U̱t-Hyangan 18:18 - Mɑ‑to̱ Shir Taku̱rda-o swo̱r o-nu pu̱-o̱

¹⁸ Ye̱a 'u̱n, da-o̱ ye̱ ro m-hyan u̱n hye-de u̱n ka ra-o̱ ro̱ m-da n-to̱n à. Ye̱a zee, ‘A tak u̱n m-hyan o-bo̱ u̱ntu̱n o̱ ka á!’

U̱t-Hyangan 18:18 ပူးပေါင်းရင်းမြစ်များ

U̱t-Hyangan 13:4

Hun-ne̱ kwu̱ktu̱ru̱ ka hwo̱-yo remen yo ya'ag ka nem-yo u̱r-be̱e̱b. Ye̱ kwu̱ktu̱ru̱ ka nem-yo komo, ye̱ ro̱ m-cit, “¿Wan wu̱ ro̱ u̱ntu̱n ka nem-yo? Komo ¿wan wu̱ ne̱ he u̱r-gu̱n u̱n yo ne̱?”

U̱t-Hyangan 14:11

Hye-de u̱n ka ra-o̱ atte̱ ye̱ u̱n ya-u̱r-ko̱o̱b à, de se̱ngu̱ m-da n-to̱n ba m-ta har ya nomot. Wu̱we̱-u̱r ro̱ ko̱n á m-te̱t, m-ho̱w ne̱, remen ye̱ kwu̱ktu̱te̱ ka nem-yo o-ko̱t yo u̱n sha-mo̱ u̱n yo ne̱, komo ye̱ go̱kste̱ napa-o̱ u̱n jin-de u̱n yo.”

U̱t-Hyangan 16:19

Ka caari-o̱ o-bo̱ o̱ o-Babira o̱ pu̱rgu̱ be-u̱t tet, bo̱-to̱ u̱n ho̱n u̱t-dak kap to̱ he̱e̱ru̱. Shir baksu̱ ba'as-de o-Babira wu̱ rwo̱'u̱ o̱ swo̱ u̱n ka ibitte̱-de de u̱n ryaab-se u̱n wu̱ se m-yo̱.

U̱t-Hyangan 18:16

Ye̱ m-ze̱e̱, “ ‘Rii-yo u̱r-'wo̱n! Rii-yo u̱r-'wo̱n yo ka caari-o̱ o-bo̱ o̱! O̱ ro n-ga u̱n co̱p u̱n gund-to̱ u̱r-bon to̱ m-gwu̱gwe̱r à, u̱r-matuku ne̱ de u̱n ho̱-mo̱ u̱n o-garura, komo u̱r-matuku ne̱ de u̱n ho̱-m jaas-mo̱ záá, komo o̱ ro u̱n no̱m u̱t-duk u̱n saw-to̱ u̱n zinariya, u̱n ta'ar ne̱ ye̱ u̱n hwo̱r komo u̱n rwu̱u̱mb-se u̱n hwo̱r ne̱!