U̱t-Hyangan 18:9 - Mɑ‑to̱ Shir Taku̱rda-o swo̱r o-nu pu̱-o̱

⁹ “N-ga, gwo̱mo-ne̱ ye̱ u̱n ho̱no o-dak ye̱ no̱mo̱g o-ás u̱n wu̱ ne̱ komo ye̱ ho̱gu̱te̱ m-re̱re̱m u̱n saw-to̱ u̱n hwo̱r to̱ u̱n wu̱. Amba da-o̱ ye̱ hyane̱ hye-de o-ra de u̱n tu̱k-mo̱ u̱n wu̱ à, ye̱a 'u̱n-u̱s-'wo̱n u̱n u̱s-kan ne̱ de̱e̱n remen wu̱.

U̱t-Hyangan 18:9 ပူးပေါင်းရင်းမြစ်များ

1 Timoti 5:11

U̱ntaase no̱ ge̱n jin-de ne'a wu̱ wo̱ u̱s-hak kwo̱o̱z-u̱t tet [60] á. No̱ ge̱n ye̱ á, remen da-de co̱n-to̱ u̱n wu̱r-o̱ u̱n ye̱ hokse̱ ye̱, ye̱a cu̱n ye̱ ge u̱t-ge komo. Da-o̱ ye̱ ga u̱t-ge à, ye̱ joru̱te̱ o̱ ka swo̱r o-nu o̱ ye̱ nome̱ u̱n Kiristi, u̱nze ye̱a ge u̱t-ge á.

U̱t-Hyangan 14:11

Hye-de u̱n ka ra-o̱ atte̱ ye̱ u̱n ya-u̱r-ko̱o̱b à, de se̱ngu̱ m-da n-to̱n ba m-ta har ya nomot. Wu̱we̱-u̱r ro̱ ko̱n á m-te̱t, m-ho̱w ne̱, remen ye̱ kwu̱ktu̱te̱ ka nem-yo o-ko̱t yo u̱n sha-mo̱ u̱n yo ne̱, komo ye̱ go̱kste̱ napa-o̱ u̱n jin-de u̱n yo.”

U̱t-Hyangan 17:2

Gwo̱mo-ne̱ ye̱ u̱n ho̱no o-dak no̱mo̱g o-ás u̱n wu̱ ne̱, komo hun-ne̱ ye̱ u̱n ho̱no o-dak swo̱o̱g ke̱-mo̱ u̱n ás-o̱ u̱n wu̱ har mo̱ ho ye̱ u̱ntu̱n ho̱-de m-ke̱.”

U̱t-Hyangan 18:18

Ye̱a 'u̱n, da-o̱ ye̱ ro m-hyan u̱n hye-de u̱n ka ra-o̱ ro̱ m-da n-to̱n à. Ye̱a zee, ‘A tak u̱n m-hyan o-bo̱ u̱ntu̱n o̱ ka á!’

U̱t-Hyangan 18:20

No̱m no̱ o-zak, no̱ ye̱ ro̱ u̱r-she'et n-To̱n shir à, no̱m no̱ o-zak no̱ yan-ba-m-ku̱ko̱p, yan-To̱m Ye̱so, u̱n yan-Rwo̱r u̱n Ma-to̱ Shir ne̱. U̱r-ko̱m Shir piishite̱ o-Babira u̱t-ma remen rii-yo o̱ no̱mu̱ no̱ à!’ ”

U̱t-Hyangan 18:3

Remen kap hun-ne̱ ye̱ u̱t-dak ye̱ swo̱o̱g m-ke̱ mo̱ u̱n ka bo̱-o̱ mo̱ o-ás. Gwo̱mo-ne̱ ye̱ u̱n ho̱no o-dak no̱mo̱g o-ás u̱n o̱ ne̱. Remen hun-ne̱ co̱no̱g she'et-de u̱n ho̱ge̱ m-re̱re̱m, ya-m-o̱, u̱t-baab ne̱ ye̱ u̱n ho̱no o-dak kumug o-kwu̱m.”

U̱t-Hyangan 18:7

O̱ she'ette̱ she'et-de m-se̱ps o-zak ne̱, remen kaane̱ no̱mu̱ no̱ o̱ m-zo̱m ryaab-u̱s u̱s-ryaab. O̱ ro̱ u̱s-se̱s m-ze̱e̱, ‘Me̱, ko-saraki-wu̱, u̱n de̱e̱g u̱n de u̱m ro̱ tara! Me̱ ne'a-wu̱ campo̱ u̱n wu̱ mare̱ à wu̱ wu̱ á. Komo a wo̱s me̱ u̱n tu̱k-mo̱ u̱t-me̱n á!’

U̱t-Hyangan 19:3

Komo co̱r-se u̱n ye̱ ze̱e̱ru̱, “Bo̱m no̱ Yawe! Hye-de u̱n tu̱k-mo̱ u̱n ká bo̱-o̱ daaru̱ har da-o̱ ba m-ta.”

U̱t-Hyangan 2:22

Remen kaane̱ man jorbe̱ wu̱ u̱n kwu̱u̱r-o̱ u̱n go̱m, komo man ru̱ ka ye̱ no̱me̱ o-ás u̱n wu̱ ne̱ à ye̱ su̱ u̱r-ko̱o̱b de̱e̱n, se̱ de̱ u̱rege̱ ye̱ waktu̱nte̱ ye̱ yagne̱ co̱w-se u̱n wu̱.