U̱t-Hyangan 16:19 - Mɑ‑to̱ Shir Taku̱rda-o swo̱r o-nu pu̱-o̱

¹⁹ Ka caari-o̱ o-bo̱ o̱ o-Babira o̱ pu̱rgu̱ be-u̱t tet, bo̱-to̱ u̱n ho̱n u̱t-dak kap to̱ he̱e̱ru̱. Shir baksu̱ ba'as-de o-Babira wu̱ rwo̱'u̱ o̱ swo̱ u̱n ka ibitte̱-de de u̱n ryaab-se u̱n wu̱ se m-yo̱.

U̱t-Hyangan 16:19 ပူးပေါင်းရင်းမြစ်များ

U̱t-Hyangan 11:8

Komo a ru̱s u-to̱ u̱n ye̱ u̱n co̱w-yo u̱n ka caari-o̱ o-bo̱ o̱ o̱ a kemte̱ Wan-Ko̱yan-wu̱ u̱n ye̱ à. A u̱n hongse̱ jin-de u̱n ka bo̱-o̱ o-So̱do̱m ne̱, o-Masar ne̱.

U̱t-Hyangan 17:1

Wan-gaan be-de u̱n ká yan-to̱m-ye̱ Shir ne̱n ta'yoore̱ ye̱, wu̱ duusbe̱ sheend-o ata'yoore̱-o̱, haanu̱ru̱ be u̱n de, wu̱ zee, “A neke̱ cen na, komo man kutu wo̱ bo̱ a he piishe̱ u̱n ka caari-wu̱ u̱n ko-kaar-wu̱ u̱t-ma à. Ka ko-kaar-wu̱ ro̱ o-bo̱ o̱ a ma n-te̱te̱ o̱ u̱t-ro̱o̱g de̱e̱n à.

U̱t-Hyangan 17:18

Ka ne'a-wu̱ wu̱ o hyane̱ u̱n hyangan-u̱t ru à, wu̱ ro̱ hek-o̱ u̱n ka caari-o̱ o-bo̱ o̱, o̱ ro̱ u̱t-gwo̱mo u̱n ho̱n u̱n gwo̱mo-ne̱ ye̱ u̱n ho̱no o-dak à.”

U̱t-Hyangan 17:5

U̱n zwo̱n-de u̱n wu̱ komo a ge̱ne̱g u̱r-jin u̱t-ma ne̱: Rii-yo wukusse̱ Babira-o go̱s-o̱, Ko-gwo̱mo-wu̱ u̱n kaar-ne̱, Inu-o̱ u̱n rem-se o-ás komo u̱n ho̱no o-dak.

U̱t-Hyangan 18:10

Ye̱a es u̱r-hew ne̱ remen ye̱ u̱n ho̱ge̱ o-gye̱r o̱ u̱n swo̱ u̱r-ko̱o̱b de wu̱ ro̱ m-swo̱ à. Ye̱a se̱nge̱ m-ze̱e̱, “ ‘Wo̱ rii-yo u̱r-'wo̱n yo! Wo̱ rii-yo u̱r-'wo̱n yo, caari-o̱ o-bo̱ o̱ o-Babira, bo̱-o̱ u̱r-'wo̱n! Shir piishitu̱ wo̱ u̱t-ma da-o gaan!’

U̱t-Hyangan 18:2

Wu̱ aagu̱ru̱ u̱n co̱r-o go̱s-o̱, wu̱ zee, “Babira-o hyeeste̱! Shir to̱k ka caari-o̱ o-bo̱ o̱ ba'as-to̱ u̱n o̱! O̱ waragte̱ be-de u̱r-she'et de ya-u̱t-ko̱t u̱n ho̱n u̱n yan-dak-ye̱ rim-ye̱ ne̱ u̱n go̱ u̱n ko̱ yo ke no-yo u̱n hu yo ne̱.

U̱t-Hyangan 18:21

Ka da-de wu̱ ken ko-be̱e̱b-wu̱ u̱n wan-to̱m-wu̱ Shir wu̱ kepsu̱ o̱ ken ta'ar-o̱ o-go̱s o̱ o̱ woose̱ ta'ar-de u̱n u̱r-na à. Wu̱ jorbu̱ o̱ n-me̱ m-sa, wu̱ ze̱e̱ru̱, “O-nip kaane̱ a jorbe̱ o-Babira caari-o̱ o-bo̱, o̱ m-'wo̱ns, bo̱ u̱m jorbe̱ ka ta'ar-o̱ à, komo a do o-Babira m-hyan á.

U̱t-Hyangan 18:5

Remen a mo̱ro̱gsu̱te̱ ba'as-to̱ u̱n o̱ be-u̱r gaan, to̱ nomog m-se̱e̱b to̱ wo̱o̱g To̱n-o shir. Komo Shir bakste̱ me̱n-u̱t jaas-to̱ to̱ u̱n o̱.