Titus 2:14 - Mɑ‑to̱ Shir Taku̱rda-o swo̱r o-nu pu̱-o̱

¹⁴ Ye̱so ya'aste̱ hi u̱n de u̱n wu̱ har m-mar rem na. Wu̱ u̱n no̱m kaane̱, remen wu̱ rurut na be-de u̱n be̱e̱b-de u̱r-ba'as, komo remen wu̱ soksté̱ ba'as-u̱t na. Wu̱ u̱n no̱m kaane̱ bo̱ a he m-warag kashi u̱n hun-ne̱ ye̱ u̱n Shir à, komo bo̱ a he m-warag hun-ne̱ yan-go̱p-de u̱n no̱m u̱n rem-se u̱r-bon be-de Shir.

Titus 2:14 ပူးပေါင်းရင်းမြစ်များ

Matiyos 1:21

Wu̱a met wà, wo̱a e̱gu̱ wu̱ u̱r-jin Ye̱so. Wata wan-Gwu̱ remen wu̱ wu̱ he m-gu u̱n hun-ne̱ be-de u̱n ba'as-to̱ u̱n ye̱.”

Matiyos 20:28

Ko̱ me̱ ma, Wà-wu̱ u̱n ne̱t me̱ haan remen a nomotú̱ me̱ m-gu̱w á, se̱ de̱ remen u̱m nomoté̱ ye̱ ken ye̱ m-gu̱w. Komo u̱m ya'asté̱ ho̱o̱g-m re remen u̱m rurut hun-ne̱ de̱e̱n.”

Matiyos 3:12

Wu̱ ro̱ u̱n ko̱k-de u̱n wu̱ ne̱ de m-jer, wu̱a jer hyo-ye̱ u̱n wu̱. Komo wu̱ karakse̱ hyo-ye̱ u̱r-bon, wu̱ ru̱ n-me̱ u̱n byo-de u̱n wu̱, amba wu̱a tu̱ks ka nu-to̱ o-ra o̱ a hoks m-ryomos á.”

Yohana 10:15

Bo̱ Tato-o nape̱ me̱ à, ka bo̱-se ne̱ o̱ u̱m nape̱ wu̱. Me̱n ya'as u̱n ho̱o̱g re remen ca re.

Yohana 6:51

Me̱ wu̱ ro̱ ka buro̱di-to̱ u̱n ho̱o̱g-to̱ to̱ rwu̱u̱ne̱ n-To̱n u̱n shir à. Bo̱n ne̱t-wu̱ re̱ ka buro̱di-to̱ à, wu̱a nom ho̱o̱g-mo̱ ba m-ta. Ka buro̱di-to̱ komo wu̱r-o re o̱, o̱ u̱m he m-ya'as à, remen ho̱no o-dak o̱ nomot ho̱o̱g.”

Se̱nge̱-mo̱ 15:14

Simo̱n rwo̱ro̱g bo̱ Shir cire̱ co̱n-to̱ u̱n ye̱ ro̱ Yahuda-ne̱ á, be-de u̱n de̱k u̱n ye̱ ken hun-ne̱ ye̱ be-de u̱n ye̱, ye̱ waragté̱ ye̱ ma u̱n wu̱.

Se̱nge̱-mo̱ 15:9

Komo wu̱ kutu̱ na m-koos u̱n ye̱ ne̱ á, u̱n remen wu̱ muute̱ hur-to̱ u̱n ye̱ cas cas be-de m-she̱r o̱ u̱n ye̱.

Se̱nge̱-mo̱ 20:28

Gwo̱t no̱ hi u̱n no̱, komo kap o̱ u̱n hun-ne̱ ye̱ Ku̱kt-o̱ Shir rwo̱'u̱ no̱ m-gwo̱t à. Ye̱ ro̱ u̱ntu̱n kur-o̱ u̱n ca. Komo no̱ he yan-gu̱t-de u̱n hun-ne̱ yan-dor ye̱ Shir kumne̱ hi u̱n de u̱n wu̱ u̱n hyó-m Wà u̱n wu̱ à.

Se̱nge̱-mo̱ 9:36

U̱n bo̱-o̱ o-Jopa, wu̱ ken ne'a-wu̱ ro kon wan-neke̱-m Ye̱so jin-de u̱n wu̱ Tabita, wu̱ a m-ze̱e̱ Dorkas à. Ka Dorkas wu̱ ya'aste̱ hi u̱n de u̱n wu̱ sak n-me̱ u̱n no̱m u̱n rii-yo u̱r-bon, komo wu̱ ro u̱n gu u̱n ko̱o̱b-ne̱.

Garatiya-ne̱ 1:4

No̱ nak Ye̱so Kiristi ya'aste̱ hi u̱n de u̱n wu̱ remen ba'as-u̱t na, remen wu̱ guut na u̱n ka da-o yo̱-o̱ o̱. Wu̱ u̱n nom yo ka remen kaane̱ Shir Tato na co̱ne̱ m-no̱m.

Garatiya-ne̱ 2:20

A kamag me̱ be-u̱r gaan u̱n Kiristi ne̱. M-mo̱ka me̱ u̱n ho̱o̱g ne̱, amba me̱ wu̱ u̱n hi u̱n de á. Kiristi wu̱ ro̱ ho̱o̱g-mo̱ u̱n hur u̱n de. Ka ho̱o̱g-mo̱ u̱n wu̱r-o re mo̱, ho̱o̱g-mo̱ be-de m-she̱r u̱n Wà-wu̱ Shir. Wu̱ kutu̱ me̱ m-co̱n à har wu̱ mer rem re.

Garatiya-ne̱ 3:13

Ka nu-o yo̱-o̱ o̱, o̱ o-karamsa a possu̱ssu̱te̱ o̱, remen Kiristi rurug na be-de u̱n ka nu-o yo̱-o̱ o̱, remen a muute̱ wu̱ rii-yo yo̱, rem na. Remen kaane̱ a ge̱ne̱g, “Kap bo̱n wu̱ a kame̱ n-te̱ u̱n kan-o̱ o-ce à, a hu̱u̱tu̱ wu̱ o̱ ka nu-o yo̱-o̱.”

Apisu-ne̱ 1:11

U̱n bu̱-o Kiristi komo, Shir daagu̱ na a waragte̱ hun-ne̱ ye̱ u̱n wu̱. Cin u̱r-takan wu̱ zo̱ngse̱ yo kà. Wu̱ wu̱ ro̱ u̱n no̱m u̱n ko̱ yo ke rii-yo bo̱ wu̱ co̱ne̱ à.

Apisu-ne̱ 2:10

Na no̱m-mo̱ Shir mo̱. Wu̱ u̱n no̱m na pu̱-ye̱ u̱n Ye̱so Kiristi, remen a nomot rem-se u̱r-bon se wu̱ zo̱ngse̱ cin n-ga à.

Apisu-ne̱ 5:2

Co̱n no̱ hun-ne̱ ko̱yanda, u̱ntu̱n bo̱ Kiristi co̱nu̱ no̱ à. Wu̱ marag rem na. Wu̱ ya'aste̱ Shir ho̱o̱g-mo̱ u̱n wu̱ u̱t-seke̱ to̱ m-shi'igin, u̱n no̱m u̱n kaane̱ wu̱ gwu̱'u̱rsu̱te̱ Shir u̱r-hur.

1 Timoti 1:15

Ka ma-to̱, bo̱-u̱t to̱ ko̱n n-me̱ u̱n to̱ á, komo to̱ wo̱o̱g a go̱kste̱ to̱ kap u̱nze, “Kiristi Ye̱so haante̱ u̱n ho̱no o-dak wu̱ guut ya-u̱t-ba'as, bo̱ ye̱ he m-po̱sse̱ den-o̱ o-ra à.” U̱m nak komo u̱m aragte̱ hun-ne̱ kap u̱r-ba'as.

1 Timoti 2:10

Amba kashi m-se̱nge̱ mo̱ depe̱ ne'a-ne̱ à, mo̱ ro̱ no̱m u̱n rem-se u̱r-bon u̱n da-o̱ ye̱ kume̱ à, u̱n hwo̱r-ye̱ u̱n ye̱ ne̱ u̱n no̱m u̱n rem-se u̱r-bon be-de u̱n hun-ne̱. Ye̱ ro m-no̱m kaane̱ ye̱a kute̱ hun-ne̱ u̱nze ye̱ yan-gye̱r-o̱ Shir ye̱.

1 Timoti 2:6

Ye̱so ya'aste̱ hi u̱n de u̱n wu̱ har be-de m-mar, remen wu̱ rurut na kap. Ma-to̱ u̱n mar-m Kiristi, Shir ya'ag na m-mo̱ka o-da o̱ m-ru̱re̱ hun-ne̱ ka ma-to̱ u̱nze Shir co̱no̱g ko̱ wu̱ ke ne̱t-wu̱ kum gwu̱.

1 Timoti 6:18

Ru̱re̱ ye̱, ye̱ nome̱ hun-ne̱ rem-se u̱r-bon u̱n hwo̱r u̱n ye̱. O bakse̱ yan-hwo̱r ye̱ ma'as m-yar kom-u̱t yoor, komo ye̱ se̱nge̱ wong u̱n rii-yo ye̱ ro̱tte̱ à.

Titus 2:7

u̱n ko̱ yo ke rii-yo. Wo̱ u̱n hi u̱n du ma'as u̱n nome̱ u̱n hun-ne̱ rem-se u̱r-bon. Bo̱ o he warag rii-yo m-sha be-de u̱n yan-campo̱-ne̱ à. Wo̱ ro u̱n yoose̱ u̱n hun-ne̱ Ma-to̱ Shir, o yoos u̱n hur-u̱r gaan komo ba m-se̱'e̱r.

Titus 3:8

Ka ma-to̱, ma-to̱ o-nip to̱. U̱m co̱no̱g wo̱ o es eso, se̱ o hyanag hun-ne̱ do̱ru̱te̱ to̱, bo̱n kap wu̱ she̱re̱ be-de Shir à, wu̱a nep u̱nze wu̱a ma'as u̱n no̱m rem-se u̱r-bon. Ka yoos-de ro̱ u̱r-bon ne̱ komo u̱n gwu̱ ne̱ remen ko̱wan.

Yahuda-ne̱ 1:3

Wo̱ gu̱te̱ Wà-wu̱ Shir, o hyanu̱ru̱ se̱ps-mo̱ Shir. Wo̱ hyene̱ wu̱, ragaan-wu̱ ro̱ u̱n Shir ne̱. Wu̱ ro̱ bo̱k ho̱no o-dak u̱n ma-to̱ u̱n wu̱ to̱ u̱r-be̱e̱b. Bo̱ wu̱ soksu̱tu̱ na ba'as-u̱t na à, wu̱ daaru̱ n-To̱n u̱n shir, wu̱ she'etu̱ru̱ u̱n be-de u̱t-gwo̱mo n-riib o̱ u̱n Shir Wa-u̱t-Hyat.

Yahuda-ne̱ 10:24

No̱m no̱ bo̱ u̱n no̱m no̱, no̱ doote̱ yan-dor Ye̱so jaab-o̱ u̱t-me̱n, remen ye̱ se̱ngu̱te̱ co̱n-to̱ u̱n hun-ne̱ u̱n se̱nge̱-mo̱ no̱m u̱n rem-se u̱r-bon ne̱.

Yahuda-ne̱ 9:14

No̱m no̱ u̱s-barag, hyó-m Ye̱so Kiristi argte̱ hyó-mo̱ u̱t-gu̱t! Hyó-mo̱ u̱n wu̱ mo̱a so'os ri'in-to̱ u̱r-ba'as u̱n hur-u̱r na be-de u̱n no̱m u̱n rem-se o-hwaa se ro̱ m-hante̱ m-mar à. Wu̱ u̱n nom kaane̱ remen a nomoté̱ Shir o̱ u̱n ho̱o̱g, m-gu̱w. Ye̱so seke̱ Shir hi u̱n de u̱n wu̱ kashi u̱r-seke̱ komo remen ba'as-u̱t na. Wu̱ no̱m kaane̱ u̱n gwu̱-o̱ u̱n Ku̱kt-o̱ ba m-ta.

Yakubu 4:8

No̱m no̱ yow yow u̱n Shir ne̱. Wu̱ ne̱ wu̱a nom yow yow u̱n no̱ ne̱. No̱ ya-u̱t-ba'as, yagu̱ no̱ no̱m u̱n rii yo̱-yo. No̱ ya-o-she̱pe̱, jamas no̱ hur u̱n no̱, no̱ mu̱u̱n be-de Shir.

1 Bitrus 1:18

Remen no̱ nepse̱ u̱nze Shir u̱n rur no̱ remen wu̱ guut no̱ be-de u̱n she'et-de o-hwaa de tat-ne̱ no̱ ye̱ n-ga yoosu̱ no̱ à. Wu̱ u̱n rur no̱ u̱n bu̱-yo u̱n top-o̱ u̱n zinariya ko̱ azorpa á. Zinariya, azorpa ne̱, ye̱ ba m-ta á.

1 Bitrus 1:22

M-mo̱ka no̱ muste̱ hi u̱n no̱ ba u̱t-ri'in u̱n do̱ro̱tte̱-o̱ o-nip remen no̱ kumut was-m o̱r no̱ ne̱. Was no̱ o̱r no̱ ne̱ cin u̱n hur-u̱r no̱, komo u̱n hur-u̱r pus-de ne̱.

1 Bitrus 2:12

No̱m no̱ ce̱e̱n no̱ she'etté̱ u̱r-bon ne̱ n-me̱ u̱n yan-bo̱r-u̱s no̱ ye̱ she̱re̱ o-nip á. Komo ko̱ ye̱ gu̱t no̱ gwo̱t-o̱ u̱n yan-no̱m u̱n rem-u̱s yo̱-se, ye̱a hyenes she'et u̱n no̱ u̱r-so̱-de. Ye̱a se̱ps Shir da-o̱ wu̱ he piishe̱ u̱n ho̱no o-dak u̱t-ma à.

1 Bitrus 2:9

Amba no̱, Shir u̱n daag no̱ hun-ne̱ kashi, bu̱u̱g-de yan-Co̱w u̱n ko̱n-se Shir, hun-ne̱ ye̱ ba m-ku̱ko̱p, hun-ne̱ ye̱ Shir, remen no̱ nomoté̱ wu̱ u̱r-bo̱ngo̱n. Wu̱ rwu̱ntu̱tu̱ no̱ be-de o-comb, wu̱ hantu̱ no̱ be-de m-cu̱cas.

1 Bitrus 3:18

Kiristi marag o-gaan cot remen ba'as-u̱t na. Wan-ba-u̱r-ba'as marag remen ya-u̱t-ba'as. Kiristi no̱mo̱g yo ka remen wu̱ he no̱ m-heet be-de Shir. A ho̱o̱g wu̱r-o̱ u̱n wu̱, amba a muutu̱ru̱ Ku̱kt-o̱ u̱n wu̱ u̱n ho̱o̱g ne̱.

1 Yohana 1:7

Amba u̱rege̱ a u̱r-she'et be-de m-cecar bo̱ Shir ro̱ à, a kang-o gaan u̱n o̱r na ne̱. Komo hyó-m Wà u̱n wu̱ Ye̱so sokste̱ ba'as-u̱t na kap.

1 Yohana 1:9

Amba u̱rege̱ a rwo̱ro̱g ba'as-u̱t na be-de Shir, wu̱ kashi-wu̱, wan-shoos u̱t-ma wu̱, wu̱a ho'osu̱ ba'as-u̱t na, komo wu̱ soks ba'as-u̱t na, wu̱ so'osu̱ na ko̱ se ke rem-u̱s yo̱-se se kap.

1 Yohana 3:2

O̱r re ne̱, ye̱ me̱ m-was à, m-mo̱ka yakar-ye̱ Shir a ro̱. Amba har m-mo̱ka a kutu̱ na yo a he m-warag á. A nepste̱ da-de wu̱ mu̱u̱ne̱, a warag u̱ntu̱n Ye̱so Kiristi, remen a hyen wu̱ bo̱ wu̱ ro̱ à.

U̱t-Hyangan 1:5

tomso ne̱ rwu̱u̱n-mo̱ u̱n be-u̱r Ye̱so Kiristi wu̱ ro̱ ko-yan-e̱ss u̱t-ma wan-su̱'e̱ u̱n ka rem-se. Wu̱ ro̱ mat-de co, be-de u̱n ye̱ ine̱ u̱t-marimar à. Wu̱ ro̱ ko-Gwo̱mo-wu̱ u̱n kap Gwo̱mo-ne̱ ye̱ u̱n ho̱no o-dak. M-se̱ps kap be-de u̱n wu̱, wu̱ ro̱ na m-was à. Wu̱ sokse̱ na ba'as-u̱t na u̱n bu̱-yo u̱n wu̱u̱s u̱n hyó-mo̱ u̱n wu̱ rem na.

U̱t-Hyangan 5:9

Ye̱ huru̱ se̱p-o pu̱-o̱, ye̱ ro̱ m-ze̱e̱: “Wo̱ wu̱ bo̱'o̱se̱ go̱ks u̱n kà taku̱rda-o pu'usse̱-o̱ komo o ke'es reke̱-to̱ u̱n o̱ o ups o̱. Remen n-ga a ro hoostu̱ wo̱, komo u̱n mar-m ru mo̱ u̱r-seke̱ o rundu̱te̱ Shir hun-ne̱ n-me̱ u̱n ko̱ o̱ ke baag-o̱, u̱t-rem ne̱, u̱n bu̱u̱g-to̱ u̱n hun-ne̱ ne̱ u̱t-dak ne̱.