U̱t-Hyangan 16:2 - Mɑ‑to̱ Shir Taku̱rda-o swo̱r o-nu pu̱-o̱

² Wan-to̱m-wu̱ Shir wu̱ u̱r-takan, wu̱ haaru̱ wu̱ duusbu̱ru̱ ho̱no o-dak rii-yo ro̱ u̱n sheend-o̱ u̱n wu̱ à. To̱ ken nat-to̱ rwu̱u̱nu̱ru̱ to̱ m-yo̱ m-hoog ne̱ de̱e̱n u̱n wu̱r-to̱ u̱n ka hun-ne̱ ye̱ ro̱ u̱n napa-o̱ u̱n ka nem-yo ne̱ à, komo u̱n ye̱ kwu̱kte̱ sha-mo̱ u̱n yo ne̱ à.

U̱t-Hyangan 16:2 ပူးပေါင်းရင်းမြစ်များ

Se̱nge̱-mo̱ 12:23

Da-o gaan, wu̱ ken wan-to̱m-wu̱ Wan-Ko̱yan wu̱ wo̱su̱ Here̱, remen wu̱ yagu̱te̱ se̱ke̱mse̱ u̱n Shir. Ye̱ge̱-zwo̱ se̱ngu̱ wu̱ m-re̱ har wu̱ maru̱ru̱.

U̱t-Hyangan 13:12

Yo ku̱u̱su̱ru̱ kap gwo̱mo-to̱ u̱n ka nem-yo u̱r-takan yo. Yo rwo'u̱ru̱ ho̱no o-dak u̱n hun-ne̱ ne̱ ye̱ ro̱ u̱r-she'et n-me̱ u̱n o̱ à, ye̱ kwu̱kte̱ ka nem-yo u̱r-takan yo, yo hoog-mo̱ m-mar mo̱ a ho̱gu̱sse̱ yo teese̱ à.

U̱t-Hyangan 14:16

Ka wu̱ ro tara n-to̱n u̱r-ke'ente̱ à, wu̱ tabbu̱ riji-yo u̱n wu̱ u̱n ho̱no o-dak komo a yeru̱ru̱ rem-se u̱n ho̱no o-dak.

U̱t-Hyangan 14:9

Komo wan-to̱m-wu̱ Shir atette̱-wu̱ do̱rbu̱ru̱ ye̱, wu̱ daku̱ru̱ co̱r-o̱ u̱r-be̱e̱b ne̱, “Shir a tops myet bo̱n ne̱t-wu̱ kwu̱kte̱ ka nem-yo u̱n sha-mo̱ u̱n yo ne̱ à. Komo bo̱n wu̱ go̱kse̱ napa-o̱ u̱n yo u̱n zwo̱n-de u̱n wu̱ à, ko̱ komo u̱n kom-to̱ u̱n wu̱ à,

U̱t-Hyangan 16:1

Ka da-de u̱m ho̱gu̱ru̱ o̱ ken co̱r-o̱ o̱ u̱r-be̱e̱b o̱ ro̱ m-rwu̱u̱n n-me̱ u̱n Pyo-o̱ Shir, ka co̱r-o̱ ro̱ u̱n ru̱re̱ u̱n yan-to̱m-ye̱ Shir ta'yoor. O̱ zee, “Habe̱ no̱, no̱ duusbe̱ ho̱no o-dak ká sheend-u̱t ta'yoor-to̱, to̱ u̱n ryaab-se Shir.”

U̱t-Hyangan 16:11

Ye̱ agu̱ Shir o̱ n-To̱n u̱n jin-u̱r yo̱-de remen m-reeten mo̱ u̱t-nat mo̱ ye̱ m-swo̱ à. Amba ye̱ waktu̱ne̱ be-de u̱n ba'as-de u̱n ye̱ á.

U̱t-Hyangan 8:7

Wan-to̱m-wu̱ Shir wu̱ u̱r-takan hururu̱ kar-o̱ u̱n wu̱. A hyanu̱ru̱ ta'ar-ye̱ u̱n kem o-ra ne̱, mo̱sse̱ m-hyó ne̱ a duusu̱ndu̱ru̱ u̱n ho̱no o-dak. Ka ra-o̱ tu̱ksu̱ru̱ bu̱u̱g-u̱r gaan be-de u̱n bu̱u̱g-u̱t tet-to̱ u̱n ho̱no o-dak, ká ra-o̱ tu̱ksu̱ru̱ komo bu̱u̱g-u̱r gaan be-de u̱n bu̱u̱g-u̱t tet-to̱ u̱s-'yo u̱n po̱-u̱t yar-to̱ ne̱.