U̱t-Hyangan 22:2 - Mɑ‑to̱ Shir Taku̱rda-o swo̱r o-nu pu̱-o̱

² Mo̱ m-ja n-te̱te̱ de u̱n caari-yo u̱n co̱w-yo u̱n ka bo̱-o̱. U̱n ko̱ yo ke riib-yo ká ro̱o̱g-o̱ 'yo-o ro̱ ko̱n yo u̱n ho̱o̱g, yo ro̱ u̱n mat u̱r-mat so̱-o o̱p u̱n yoor hak gaan. Ko̱ yo ke re̱ng-yo yo ro̱ m-mat so̱-o gaan. A u̱n no̱m u̱s-baat u̱n wá-to̱ u̱n ka 'yo-yo remen taasté̱ u̱n go̱m-se u̱n hun-ne̱ ye̱ u̱t-dak kap.

U̱t-Hyangan 22:2 ပူးပေါင်းရင်းမြစ်များ

Ruka 4:18

“Ku̱kt-o̱ u̱n Yawe ro̱ u̱n hi u̱n de, remen wu̱ dagante̱ me̱ u̱m hantu̱te̱ ko̱o̱b-ne̱ ka Ma-to̱ m-Re̱re̱m to̱. Wu̱ to̱mu̱nte̱ me̱ u̱m ko̱'o̱t a us ka ye̱ a gage̱ à, komo u̱n ups u̱n yish-ye̱ u̱n po̱-ne̱ ne̱. U̱m guut ye̱ a mo̱'e̱ à,

1 Bitrus 2:24

Kiristi sawag nu̱-se u̱n ba'as-u̱t na u̱n wu̱r-o̱ u̱n wu̱. A kamag wu̱ o-kan remen a yagu̱té̱ no̱m u̱r-ba'as komo a cirit kashi u̱r-she'et. Shir taasu̱ ka hoog-mo̱ mo̱ u̱n ba'as-u̱t no̱ remen hoog-m Ye̱so.

U̱t-Hyangan 2:7

Kap wu̱ ro̱ u̱t-tó̱ ne̱ to̱ m-ho̱ge̱ à, wu̱ ho̱ge̱ rii-yo Ku̱kt-o Shir ro̱ u̱n ru̱re̱ u̱n hun-ne̱ yan-dor Ye̱so à! Be-de u̱n ko̱wan wu̱ re̱ u̱r-ho̱ de u̱n ko-Gwo̱mo-wu̱ u̱n ya-u̱t-ko̱t à, man 'ye wu̱ co̱w-yo u̱n re̱ u̱n ka 'yo-yo u̱n ho̱o̱g yo ro̱ n-te̱te̱ o̱ u̱n n-To̱n o̱ shir à.

U̱t-Hyangan 21:21

Ka ish-u̱s o̱p u̱s-yoor se a nom se u̱n rwu̱u̱mb-se u̱n hwo̱r o̱p u̱s-yoor, ko̱ o̱ ke ish-o̱ u̱n rwu̱u̱mb-o̱ u̱n hwo̱r gaan a no̱mu̱ o̱. Caari-yo u̱n co̱w-yo u̱n ka bo̱-o̱, u̱n zinariya a ma yo zak zak, komo yo ro̱ u̱s-myakt u̱ntu̱n u̱r-madipi.

U̱t-Hyangan 21:24

Hun-ne̱ ye̱ u̱n ho̱no o-dak a hewe̱ u̱r-hew m-mo̱k o̱ u̱n ka bo̱-o̱. Gwo̱mo-ne̱ ye̱ u̱n ho̱no o-dak komo ye̱a hante̱ o̱ se̱ps-mo̱ u̱n ye̱ n-me̱ u̱n ka bo̱-o̱.

U̱t-Hyangan 22:1

Ka da-de wan-to̱m-wu̱ Shir kutu me̱ ro̱o̱g-o̱ u̱n ho̱-mo̱ u̱n ho̱o̱g, mo̱ u̱s-myakt u̱ntu̱n u̱r-madipi mo̱ rwu̱u̱nte̱ be-de u̱n kwu̱u̱r-o̱ u̱t-gwo̱mo to̱ Shir u̱n to̱ u̱n Ya o-Rwu̱u̱g o-Ca ne̱.

U̱t-Hyangan 22:14

“Shir 'ye ye̱ u̱r-ho̱ ká ye̱ so'ose̱ matuku-u̱t se̱e̱b-to̱ to̱ u̱n ye̱ à. A 'ye ye̱ ke̱e̱r-de m-co̱w u̱n ish-se u̱n ká bo̱-o caari-o̱ remen ye̱ reet mat-de u̱n 'yo-yo u̱n ho̱o̱g.

U̱t-Hyangan 22:19

Komo bo̱ u̱n wu̱ haabe̱ yo ken rii-yo ro̱ u̱n kà taku̱rda-o̱ à, Shir a dos gwu̱u̱g-de u̱n wu̱ de u̱n mat-de u̱n 'yo-yo u̱n ho̱o̱g. Komo Shir a dos gwu̱u̱g-de u̱n wu̱ de u̱n ká bo̱-o̱ o̱ u̱n ba m-ku̱ko̱p o̱. U̱m geneste̱ ka rem-u̱s yoor-se n-me̱ u̱n kà taku̱rda-o̱.