U̱t-Hyangan 19:6 - Mɑ‑to̱ Shir Taku̱rda-o swo̱r o-nu pu̱-o̱

⁶ Ka da-de u̱m ho̱gu̱ komo o-zaaz sa o zee o̱ u̱n mo̱ro̱g-de u̱t-mo̱o̱r, u̱ntu̱n zaaz-o̱ u̱n ja-mo̱ m-ho̱ mo̱ m-sa, u̱ntu̱n dwu̱m-de o-dàkàr. U̱m ho̱gu̱ru̱ ye̱ m-ze̱e̱, “Bo̱m no̱ Yawe! Remen Wan-Ko̱yan na wu̱ ro̱ u̱t-gwo̱mo, wu̱ ro̱ Shir Wa-u̱t-Gwo̱mo kap!

U̱t-Hyangan 19:6 ပူးပေါင်းရင်းမြစ်များ

Matiyos 6:13

Taase o heet te̱ n-me̱ u̱t-meger á, Amba gu te̱ be-de o-yo̱ yo.’

U̱t-Hyangan 1:15

Na-se u̱n wu̱ ro̱ o-mo̱k ne̱ u̱ntu̱n o-tagurra yo a po̱ro̱gse̱, be-de u̱n zwo̱-o̱ u̱n ya-o-pyap à. Komo co̱r-o̱ u̱n wu̱ ro̱ u̱t-dwu̱m u̱ntu̱n zaaz-o̱ u̱n caari-mo̱ m-ho̱ mo̱ ro̱ m-ja à.

U̱t-Hyangan 1:8

Wan-Ko̱yan Shir wu̱ ze̱e̱, “Me̱ ro̱ u̱r-Takan, u̱r-Bu̱ste̱ ne̱. Me̱ ro̱ m-mo̱ka, me̱ ro cin n-ga, komo wu̱ ro̱o̱ne̱ à, Wa-u̱t-Gwo̱mo kap.”

U̱t-Hyangan 12:10

Ka da-de, u̱m ho̱gu̱ru̱ o̱ ken caari-o̱ u̱n co̱r-o̱ n-To̱n shir o̱ ro̱ m-ze̱e̱, “M-mo̱ka gwu̱, u̱r-be̱e̱b ne̱, u̱t-gwo̱mo ne̱ to̱ u̱n Shir na, komo u̱n be̱e̱b-u̱r Kiristi ne̱ rwu̱u̱nte̱. Remen a jorbu̱ssu̱te̱ wan-yage̱-u̱t o̱r na ne̱ n-dak, ká wu̱ ro̱ u̱n ce'e̱ u̱n o̱r na ne̱ u̱t-ma u̱n he̱r o̱ Shir m-te̱t, m-ho̱w ne̱ à.

U̱t-Hyangan 14:2

Komo u̱m ho̱gu̱ru̱ ras rwu̱u̱n-mo̱ n-To̱n shir u̱ntu̱n dwu̱m-de u̱n ja-mo̱ m-ho̱ mo̱ m-sa, u̱ntu̱n dwu̱m-de o-dàkàr. Ka ras-o̱ u̱m ho̱ge̱ à ya o̱ ro u̱ntu̱n ras-o̱ u̱n yan-bu u̱t-moro to̱ u̱n ye̱.

U̱t-Hyangan 19:1

Bo̱ to̱ ka aragte̱ à, u̱m ho̱gu̱ru̱ o-zaaz u̱ntu̱n co̱r-se u̱n mo̱ro̱g-de u̱t-mo̱o̱r n-To̱n o̱ Shir se ro̱ m-ze̱e̱, “Bo̱m no̱ Yawe! Gwu̱, m-se̱ps ne̱, u̱r-be̱e̱b ne̱ ro̱ be-de Shir na!

U̱t-Hyangan 19:4

Se̱k-ye̱ u̱r-kwo̱o̱z u̱n nass [24] u̱n rii-ye̱ u̱n ho̱o̱g ne̱ nass kwu̱ktu̱ru̱ ye̱ bo̱mu̱ru̱ Shir, wu̱ ro̱ tara o-kwu̱u̱r à. Ye̱ 'yonsu̱ru̱ u̱s-co̱r ye̱ ze̱e̱ru̱, “Amin! Bo̱m no̱ Yawe!”

U̱t-Hyangan 21:22

Me̱ hyan Pyo-o̱ Shir u̱n ka bo̱-o̱ á, remen Wan-Ko̱yan Shir Wa-u̱t-Gwo̱mo kap u̱n Ya o-Rwu̱u̱g o-Ca ne̱ ye̱ ye̱ ro̱ Pyo-o̱ Shir o̱ u̱n ka bo̱-o̱.

U̱t-Hyangan 4:5

Myakt-se a se̱nge̱ m-hyan se ro̱ m-rwu̱u̱n be-de u̱n ka kwu̱u̱r-o̱ o-zaaz ne̱ o̱ u̱t-dàkàr. U̱n co-o̱ u̱n ka kwu̱u̱r-o̱ ne̱, pitirra-u̱t ta'yoor ro̱ ko̱n to̱ ro̱ m-re̱ o-ra ru̱wru̱w she̱ro she̱ro, to̱ ro̱ hek-o̱ u̱n Ku̱kt-o̱ Shir, to̱ Shir ro̱ m-to̱m à.

U̱t-Hyangan 6:1

Me̱ gu̱t, u̱m hyanu̱ru̱ ká Ya o-Rwu̱u̱g o-Ca yo ke'este̱ reke̱-de u̱r-takan be-de u̱t-ta'yoor to̱ u̱n ká taku̱rda-o̱. Ka da-de u̱m ho̱gu̱ru̱ o-gaan be-de u̱n ka rii-ye̱ u̱n ho̱o̱g nass-ye̱ yo 'yonste̱ o̱ ken co̱r-o̱ u̱ntu̱n dwu̱m-de o-dàkàr, “Haan!”

U̱t-Hyangan 8:5

Ka da-de wan-to̱m-wu̱ Shir shoosu̱ru̱ ka sheend-de m-tu̱ks de wu̱ shoosu̱ru̱ o-ra rwu̱u̱n-mo̱ u̱n ká hana-o̱, wu̱ jondu̱ru̱ de u̱n ho̱no o-dak. A nomoru̱ o-dákàr, o-zaaz ne̱, u̱s-myakt ne̱, komo dak-o nuktu̱ru̱.