U̱t-Hyangan 21:10 - Mɑ‑to̱ Shir Taku̱rda-o swo̱r o-nu pu̱-o̱

¹⁰ Ka wan-to̱m-wu̱ Shir wu̱ de̱ku̱ me̱ u̱n bu̱-yo Ku̱kt-o Shir wu̱ deetu̱ me̱ n-to̱n u̱n o̱ ken haag-o caari-o̱ o̱ m-pipir de̱e̱n. Wu̱ kutbu̱ me̱ o-Urusharima, bo̱-o̱ ba m-ku̱ko̱p o̱ ro̱ m-kergu̱ne̱ rwu̱u̱n-mo̱ n-To̱n be-de Shir.

U̱t-Hyangan 21:10 ပူးပေါင်းရင်းမြစ်များ

Se̱nge̱-mo̱ 8:39

Bo̱ ye̱ rwu̱u̱nte̱ m-ho̱ à, Ku̱kt-o Wan-Ko̱yan deku̱ Pirip. Ka ko-ya-o-Itiyopiya-wu̱ do Pirip m-hyan á. Wu̱ argu̱ arag-mo̱ u̱n wu̱ o-zak.

Garatiya-ne̱ 4:26

Amba Urusharima-o pu̱-o̱ ro̱ ko̱n n-to̱n, na ye̱ m-ha kane̱ à ya a ro̱ sasa be-de u̱n dor-o̱ o-karamsa. Na ye̱ m-ha kane̱ à, a o̱ u̱n gwo̱t-o̱ o-bo̱ u̱nze o̱ ro̱ inu na remen na yakar-ye̱ Shir ye̱ ye̱ o-nip. Saratu, ba ko-gu̱w-wu̱ á, wu̱ ro̱ sha-mo̱ u̱n ka Urusharima-o pu̱-o̱ o̱.

U̱t-Hyangan 1:10

U̱n ho̱-de o-Rahadi, Ku̱kt-o̱ Shir garamse̱ me̱, u̱m ho̱gu̱ru̱ u̱n jim u̱n de o̱ ken co̱r-o̱ kayaya u̱ntu̱n 'wo̱n-se o-kar.

U̱t-Hyangan 11:2

Amba taase o me'es 'wo̱o̱g-o̱ n-do̱, remen a ya'assu̱te̱ ye̱ ro̱ Yahuda-ne̱ á. Ye̱a yawag bo̱-o̱ ba m-ku̱ko̱p har u̱s-re̱ng kwo̱o̱z-u̱t yoor u̱s-yoor [42].

U̱t-Hyangan 17:3

Ká wan-to̱m-wu̱ Shir wu̱ heetu̱ me̱ o-dákár u̱n bu̱-yo Ku̱kt-o Shir. Re̱e̱no̱ o̱ ka, u̱m hyane̱ wu̱ ken ne'a-wu̱ tara n-to̱n u̱n yo ken nem-o jaas-yo yo. Ka nem-yo komo yo ro̱ u̱n jin-to̱ u̱n re̱e̱b-to̱ Shir ne̱ to̱ a ge̱ne̱ u̱n wu̱r-o̱ u̱n yo à, hi-to̱ u̱n yo komo u̱t-ta'yoor u̱s-kar ne̱ u̱s-o̱p.

U̱t-Hyangan 21:2

U̱m hyanu̱ru̱ komo ka bo̱-o̱ ba m-ku̱ko̱p o̱, Urusharima-o pu̱-o̱, o̱ ro̱ m-kergu̱ne̱ rwu̱u̱n-mo̱ n-To̱n be-de Shir. A gegu̱rsu̱te̱ o̱ u̱t-duk bo̱ ko-'ew ro̱ m-geger remen campo̱ u̱n wu̱ à.

U̱t-Hyangan 3:12

Be-de u̱n ko̱wan wu̱ re̱ u̱r-ho̱ de u̱n ko-Gwo̱mo-wu̱ u̱n ya-u̱t-ko̱t à, man muut wu̱ o-dááb n-me̱ u̱n Pyo-o̱ Tato re. Ka ne̱t-wu̱ a tek yage̱ u̱n ka be-de á. N-to̱n u̱n wu̱r-o̱ u̱n wu̱ u̱m he m-ge̱n: Jin-de Shir re, u̱n Jin-de u̱n bo̱-o̱ Shir ne̱ (wata Urusharima-o pu̱-o̱, o̱ he m-kergu̱ne̱ e̱s-mo̱ n-To̱n shir à), u̱n Jin u̱n de ne̱ u̱r-pu̱ de.

U̱t-Hyangan 4:2

Kane̱ ba m-jime̱, Ku̱kt-o̱ Shir garamsu̱ru̱ me̱, u̱m hyanbu̱ru̱ komo o̱ ken kwu̱u̱r-o̱ n-me̱ n-To̱n shir komo wu̱ ken wu̱ ro tara u̱n o̱.