U̱t-Hyangan 16:5 - Mɑ‑to̱ Shir Taku̱rda-o swo̱r o-nu pu̱-o̱

⁵ U̱m ho̱gu̱ru̱ wan-to̱m-wu̱ Shir go̱s-wu̱ wu̱ m-ho̱ ze̱e̱g Shir, “Wo̱ ko-yan-me̱n-u̱t pus-to̱ wu̱ be-de u̱n ma-u̱t ru to̱ wo̱ m-piish à. Wo̱ ro̱ Wu̱ ba m-Ku̱ko̱p, wo̱ ro̱ m-mo̱ka, n-ga ne̱ komo. Remen kaane̱ wo̱ m-piish u̱t-ma hond hond.

U̱t-Hyangan 16:5 ပူးပေါင်းရင်းမြစ်များ

Yohana 17:25

“Kashi o-Tato, hun-ne̱ ye̱ u̱n ho̱no o-dak, ye̱ nap wo̱ á, amba u̱m nepste̱ wo̱. Yan-dor re komo, ye̱ nepste̱ u̱nze wo̱ to̱mnu̱ me̱.

Roma-ne̱ 2:5

Amba remen cikt u̱n du u̱n ko̱o̱b-de u̱n waktu̱ne̱-m ru ne̱ be-de Shir, wo̱ u̱n egne̱ u̱n hi u̱n du ryaab-se Shir. U̱n ho̱-de ryaab-se Shir, wu̱a kute̱ hun-ne̱ kashi u̱n piish u̱t-ma cas cas.

Roma-ne̱ 3:5

Amba, ye̱ ken ye̱ a zee, “Ba'as-u̱t na no̱mo̱g u̱r-bon, remen to̱ rwo̱'o̱g hun-ne̱ hyenet bo̱ Shir ro̱ kashi à m-mo̱ka. ¿Ba'as-de Shir nome̱ u̱s-ryaab u̱n na ne̱ wu̱ 'ye na u̱r-ko̱o̱b?” Raag-mo̱ a cite̱ kaane̱.

U̱t-Hyangan 1:4

Ka taku̱rda-o̱ u̱n rwu̱be̱ be u̱n de Yohana, ha-mo̱ u̱n yan-dor Ye̱so be-u̱t ta'yoor-ye̱ ro̱ u̱n dak-o̱ o-Asiya à: Me̱ u̱s-ko̱n m-yar u̱n she'et-de ba u̱t-ween ne̱ nom mo̱sse̱ u̱n no̱ ne̱ mo̱ rwu̱u̱ne̱ be-de Shir à, wu̱ ro̱ m-mo̱ka à, wu̱ ro cin n-ga à, komo wu̱ ro̱o̱ne̱ à, komo rwu̱u̱n-mo̱ u̱n be-de u̱n ka wu̱ ro̱ u̱n to̱mo̱n u̱n Ku̱kt-o̱ Shir o̱ n-co o̱ u̱n kwu̱u̱r-o̱ u̱t-gwo̱mo à,

U̱t-Hyangan 1:8

Wan-Ko̱yan Shir wu̱ ze̱e̱, “Me̱ ro̱ u̱r-Takan, u̱r-Bu̱ste̱ ne̱. Me̱ ro̱ m-mo̱ka, me̱ ro cin n-ga, komo wu̱ ro̱o̱ne̱ à, Wa-u̱t-Gwo̱mo kap.”

U̱t-Hyangan 11:17

Komo ye̱ ro̱ m-ze̱e̱, “Te̱ bo̱mo̱g wo̱, Wan-Ko̱yan Shir Wa-u̱t-Gwo̱mo kap, wo̱ wu̱ ro̱ m-mo̱ka à, komo wo̱ wu̱ ro n-ga à, remen o dekse̱ be̱e̱b u̱n du, komo o takante̱ gwo̱mo-u̱t ru.

U̱t-Hyangan 16:4

Wan-to̱m-wu̱ Shir atette̱-wu̱ duusbu̱ru̱ rii-yo ro̱ u̱n sheend-o̱ u̱n wu̱ à n-me̱ u̱t-ro̱o̱g u̱n yish-to̱ m-ho̱ ne̱, to̱ argu̱ m-warag m-hyó.

U̱t-Hyangan 16:7

U̱m ho̱gu̱ru̱ co̱r n-te̱ o-hana o̱ ro̱ m-ze̱e̱. “E̱e̱, Wan-Ko̱yan Shir Wa-u̱t-Gwo̱mo kap! Piish u̱n ma-u̱t ru hond hond to̱ ro̱, wo̱ komo ko-yan-me̱n-u̱t pus-to̱ wu̱.”

U̱t-Hyangan 19:2

Remen piish u̱n ma-u̱t u̱n wu̱ hond hond to̱ ro̱, wu̱ komo ko-yan-me̱n-u̱t pus-to̱ wu̱, Wu̱ sabu̱rsu̱te̱ o-Babira ká caari-wu̱ u̱n ko-kaar-wu̱, Babira-o rakste̱ hun-ne̱ ye̱ u̱n ho̱no o-dak u̱n bu̱-yo u̱n ás-o̱ u̱n o̱. Shir mu̱su̱te̱ hun-ne̱ ye̱ u̱n wu̱ ye̱ ká ne'a-wu̱ hoome̱ à.”

U̱t-Hyangan 4:8

Ko̱ yo ke rii-yo u̱n ho̱o̱g-yo ro̱ u̱t-ku̱ku̱n ne̱ u̱t-cind, ká ku̱ku̱n-to̱ tomso ne̱ ro̱ u̱n yish ne̱ u̱r-me̱ n-do̱ ne̱. M-te̱t, m-ho̱w ne̱, ye̱ m-yage̱ hu u̱s-se̱p á: “Ba m-ku̱ko̱p, ba m-ku̱ko̱p, ba m-ku̱ko̱p wu̱ ro̱ Wan-Ko̱yan Shir Wa-u̱t-Gwo̱mo kap. Wu̱ ro'e̱ n-ga à, Wa-m-mo̱ka, wu̱ ro̱, komo wu̱ he m-haan à.”

U̱t-Hyangan 6:10

Ye̱ 'yonsu̱ u̱s-co̱r de̱e̱n ye̱ ze̱e̱ru̱, “Wan-Ko̱yan, Wa-u̱r-Be̱e̱b kap, Wa-o-nip komo So̱-wu̱, ¿se̱ de ke ho̱-de o he piishe̱ u̱n hun-ne̱ ye̱ u̱n kà ho̱no o-dak o̱ u̱t-ma? ¿Komo yan da-o̱ o he ye̱ m-rangse̱ remen ye̱ ho̱o̱g te̱? ¿De ke ho̱-de o he te̱ m-mu̱se̱?”