U̱t-Hyangan 20:12 - Mɑ‑to̱ Shir Taku̱rda-o swo̱r o-nu pu̱-o̱

¹² U̱m hyanu̱ru̱ margan-ne̱, caari u̱n re̱k-ye̱ ne̱, ye̱ eso eso n-he̱r o̱ u̱n ká kwu̱u̱r-o̱ u̱t-gwo̱mo o̱. A upsu̱ u̱t-taku̱rda, komo a upsu̱ru̱ ka taku̱rda-o̱ u̱n ho̱o̱g-o̱. A piishu̱ margan-ne̱ u̱t-ma u̱n bo̱ u̱n rii-yo ye̱ no̱me̱ à, bo̱ to̱ ro̱ gense̱ n-me̱ u̱n ka taku̱rda-to̱ à.

U̱t-Hyangan 20:12 ပူးပေါင်းရင်းမြစ်များ

Matiyos 11:22

Amba me̱ no̱ m-ru̱re̱, u̱n ho̱-de u̱n piish u̱t-ma a jiish m-ho̱ge̱ u̱n 'wo̱n-de u̱n hun-ne̱ ye̱ o-Taya u̱n ye̱ o-Sidon ne̱ arge̱ no̱.

Matiyos 16:27

Remen me̱ Wà-wu̱ u̱n ne̱t, man haan u̱n se̱ps-m Tato re ne̱ u̱n yan-to̱m-ye̱ u̱n wu̱ ne̱, man piishe̱ ko̱ wu̱ ke ne̱t-wu̱ u̱t-ma mo̱sse̱ u̱n rii-yo wu̱ no̱me̱ ne̱ à.

Ruka 10:20

Amba no̱ no̱m o-zak remen ya-u̱t-ko̱t nomotu̱ no̱ o-do̱ro̱tte̱ á, no̱m no̱ o-zak remen Shir ge̱ne̱g jin-u̱t no̱ be-de wu̱ n-to̱n.”

Se̱nge̱-mo̱ 24:15

Me̱ u̱n ka sakto̱-o̱ ne̱ be-de Shir, bo̱ ka ye̱ ka ye̱ ro̱ m-no̱m à, u̱nze, Shir a 'yons marimar-ne̱, kashi u̱n ye̱ ro̱ kashi ne̱ á.

Roma-ne̱ 2:6

Shir “a top ko̱ wu̱ ke ne̱t-wu̱ hond hond u̱n go̱n se̱nge̱-mo̱ wu̱ no̱me̱ à.”

1 Korinti-ne̱ 4:5

Remen kaane̱, taase no̱ kupse̱ wu̱ ken wu̱ u̱t-ma ba da-o̱ u̱n wo̱o̱. Ka da-o̱ ro̱o̱n, da-o̱ Wan-Ko̱yan he mu̱u̱n à. Wu̱ he rwu̱u̱nte̱ u̱n rem-se ro̱ wukusse̱ o-comb à, komo wu̱ rwu̱nte̱ sakto̱-o̱ ro̱ u̱n hur-de u̱n ne̱t à. Ka da-o̱ o̱ ka ko̱wan he go̱ks u̱r-bo̱ngo̱n be-de Shir hond hond Shir nepste̱ ka rii-yo ro̱ n-me̱ hur-de u̱n ne̱t à.

2 Korinti-ne̱ 5:10

Nip-o̱, Kiristi a piishe̱ ko̱ wu̱ ke ne̱t-wu̱ u̱t-ma. Remen ko̱ wu̱ ke wu̱a go̱ks 'yons-de u̱n se̱nge̱-mo̱ wu̱ no̱me̱ u̱n wu̱r-o̱ u̱n wu̱ u̱n ka ho̱no o-dak o̱ à, ko̱ mo̱ u̱r-bon, ko̱ komo mo̱ u̱n ba u̱r-bon.

Piripi-ne̱ 4:3

Wan-yen de, u̱m ko̱no̱g o gu ka ne'a-ne̱ ye̱, remen ye̱ u̱n Ku̱rement ne̱, no̱mo̱g m-se̱nge̱ u̱n me̱ ne̱, u̱n myet u̱n yan-ko̱'o̱t u̱n Ma-to̱ m-Re̱re̱m ne̱, ye̱ ka, Shir ge̱ne̱g jin-to̱ u̱n ye̱ u̱n taku̱rda-o̱ u̱n ho̱o̱g-mo̱ ba m-ta.

U̱t-Hyangan 11:18

Dak-u̱t shiiste̱ u̱s-ryaab, remen da-o̱ u̱n ryaab-u̱s ru woosu̱nte̱. Da-o woosu̱nte̱ o̱ a hette̱ piishe̱ u̱n margan-ne̱ u̱t-ma à, wo̱a ya'as yan-Rwo̱r u̱n ma-to̱ Shir u̱r-'yons ye̱ ro̱ gu̱w-ne̱ ru̱ à. Komo u̱n yan-ba-m-ku̱ko̱p ne̱ u̱n kap o̱ u̱n hun-ne̱ ne̱ ye̱ ya'u̱ wo̱ m-se̱k à, e̱s-mo̱ u̱n caari-ne̱ ha-mo̱ u̱n re̱k-ye̱. Komo wo̱a sabu̱rse̱ kap o̱ u̱n ye̱ hante̱ o̱ sabre̱ o-dak à!”

U̱t-Hyangan 13:8

Kap o̱ u̱n hun-ne̱ ye̱ ro̱ u̱r-she'et u̱n ho̱no o-dak à ye̱ kwu̱ktu̱ru̱ ka nem-yo. Ye̱ ro̱ ka ye̱ a ge̱ne̱ jin-to̱ u̱n ye̱ n-me̱ u̱n ka taku̱rda-o̱ á. Ka taku̱rda-o̱ ro̱ taku̱rda-o̱ u̱n ho̱o̱g o̱ u̱n ká Ya o-Rwu̱u̱g o-Ca a pane̱ à. Cin ba a u̱n no̱m ho̱no o-dak, ká Ca-yo ge̱ne̱ jin-to̱ u̱n ká hun-ne̱ ye̱, ye̱ he m-she'et ba m-ta à.

U̱t-Hyangan 17:8

Ka nem-yo o hyane̱ à, yo weste̱ u̱n no̱m u̱n ho̱o̱g n-ga, amba m-mo̱ka yo kus u̱n ho̱o̱g ne̱ á. Amba har u̱n kaane̱ ne̱, yoa rwu̱u̱n n-do̱ u̱n ka kuub-o̱ u̱r-du̱w o̱ ha-mo̱ u̱n be-de a he yo m-ho à. Hun-ne̱ ye̱ ro̱ u̱r-she'et u̱n ka ho̱no o-dak o̱ à, ye̱ ro̱ cin ba a u̱n hwo̱o̱n rii à a ge̱n jin-to̱ u̱n ye̱ n-me̱ u̱n taku̱rda-o̱ yan-ho̱o̱g á, kap ye̱a bu̱p nu u̱n hyan-o̱ u̱n ka nem-yo, remen n-ga yo ro u̱n ho̱o̱g ne̱ amba m-mo̱ka yo mereste̱.

U̱t-Hyangan 19:5

A ho̱gu̱ru̱ o-co̱r rwu̱u̱n-mo̱ u̱n ká kwu̱u̱r-o̱ ro̱ m-ze̱e̱, “Bo̱m no̱ Shir na, no̱ gu̱w-ne̱ ye̱ u̱n wu̱ kap, Caari u̱n re̱k-wu̱ ne̱, kap ye̱ ro̱ wu̱ m-gye̱r à.”

U̱t-Hyangan 2:23

Man hoom yakar-ye̱ u̱n wu̱. Komo myet-mo̱ u̱n hun-ne̱ yan-dor Ye̱so a nep u̱nze, me̱ wu̱ ro̱ m-byarag u̱n barag-se u̱n ne̱t u̱n me̱n-to̱ u̱n wu̱ ne̱. Komo man to̱pe̱ ko̱ wu̱ ke yo wu̱ no̱me̱ à.

U̱t-Hyangan 20:11

Ka da-o̱ u̱m hyanu̱ caari-o̱ o-kwu̱u̱r o̱ u̱t-gwo̱mo o-pus o̱. U̱m hyanu̱ru̱ wu̱ ro̱ tara n-to̱n o̱ à. O-dak n-To̱n o̱ shir ne̱ argu̱ m-e̱ge̱ u̱n co-o̱ u̱n wu̱ komo a do to̱ ne̱ m-hyan á.

U̱t-Hyangan 20:13

Sa-m rwu̱ntu̱ru̱ ye̱ mare̱ u̱n mo̱ à. M-mar u̱n be-de u̱r-she'et de u̱n marimar-ne̱ ne̱ to̱ ma to̱ rwu̱ntu̱ru̱ margan-ne̱ ye̱ u̱n to̱. A piishi ko̱wan u̱t-ma u̱n go̱n rii-yo wu̱ no̱me̱ à.

U̱t-Hyangan 20:15

Kap bo̱n wu̱ jin-de u̱n wu̱ rwu̱u̱ne̱ gense̱ n-me̱ u̱n ka taku̱rda-o̱ u̱n ho̱o̱g-o̱ á, a jorbu̱ wu̱ n-me̱ u̱n ka mar-o̱ o-ra o̱.

U̱t-Hyangan 21:27

Amba rii-yo m-ku̱ko̱p a kum m-co̱w n-me̱ u̱n ka bo̱-o̱ á, ko̱ komo ko̱yan no̱m u̱n rem-se u̱n hu, ko̱ wa-u̱t-bo̱, se̱ de̱ ye̱ a ge̱ne̱ jin-to̱ u̱n ye̱ n-me̱ u̱n ka taku̱rda-o̱ u̱n ho̱o̱g-o̱ u̱n ka Ya o-Rwu̱u̱g o-Ca yo à.

U̱t-Hyangan 22:12

“Gwo̱t, me̱ ka ro̱be̱ ba u̱n naas o-da! Komo 'yons u̱n de ro̱ be u̱n de, man to̱pe̱ ko̱wan go̱n rii-yo wu̱ no̱me̱ à.

U̱t-Hyangan 3:5

Be-de u̱n ko̱wan wu̱ re̱ u̱r-ho̱ de u̱n ko-Gwo̱mo-wu̱ u̱n ya-u̱t-ko̱t à, ye̱a cu̱p saw-u̱t pus-to̱. Man soks jin-to̱ u̱n ye̱ u̱n taku̱rda-o̱ u̱n ho̱o̱g á. Tomso ne̱ man ru̱re̱ Tato re u̱n yan-to̱m-ye̱ u̱n wu̱ ne̱ u̱nze ye̱ ro̱ yan-dor re.