U̱t-Hyangan 10:5 - Mɑ‑to̱ Shir Taku̱rda-o swo̱r o-nu pu̱-o̱

⁵ Ka da-de, ka wan-to̱m-wu̱ Shir wu̱ u̱m m-hyane̱ eso na-o gaan n-me̱ m-sa na-o gaan o-dak à, wu̱ jaksu̱ru̱ kom-o̱ u̱n wu̱ o̱ u̱r-re̱ n-To̱n shir.

U̱t-Hyangan 10:5 ပူးပေါင်းရင်းမြစ်များ

Se̱nge̱-mo̱ 14:15

“¿Remen ya no̱tte̱ m-no̱m kàane̱? Ai, te̱ ma hun-ne̱ ye̱ u̱ntu̱n no̱, Ma-to̱ m-Re̱re̱m te̱ hantu̱ no̱, remen no̱ tukuté̱ ka rem-se o-hwaa se o-cin, komo no̱ waktu̱nte̱ be-de Shir wan-ho̱o̱g, wu̱ no̱me̱ o-To̱n, o-dak ne̱ à, m-sa ne̱, komo u̱n kap o̱ u̱n rii-yo ro̱ ne̱ n-me̱ u̱n to̱ à.

Se̱nge̱-mo̱ 17:23

Remen da-o̱ u̱m m-pa'e̱ n-me̱ o-bo̱ à, u̱m gwo̱t rem-se no̱ u̱n nome̱ m-gu̱w à, har ma u̱m hyanag u̱n o̱ ken hana-o̱ o̱ u̱r-seke̱ m-ge̱n ne̱ n-to̱n u̱n o̱ a ge̱ne̱g u̱nze, ‘Remen Shir ye̱ a nape̱ á.’ To̱, ka wu̱ no̱ m-kwu̱kte̱ ba no̱ u̱n nap wu̱ à, ma-to̱ u̱n wu̱ me̱ no̱ m-rwu̱u̱nte̱ cas.

Roma-ne̱ 1:20

Cin da-o̱ Shir no̱me̱ ho̱no o-dak à, rem-se Shir, se a m-hyan u̱n yish á, be̱e̱b-de u̱n wu̱ de ba m-ta, u̱n bo̱ wu̱ ro̱ ne̱ à, cas a ro̱ se m-hyan be-de u̱n rii-to̱ Shir no̱me̱ à a to̱ m-nap. Ne̱t ro̱tt be-de m-ru á.

Yahuda-ne̱ 6:13

Yatt-wu̱ jiishe̱ Shir á, u̱n kaane̱ wu̱ swo̱re̱ o-nu u̱n Ibrahi. Wu̱ to̱ndu̱ru̱ u̱n jin-de u̱n wu̱,

U̱t-Hyangan 1:18

Me̱ u̱n ho̱o̱g ne̱! U̱m ro marag, gwo̱t me̱ u̱n ho̱o̱g ne̱ o̱ ba m-ta! Komo me̱ bu̱pu̱ u̱n rii-se u̱n ups m-mar ne̱ u̱n be-de margan-ne̱ ro̱ m-she'et à.

U̱t-Hyangan 10:2

Wu̱ ro̱ u̱n ya o-taku̱rda o-re̱k yo̱ ne̱ upsu̱sse̱ u̱n kom-to̱ u̱n wu̱. Wu̱ e̱ssu̱ru̱ na-o u̱n wu̱ o̱ u̱r-re̱ n-me̱ m-sa, na-o̱ u̱r-kwanta komo o-dak.

U̱t-Hyangan 14:7

Wu̱ 'yonsu̱ru̱ co̱r de̱e̱n, wu̱ zee, “Gye̱r no̱ Shir, komo no̱ bu̱m jin-de u̱n wu̱ de u̱t-go̱s. Remen da-o kewru̱nsu̱te̱ m-mo̱ka o̱ wu̱ hette̱ piishe̱ u̱n kap o̱ u̱n hun-ne̱ u̱t-ma à. Kwu̱ktu̱ no̱ wu̱, wu̱ wu̱ no̱me̱ o-To̱n, o-dak ne̱, m-sa ne̱, komo u̱n yish-to̱ m-ho̱ ne̱!”

U̱t-Hyangan 16:17

Ka da-de wan-to̱m-wu̱ Shir ata'yoore̱-wu̱ duusbu̱ru̱ rii-yo ro u̱n sheend-o̱ u̱n wu̱ à u̱n yo-mo̱ u̱n ku̱s-o̱ u̱n n-to̱n. O̱ ken co̱r-o̱ u̱r-be̱e̱b o̱ rwu̱u̱nu̱ru̱ be-de u̱n ká kwu̱u̱r-o̱ n-me̱ u̱n Pyo-o̱ Shir, o̱ ro̱ m-ze̱e̱, “A ko̱mo̱g!”

U̱t-Hyangan 4:11

“Wo̱ bo̱'o̱se̱, Wan-Ko̱yan Shir, remen o dekt m-se̱ps, u̱t-go̱s, u̱r-be̱e̱b ne̱. Remen wo̱ no̱me̱ ko̱yan, tomso ne̱ u̱n co̱n-m ru o̱ a no̱me̱ ko̱yan komo remen ru, se ro̱tte̱ m-ho̱o̱g ne̱.”

U̱t-Hyangan 4:9

Ka rii-ye̱ u̱n ho̱o̱g-ye̱ u̱n ya'as m-se̱ps, ya u̱t-go̱s, u̱r-bo̱ngo̱n ne̱ be-de u̱n ka wu̱ ro tara u̱n ká kwu̱u̱r-o̱ à, wu̱ ro̱ u̱n ho̱o̱g ne̱ har da-o̱ ba m-ta à. Da-o̱ ye̱ cire̱ no̱m kaane̱ à,