U̱t-Hyangan 17:12 - Mɑ‑to̱ Shir Taku̱rda-o swo̱r o-nu pu̱-o̱

¹² “Ka kar-u̱s o̱p-se o hyane̱ á, ye̱ ro̱ ka gwo̱mo-ne̱ o̱p-ye̱ ye̱ u̱n goshi go̱kse̱ be̱e̱b-de u̱t-gwo̱mo á. Ijime̱, ye̱a kum u̱t-gwo̱mo. Amba ye̱a no̱m u̱t-gwo̱mo mo̱sse̱ u̱n ka nem-yo ne̱ awa o-gaan.

U̱t-Hyangan 17:12 ပူးပေါင်းရင်းမြစ်များ

U̱t-Hyangan 10:11

Ka da-o̱ a dooru̱ me̱ m-ru̱re̱ u̱nze, “Se̱ o ru̱r rii-yo he m-ko̱r kane̱ u̱n co komo à be-de u̱n bu̱u̱g-to̱ u̱n hun-ne̱, ho̱n u̱t-dak, ko̱ de ke rem-de, u̱n gwo̱mo-ne̱ ne̱.”

U̱t-Hyangan 12:3

Ka da-de u̱m hyanu̱ru̱ komo o̱ ken napa-o̱ u̱t-hyat o̱ n-To̱n shir. U̱m hyanu̱ru̱ yo ken caari-yo o-hwo̱ o̱ o-jaas yo yo, u̱t-hi ne̱ u̱t-ta'yoor u̱s-kar ne̱ u̱s-o̱p, u̱t-go̱nd ne̱ u̱t-ta'yoor u̱n hi-to̱ u̱n yo.

U̱t-Hyangan 13:1

Komo u̱m hyanu̱ru̱ yo ken nem-yo o-ko̱t yo m-rwu̱u̱n n-me̱ m-sa. Yo ro̱ u̱t-hi ne̱ u̱t-ta'yoor, u̱s-kar ne̱ u̱s-o̱p, u̱t-go̱nd ne̱ u̱t-o̱p u̱n kar-se u̱n yo. Komo u̱n ko̱ de ke hi-de, jin-u̱t ro̱ ko̱n to̱ u̱n yo'og-o̱ Shir.

U̱t-Hyangan 17:16

Ka nem-yo u̱n ka kar-u̱s o̱p ne̱ se o hyane̱ a, ye̱a kute̱ ka ko-kaar-wu̱ u̱t-yage̱. Ye̱a rumus kap o̱ u̱n rii-yo wu̱ ro̱tte̱ à ye̱ yagu̱ wu̱ u̱r-kor. Har ye̱a ti ap-mo̱ u̱n wu̱r-o̱ u̱n wu̱. Komo ye̱ tu̱ks wu̱ o-ra.

U̱t-Hyangan 18:10

Ye̱a es u̱r-hew ne̱ remen ye̱ u̱n ho̱ge̱ o-gye̱r o̱ u̱n swo̱ u̱r-ko̱o̱b de wu̱ ro̱ m-swo̱ à. Ye̱a se̱nge̱ m-ze̱e̱, “ ‘Wo̱ rii-yo u̱r-'wo̱n yo! Wo̱ rii-yo u̱r-'wo̱n yo, caari-o̱ o-bo̱ o̱ o-Babira, bo̱-o̱ u̱r-'wo̱n! Shir piishitu̱ wo̱ u̱t-ma da-o gaan!’

U̱t-Hyangan 18:17

Amba da-o gaan kap o̱ u̱n kwu̱m-o̱ u̱n o̱ tae̱!’ “Myet-o̱ u̱n yan-hat-to̱ m-ho̱ u̱n yan-da-mo̱ u̱n to̱ ne̱, u̱n ya-m-nak ne̱ komo u̱n kap o̱ u̱n bo̱ u̱n ye̱ ro̱ m-kum u̱n ya-m-o̱ u̱t-baab ne̱ be-de m-sa à, ye̱a e̱s u̱r-hew ne̱.

U̱t-Hyangan 18:19

Ye̱a 'u̱n ye̱ zo̱r m-hu a nept tu̱k-mo̱ u̱t-me̱n ho̱o̱g ye̱. Komo ye̱a zee, “ ‘Rii-yo u̱r-'wo̱n, rii-yo u̱r-'wo̱n, kà bo̱-o caari-o̱! Remen ká bo̱-o̱, yan-hat-o̱ m-ho̱ ye̱ kamaste̱ hwo̱r de̱e̱n u̱n bu̱-yo baab-to̱ u̱n rem-se hun-ne̱ ye̱ u̱n ká bo̱-o̱ m-no̱m à. Amba da-o gaan ko̱yan sabre̱!