Titus 3:10 - Mɑ‑to̱ Shir Taku̱rda-o swo̱r o-nu pu̱-o̱

¹⁰ U̱rege̱ ne̱t ro̱ ko̱n wu̱ ro̱ u̱n wo̱ngse̱ u̱n yan-dor Ye̱so à, nak wu̱ u̱t-to̱, o ru̱ru̱ wu̱, wu̱ yage̱ m-no̱m kaane̱. Wu̱ yage̱ m-yage̱, o nek wu̱ u̱t-to̱ ayoore̱-o̱. Ka da-de wu̱ yage̱ m-ho̱ge̱, o no̱m ja u̱n ka ne̱t-wu̱ ne̱.

Titus 3:10 ပူးပေါင်းရင်းမြစ်များ

Roma-ne̱ 16:17

O̱r re ne̱, u̱m co̱no̱g m-nek no̱ u̱t-to̱ u̱n ye̱ he no̱ hante̱ m-koos ne̱ à. No̱m no̱ ja u̱n ye̱ ro̱ no̱ m-rwo̱ u̱t-pu̱kse̱ ne̱ à, ye̱ ro̱ komo u̱t-yage̱ u̱n yoos-de no̱ kume̱ ne̱ à.

1 Korinti-ne̱ 11:19

No̱ m-wong u̱n hi u̱n no̱ kur-u̱t u̱t-kur remen no̱ kututé̱ hun-ne̱ u̱nze kur u̱n no̱ jiishte̱ ko̱ de ke kur-de. U̱ depe̱ kaane̱ á.

2 Korinti-ne̱ 13:2

U̱m be'este̱, u̱m nekste̱ no̱ u̱t-to̱ da-o̱ u̱m ro be-u̱r no̱ habe̱-m ayoore̱-mo̱ à. U̱m doog no̱ nake̱ u̱t-to̱ m-mo̱ka me̱ be-u̱r no̱ á: Da-o̱ me̱ mu̱u̱be̱ man kuse̱ ka ye̱ no̱me̱ u̱r-ba'as n-ga á ko̱ ye̱ ken ye̱.

Garatiya-ne̱ 5:12

Ay, ka yan-'yons u̱n no̱ u̱t-hi ye̱, ye̱ ka ye̱ co̱nu̱ no̱ gaktu̱ u̱r-ko̱ à, jiishte̱ ye̱ re co ye̱ pe̱se̱m hi u̱n de u̱n ye̱!

Garatiya-ne̱ 5:20

Gu̱w-mo̱ u̱s-to̱o̱g ne̱, u̱n Mo̱r-ne̱, Hun-ne̱ yan-yage̱-u̱t o̱r u̱n ye̱ ne̱ m-dum ne̱, komo, Ye̱ m-nome̱ u̱n o̱r u̱n ye̱ ne̱ u̱r-shoob, Ryaab-se, komo u̱n Co̱n-to̱ u̱r-hi ne̱, Ye̱ ro̱ m-e̱s be-u̱r gaan á, u̱n Cakarse̱ u̱n hun-ne̱ ne̱,

2 Tasaronika-ne̱ 3:14

U̱rege̱ wu̱ ken wu̱ yagu̱te̱ no̱m o-do̱ro̱tte̱ u̱n rii-yo te̱ rwo̱re̱ n-me̱ u̱n ka taku̱rda-o̱ á, ru̱ru̱ no̱ yan-dor Ye̱so wu̱. Nom no̱ ja u̱n wu̱ ne̱ m-so̱k ne̱, komo no̱ som wu̱ remen wu̱ ho̱gu̱té̱ m-'e̱.

2 Tasaronika-ne̱ 3:6

O̱r te̱ ne̱, te̱ ka'agte̱ no̱ u̱n jin-u̱r Wan-Ko̱yan na Ye̱so Kiristi, ru no̱ co̱w-yo u̱n ko̱ wu̱ ke, wu̱ ro̱ u̱n she'et-de o-hwaa à, wu̱ ro̱ u̱n do̱ro̱tte̱-o̱ u̱n ká rii-yo te̱ yoosu̱ no̱ á.

2 Timoti 3:5

Ye̱ ro̱ m-no̱m sa o zee ye̱ u̱n do̱ro̱tte̱-o̱ Shir. Amba ye̱ m-co̱n Shir ja'as rem-u̱s yo̱-se, se̱ ye̱ ro̱ m-no̱m á. No̱m ja u̱n go̱n ka hun-ne̱ ye̱ ne̱.

2 Bitrus 2:1

Cin n-ga be-de hun-ne̱ ye̱ o-Isra, yan-rwo̱r u̱n Ma-to̱ Shir ya-u̱t-bo̱ ro kon. To̱, kaane̱ ha, be u̱n no̱ a kum yan-yoos-de u̱t-bo̱. Ye̱a hante̱ yoos-de u̱t-bo̱ mo̱sse̱ u̱n Shir ne̱. Amba ye̱a 'ye u̱r-hek ko̱ wan-gaan wu̱ nept u̱nze bo̱-to̱ á. Ka bo̱-to̱ a naas hun-ne̱ ye̱ she̱re̱ be-de u̱n to̱ à. Ka yan-yoos-de u̱t-bo̱ ye̱ har ye̱a yage̱ Kiristi, Wan-Ko̱yan wu̱ u̱n ye̱ wu̱ ruru ye̱ be-de u̱n ba'as-de u̱n ye̱ à. Nom u̱n kaane̱ a hante̱ ye̱ o-sabre̱ ba u̱n rem.

2 Yohana 1:10

Ko̱wan wu̱ haane̱ be u̱n no̱, u̱n de ma u̱n wu̱ yoos-de ne̱ n-ho̱n hu̱sse̱ de ma Kiristi, taase no̱ barku̱ wu̱ u̱n den-u̱t no̱ har no̱ gaste̱ wu̱ á.