyangan 22:3 ပူးပေါင်းရင်းမြစ်များ

Matiyos 25:21

“Ko-yan-o-hur ho̱gu̱ru̱ o-zak, wu̱ ze̱e̱ru̱, ‘No̱mo̱g u̱r-bon, ko-yan-kashi m-gu̱w o̱, ne̱t so̱-wu̱! O no̱mo̱g o-shir u̱n rii re̱k-yo. Man ya'as wo̱ gwo̱mo-to̱ arge̱ to̱ ká à. Haan, o nom o-zak be-u̱r gaan u̱n me̱ ne̱.’

Matiyos 25:41

“Ka da-o̱ ko-Gwo̱mo he m-ze̱e̱ u̱n yan-kwanta-de u̱n wu̱, ‘Wongu̱ no̱ u̱n me̱ ne̱, no̱ ye̱ Shir hu̱'e̱ o-nu à. Co̱w no̱ ra-o̱ a m-ryomse̱ á har ya nomot re ne̱, o̱ Shir e̱sse̱ ko-Gwo̱mo-wu̱ u̱n ya-u̱t-ko̱t u̱n yan-to̱m-ye̱ u̱n wu̱ ne̱ à.

Yohana 12:26

Kap wu̱ he me̱ nome̱ m-gu̱w à, wu̱ do̱ru̱ me̱ be-de u̱m ro̱ à, káne̱ o̱ wu̱ he m-she'et u̱n cen wu̱. Ko̱wan wu̱ nomo me̱ m-gu̱w, Tato re a se̱ps wu̱.”

Yohana 13:32

U̱rege̱ a se̱ke̱mse̱te̱ Shir u̱n me̱, Shir a se̱ke̱mse̱ me̱ tomso ne̱ ha-mo̱ u̱n be-de u̱n wu̱. Ho̱r-m-ho̱r o̱ ne̱ wu̱ he me̱ m-se̱ke̱mse̱.

Yohana 14:3

Me̱n neke̱, me̱ ja'asu̱nse̱ no̱ u̱r-be tomso ne̱, u̱m dooru̱ m-mu̱u̱n u̱m de̱gbu̱té̱ no̱ u̱n be-de u̱n hi u̱n de remen no̱ she'etté̱ be-de u̱m ro̱ à.

Yohana 17:24

“Tato re, u̱m co̱no̱g ka hun-ne̱ ye̱ o ya'asu̱ me̱ à, ye̱ u̱n cen ye̱, ye̱ she'et mo̱sse̱ u̱n me̱ ne̱ ko̱ de ke be-de u̱m ro̱. Ka da-de ye̱ hyenet se̱ke̱mse̱-m re mo̱ o se̱ke̱mse̱ me̱ à, remen o co̱no̱g me̱ cin ba a u̱n no̱m ho̱no o-dak.

U̱t-Hyangan 7:10

Ye̱ 'yonsu̱ u̱s-co̱r de̱e̱n ye̱ ze̱e̱ru̱, “Gwu̱ rwu̱u̱nte̱ be-de u̱n Shir na, wu̱ ro̱ tara u̱n kwu̱u̱r-o̱ u̱t-gwo̱mo à, u̱n ká Ca-yo ne̱!”

U̱t-Hyangan 7:9

Bo̱ to̱ ka aragte̱ à, u̱m gwo̱tu̱ru̱ u̱m 'wo̱s de ken caari-de u̱r-mo̱ro̱g de u̱n yan-ba-m-ku̱ko̱p u̱t-mo̱o̱r ne̱ ye̱ arge̱ m-o̱o̱g à. Ye̱ rwu̱u̱nte̱ so̱ u̱n ko̱ to̱ ke dak-to̱, u̱n ko̱ to̱ ke baag-to̱ ne̱, u̱n ko̱ ye̱ ke hun-ne̱ ye̱ ne̱, u̱n ko̱ de ke rem-de ne̱. Ye̱ ro̱ eso eso he̱r-o̱ u̱n ká kwu̱u̱r-o̱ u̱n co-o̱ u̱n ká Ca-yo. Ye̱ cu̱pste̱ matuku-u̱t se̱e̱b-to̱ u̱t-pus to̱, ye̱ bu̱ps jet-se o-do̱bino̱ u̱n kom-to̱ u̱n ye̱.