U̱t-Hyangan 11:17 - Mɑ‑to̱ Shir Taku̱rda-o swo̱r o-nu pu̱-o̱

¹⁷ Komo ye̱ ro̱ m-ze̱e̱, “Te̱ bo̱mo̱g wo̱, Wan-Ko̱yan Shir Wa-u̱t-Gwo̱mo kap, wo̱ wu̱ ro̱ m-mo̱ka à, komo wo̱ wu̱ ro n-ga à, remen o dekse̱ be̱e̱b u̱n du, komo o takante̱ gwo̱mo-u̱t ru.

U̱t-Hyangan 11:17 ပူးပေါင်းရင်းမြစ်များ

Matiyos 11:25

U̱n ka da-o̱ Ye̱so zee Shir, “U̱m bo̱mo̱g wo̱, o-Tato, Wan-Ko̱yan wu̱ n-To̱n shir o-dak ne̱. U̱m bo̱mo̱g wo̱ remen o wukute̱ ya-u̱s-we̱e̱r u̱n ya-u̱s-nap ne̱. Nap u̱n ka hyat-to̱ komo o argu̱ m-ru̱re̱ u̱n ka ye̱ she̱re̱ be u̱n du à u̱ntu̱n yan-yakar.

Ruka 10:21

U̱n ka da-o̱ Ku̱kt-o Shir sho̱'o̱ste̱ Ye̱so o-zak, wu̱ ze̱e̱ru̱, “Tato re, Wan-Ko̱yan n-To̱n u̱n dak ne̱, u̱m bo̱mo̱g wo̱ remen o kutute̱ ye̱ rotte̱ u̱s-nap á, rii-yo o wuke̱ ya-u̱s-we̱e̱r u̱n ya-u̱s-nap ne̱ à. E̱e̱, tato re, kaane̱ o co̱ne̱ o nom.

Yohana 11:41

Ye̱ dossu̱ru̱ o-ta'ar. Ye̱so dassu̱ru̱ u̱r-hi n-to̱n. Wu̱ ze̱e̱ru̱, “Tato re, u̱m bo̱mo̱g wo̱ remen o regu̱te̱ me̱ u̱t-to̱.

2 Korinti-ne̱ 2:14

Amba u̱r-bo̱ngo̱n be-de Shir, wu̱ ro̱ na u̱n teke̱ o-co ko̱yanda à, te̱ re̱e̱g u̱r-ho̱ n-me̱ u̱n Ye̱so Kiristi. Wu̱ ya'ag na u̱r-be̱e̱b a ru̱ru̱t bo̱ hun-ne̱ he nap u̱n Ye̱so Kiristi à ko̱ kene̱, u̱ntu̱n no̱w-mo̱ m-shi'igin mo̱ a taame̱ à.

2 Korinti-ne̱ 9:15

A 'ye no̱ Shir u̱r-bo̱ngo̱n remen ka yar-mo̱, yar-mo̱ arge̱ be̱e̱b-de u̱n ce̱p u̱t-ma à.

1 Timoti 1:12

U̱m bo̱mo̱g Kiristi Ye̱so, Wan-Ko̱yan na, wu̱ ya'u̱ me̱ u̱r-be̱e̱b u̱m nomot ka se̱nge̱-mo̱ à, remen wu̱ nak me̱tt m-se̱'e̱r á. Wu̱ daagu̱ me̱ u̱n kà se̱nge̱-mo̱.

U̱t-Hyangan 1:4

Ka taku̱rda-o̱ u̱n rwu̱be̱ be u̱n de Yohana, ha-mo̱ u̱n yan-dor Ye̱so be-u̱t ta'yoor-ye̱ ro̱ u̱n dak-o̱ o-Asiya à: Me̱ u̱s-ko̱n m-yar u̱n she'et-de ba u̱t-ween ne̱ nom mo̱sse̱ u̱n no̱ ne̱ mo̱ rwu̱u̱ne̱ be-de Shir à, wu̱ ro̱ m-mo̱ka à, wu̱ ro cin n-ga à, komo wu̱ ro̱o̱ne̱ à, komo rwu̱u̱n-mo̱ u̱n be-de u̱n ka wu̱ ro̱ u̱n to̱mo̱n u̱n Ku̱kt-o̱ Shir o̱ n-co o̱ u̱n kwu̱u̱r-o̱ u̱t-gwo̱mo à,

U̱t-Hyangan 1:8

Wan-Ko̱yan Shir wu̱ ze̱e̱, “Me̱ ro̱ u̱r-Takan, u̱r-Bu̱ste̱ ne̱. Me̱ ro̱ m-mo̱ka, me̱ ro cin n-ga, komo wu̱ ro̱o̱ne̱ à, Wa-u̱t-Gwo̱mo kap.”

U̱t-Hyangan 11:15

Wan-to̱m-wu̱ Shir ata'yoore̱-wu̱ huru̱ru̱ kar-o̱ u̱n wu̱, a ho̱gu̱ru̱ u̱s-co̱r se m-'wo̱ns n-To̱n shir se ro̱ m-ze̱e̱, “Shir rwo̱'o̱g gwo̱mo-to̱ u̱n ho̱no o-dak m-warag gwo̱mo-u̱t Wan-Ko̱yan na u̱n Kiristi wu̱ ma u̱n wu̱ ne̱. Komo wu̱a nom u̱t-gwo̱mo ba m-ta har ya nomot!”

U̱t-Hyangan 15:3

Ye̱ ro̱ u̱n hu u̱n se̱p-o Mosa, ko-gu̱w-wu̱ Shir, komo u̱n se̱p-o̱ u̱n ká Ya Rwu̱u̱g-o Ca-yo ne̱, ye̱ ro̱ m-ze̱e̱, “Se̱nge̱-m ru kutute̱ hun-ne̱ u̱nze wo̱ ro̱ go̱s-wu̱ komo Wa-u̱t-Hyat, Wan-Ko̱yan Shir Wa-u̱t-Gwo̱mo kap! Co̱w-u̱s ru se u̱n me̱n-u̱t pus-to̱ se, se o-nip komo, wo̱ ko-Gwo̱mo-wu̱ u̱t-dak!

U̱t-Hyangan 16:14

Ye̱ ya-u̱t-ko̱t ye̱, yan-no̱m u̱t-hyat, ye̱ haag be-de u̱n gwo̱mo-ne̱ ye̱ u̱n ho̱no o-dak kap, ye̱ kargu̱nsu̱ ye̱ be-u̱r gaan remen a gu̱n-u̱t u̱r-gu̱n u̱n Wan-Ko̱yan ne̱ u̱n ho̱-u̱r go̱s-de de u̱n piish u̱t-ma to̱ Shir Wa-u̱t-Gwo̱mo kap.

U̱t-Hyangan 16:5

U̱m ho̱gu̱ru̱ wan-to̱m-wu̱ Shir go̱s-wu̱ wu̱ m-ho̱ ze̱e̱g Shir, “Wo̱ ko-yan-me̱n-u̱t pus-to̱ wu̱ be-de u̱n ma-u̱t ru to̱ wo̱ m-piish à. Wo̱ ro̱ Wu̱ ba m-Ku̱ko̱p, wo̱ ro̱ m-mo̱ka, n-ga ne̱ komo. Remen kaane̱ wo̱ m-piish u̱t-ma hond hond.

U̱t-Hyangan 16:7

U̱m ho̱gu̱ru̱ co̱r n-te̱ o-hana o̱ ro̱ m-ze̱e̱. “E̱e̱, Wan-Ko̱yan Shir Wa-u̱t-Gwo̱mo kap! Piish u̱n ma-u̱t ru hond hond to̱ ro̱, wo̱ komo ko-yan-me̱n-u̱t pus-to̱ wu̱.”

U̱t-Hyangan 18:8

Remen kaane̱, ho̱-u̱r gaan a he wu̱ m-hante̱ u̱n tu̱k-mo̱ u̱t-me̱n, m-mar, u̱n me̱r ne̱. Komo a tu̱ks wu̱ o-ra. Remen Wan-Ko̱yan Shir wu̱ ro̱ Wa-u̱r-Be̱e̱b, komo wu̱ he wu̱ piishe̱ u̱t-ma.

U̱t-Hyangan 19:11

Ka da-de u̱m hyanu̱ru̱ To̱n-o shir tikshite̱, komo jo̱k-o pus-yo ro̱ eso kaane̱. Ka wu̱ daa ká jo̱k-yo à, jin-de u̱n wu̱ Ko-yan-E̱ss u̱t-Ma komo Wa-o-Nip. U̱n me̱n-u̱t pus-to̱ wu̱ ro̱ u̱n piish u̱t-ma komo u̱r-gu̱n ne̱.

U̱t-Hyangan 19:6

Ka da-de u̱m ho̱gu̱ komo o-zaaz sa o zee o̱ u̱n mo̱ro̱g-de u̱t-mo̱o̱r, u̱ntu̱n zaaz-o̱ u̱n ja-mo̱ m-ho̱ mo̱ m-sa, u̱ntu̱n dwu̱m-de o-dàkàr. U̱m ho̱gu̱ru̱ ye̱ m-ze̱e̱, “Bo̱m no̱ Yawe! Remen Wan-Ko̱yan na wu̱ ro̱ u̱t-gwo̱mo, wu̱ ro̱ Shir Wa-u̱t-Gwo̱mo kap!