U̱t-Hyangan 17:2 - Mɑ‑to̱ Shir Taku̱rda-o swo̱r o-nu pu̱-o̱

² Gwo̱mo-ne̱ ye̱ u̱n ho̱no o-dak no̱mo̱g o-ás u̱n wu̱ ne̱, komo hun-ne̱ ye̱ u̱n ho̱no o-dak swo̱o̱g ke̱-mo̱ u̱n ás-o̱ u̱n wu̱ har mo̱ ho ye̱ u̱ntu̱n ho̱-de m-ke̱.”

U̱t-Hyangan 17:2 ပူးပေါင်းရင်းမြစ်များ

Yohana 2:10

Wu̱ ze̱e̱ru̱ wu̱, “Ko̱ wu̱ ke ne̱t-wu̱ de̱ wu̱ ro̱ u̱n rwu̱nte̱ u̱n mo̱di-mo̱ m-re̱re̱m u̱r-takan. Da-o̱ hamat-ne̱ su̱u̱se̱ ye̱ ciks, wu̱ bu̱stu̱ru̱ u̱n mo̱ ba m-rwu̱u̱n kyak, amba wo̱ ne̱, o e̱ssu̱ndu̱ru̱ ká mo̱ jiishe̱ à se̱ m-mo̱ka o hante̱ mo̱.”

U̱t-Hyangan 14:8

Wu̱ ken wan-to̱m-wu̱ Shir ayoore̱-wu̱ do̱ru̱ru̱ wu̱ u̱t-ke'ente̱ o-zaaz, wu̱ ro̱ m-ze̱e̱, “Babira-o hyeeste̱, Shir to̱k ká caari-o̱ o-bo̱ o̱ ba'as-to̱ u̱n hun-ne̱ ye̱ u̱n o̱, o̱ hyeeste̱! Hun-ne̱ o-Babira ye̱ nakante̱ myet o̱ u̱t-dak remen ye̱ joroté̱ Shir. Ye̱ m-no̱m kááne̱ u̱ntu̱n ko-kaar-wu̱ a ya'e̱ m-ke̱ be-de u̱n campo̱-ne̱ a nomot o-ás u̱n wu̱ ne̱ à.”

U̱t-Hyangan 17:13

Ka gwo̱mo-ne̱ o̱p-ye̱ ma-to̱ u̱n ye̱ kang-o gaan to̱ ro̱, komo ye̱ ya'aste̱ ka nem-yo be̱e̱b-de u̱n ye̱ u̱n gwo̱mo-to̱ u̱n ye̱ ne̱.

U̱t-Hyangan 17:17

Ye̱a no̱m kaane̱, remen Shir ru̱'u̱sse̱ u̱n hur-de u̱n ye̱, zo̱nge̱-to̱ ye̱ hette̱ no̱m u̱n rii-yo wu̱ co̱ne̱ à. Ye̱a ya'as ka nem-yo be̱e̱b-de u̱n ye̱ remen yo reet u̱t-gwo̱mo har se̱ Ma-to̱ Shir shiig o-nip.

U̱t-Hyangan 17:5

U̱n zwo̱n-de u̱n wu̱ komo a ge̱ne̱g u̱r-jin u̱t-ma ne̱: Rii-yo wukusse̱ Babira-o go̱s-o̱, Ko-gwo̱mo-wu̱ u̱n kaar-ne̱, Inu-o̱ u̱n rem-se o-ás komo u̱n ho̱no o-dak.

U̱t-Hyangan 17:8

Ka nem-yo o hyane̱ à, yo weste̱ u̱n no̱m u̱n ho̱o̱g n-ga, amba m-mo̱ka yo kus u̱n ho̱o̱g ne̱ á. Amba har u̱n kaane̱ ne̱, yoa rwu̱u̱n n-do̱ u̱n ka kuub-o̱ u̱r-du̱w o̱ ha-mo̱ u̱n be-de a he yo m-ho à. Hun-ne̱ ye̱ ro̱ u̱r-she'et u̱n ka ho̱no o-dak o̱ à, ye̱ ro̱ cin ba a u̱n hwo̱o̱n rii à a ge̱n jin-to̱ u̱n ye̱ n-me̱ u̱n taku̱rda-o̱ yan-ho̱o̱g á, kap ye̱a bu̱p nu u̱n hyan-o̱ u̱n ka nem-yo, remen n-ga yo ro u̱n ho̱o̱g ne̱ amba m-mo̱ka yo mereste̱.

U̱t-Hyangan 18:23

Hun-ne̱ do hyan ra-o̱ u̱r-pitirra n-me̱ o-Babira á. Komo co̱r-se o-zak u̱n yan-rew-to̱ u̱n ge-u̱t pu̱-to̱ ne̱ a do se m-ho̱ge̱ u̱n ka bo̱-o̱ á. Ya-u̱t-baab ye̱ o-Babira ye̱ ro caari-ne̱, ye̱ ro jiishte̱ ya-u̱t-baab ye̱ u̱n ho̱no o-dak kap à, komo u̱n myot-u̱s ru o̱ o e̱gu̱sse̱ myet-o̱ u̱t-dak!

U̱t-Hyangan 18:3

Remen kap hun-ne̱ ye̱ u̱t-dak ye̱ swo̱o̱g m-ke̱ mo̱ u̱n ka bo̱-o̱ mo̱ o-ás. Gwo̱mo-ne̱ ye̱ u̱n ho̱no o-dak no̱mo̱g o-ás u̱n o̱ ne̱. Remen hun-ne̱ co̱no̱g she'et-de u̱n ho̱ge̱ m-re̱re̱m, ya-m-o̱, u̱t-baab ne̱ ye̱ u̱n ho̱no o-dak kumug o-kwu̱m.”

U̱t-Hyangan 18:9

“N-ga, gwo̱mo-ne̱ ye̱ u̱n ho̱no o-dak ye̱ no̱mo̱g o-ás u̱n wu̱ ne̱ komo ye̱ ho̱gu̱te̱ m-re̱re̱m u̱n saw-to̱ u̱n hwo̱r to̱ u̱n wu̱. Amba da-o̱ ye̱ hyane̱ hye-de o-ra de u̱n tu̱k-mo̱ u̱n wu̱ à, ye̱a 'u̱n-u̱s-'wo̱n u̱n u̱s-kan ne̱ de̱e̱n remen wu̱.

U̱t-Hyangan 2:22

Remen kaane̱ man jorbe̱ wu̱ u̱n kwu̱u̱r-o̱ u̱n go̱m, komo man ru̱ ka ye̱ no̱me̱ o-ás u̱n wu̱ ne̱ à ye̱ su̱ u̱r-ko̱o̱b de̱e̱n, se̱ de̱ u̱rege̱ ye̱ waktu̱nte̱ ye̱ yagne̱ co̱w-se u̱n wu̱.

U̱t-Hyangan 3:10

N-me̱ u̱n 'mo̱ u̱r-hur, no̱ no̱mo̱g o-do̱ro̱tte̱ u̱n ma-u̱t re. Remen kááne̱, man 'er no̱ u̱n ká da-o̱ o̱ u̱m he m-rwo̱ meger-to̱ he̱be̱ hun-ne̱ ya o-zang u̱n ho̱no o-dak a su̱ u̱r-ko̱o̱b. Me̱ u̱n nom kaane̱, remen u̱m nept ko̱ ye̱a waktu̱ne̱ e̱s-mo̱ u̱n ba'as-to̱ u̱n ye̱ ko̱ ye̱a waktu̱ne̱ á.

U̱t-Hyangan 9:21

Komo ye̱ ko̱n a soksu̱ ye̱ ba'as-to̱ u̱n hun-ne̱ ye̱ ye̱ hoome̱ á, ko̱ hyat-to̱ ye̱ nome̱ u̱n bu̱-yo u̱n mo̱r, o-ás, ko̱ hyow-de u̱n ye̱ á.