Titus 2:13 - Mɑ‑to̱ Shir Taku̱rda-o swo̱r o-nu pu̱-o̱

¹³ A nom kaane̱, ko̱ de a ro̱ u̱n 'er-de u̱n sakto̱, o̱ he na m-rwo̱ o-zak à. U̱n ka ho̱-de Ye̱so Kiristi, wu̱ ro̱ na caari-wu̱ Shir, Wan-Gwu̱ na, wu̱ he m-mu̱u̱n u̱n ka dak-o̱ u̱n se̱ps-mo̱ u̱n wu̱ ne̱.

Titus 2:13 ပူးပေါင်းရင်းမြစ်များ

Matiyos 16:27

Remen me̱ Wà-wu̱ u̱n ne̱t, man haan u̱n se̱ps-m Tato re ne̱ u̱n yan-to̱m-ye̱ u̱n wu̱ ne̱, man piishe̱ ko̱ wu̱ ke ne̱t-wu̱ u̱t-ma mo̱sse̱ u̱n rii-yo wu̱ no̱me̱ ne̱ à.

Matiyos 25:31

“Da-o̱ Wà-wu̱ u̱n ne̱t he m-haan n-me̱ u̱n se̱ps-mo̱ u̱n wu̱ à u̱n yan-to̱m-ye̱ Shir ne̱ kap, ka da-o̱ wu̱ he m-she'et u̱n kwu̱u̱r-o̱ u̱n se̱ps-mo̱ u̱t-gwo̱mo.

Matiyos 26:64

Ye̱so ze̱e̱ru̱ wu̱, “E̱e̱, káane̱ o̱ hond hond bo̱ o rwo̱re̱ à. Komo kane̱ co no̱a hyen me̱ Wà-wu̱ u̱n ne̱t ro̱ u̱r-she'et tara u̱n kom-o̱ u̱r-re̱ de u̱n Shir be-de u̱t-gwo̱mo, wu̱ ro̱o̱n komo n-me̱ u̱t-ke'ente̱ to̱ u̱n ku̱s-o̱ n-To̱n shir.”

Markus 14:62

Ye̱so ze̱e̱ru̱, “Me̱ wu̱. No̱a hyen me̱ komo, me̱ Wà-wu̱ u̱n ne̱t, me̱ tara u̱n kom-o̱ u̱r-re̱ o̱ Shir Wa-u̱r-Be̱e̱b. No̱a hyen komo me̱ m-rwu̱u̱n n-me̱ u̱t-ke'ente̱ n-To̱n shir.”

Markus 8:38

U̱rege̱ wu̱ ken wu̱ ro̱ m-ho̱ge̱ u̱n 'e̱-m re u̱n yo me̱ m-yoos ne̱ à, u̱n ka da-o̱, o̱ hun-ne̱ ro̱ m-she̱r be-de Shir á, amba se̱ me̱n-u̱t jaas-to̱, ka da-de, me̱ Wà-wu̱ u̱n ne̱t a ho̱ge̱ 'e̱-mo̱ u̱n wu̱, me̱ mu̱u̱ne̱ u̱n dak. Man mu̱u̱n u̱n se̱ps-mo̱ o-Tato ne̱ mo̱sse̱ u̱n mo̱ u̱n yan-to̱m-ye̱ Shir ne̱ ye̱ ba m-ku̱ko̱p.”

Se̱nge̱-mo̱ 24:15

Me̱ u̱n ka sakto̱-o̱ ne̱ be-de Shir, bo̱ ka ye̱ ka ye̱ ro̱ m-no̱m à, u̱nze, Shir a 'yons marimar-ne̱, kashi u̱n ye̱ ro̱ kashi ne̱ á.

Roma-ne̱ 15:13

Me̱ u̱s-ko̱n, Shir wu̱ ro̱ 'ya o-sakto̱ à, wu̱ ye'et no̱ o-zak u̱n gwu̱gwu̱-mo̱ u̱r-hur ne̱, no̱ ye̱ ro̱ m-she̱r u̱n wu̱ à. Da-o̱ Shir no̱me̱ kaane̱, sakto̱-o no̱ he m-bo̱'o̱se̱ u̱n be̱e̱b-de u̱n Ku̱kt-o̱ Shir.

Roma-ne̱ 5:5

Ka sakto̱-o̱ komo o̱a 'ye na m-'e̱ á ko̱ hiin, remen Shir kutute̱ na was-mo̱ u̱n wu̱ wasse̱ u̱n na ne̱ à de̱e̱n, u̱n be̱e̱b-de u̱n Ku̱kt-o̱ Shir o̱ wu̱ ya'u̱ na à.

Roma-ne̱ 8:18

U̱m nepste̱ o-nip, a hongse̱ se̱ps-mo̱ Shir he na m-'ya kane̱ n-co u̱n ko̱o̱b-de a m-swo̱ ne̱ m-mo̱ka á.

1 Korinti-ne̱ 1:7

Remen kaane̱, ko̱ mo̱ ke yar-mo̱ o-Ku̱kt mo̱, mo̱ no̱ co̱ne̱ no̱ nomote̱ Shir m-gu̱w à, no̱ ro̱ u̱n mo̱ ne̱. Komo no̱ sher yish u̱n 'er-de u̱n mu̱u̱n-m Wan-Ko̱yan na Ye̱so Kiristi.

2 Korinti-ne̱ 4:4

Ye̱ she̱r be-de Shir á, remen wan-gwo̱mo-to̱ u̱n ka ho̱no o-dak o̱ po̱o̱su̱te̱ hur-de u̱n ye̱. Wu̱ we̱ne̱g ye̱, ye̱ hyen m-cu̱cas mo̱ ro̱ m-dakan n-te̱ u̱n hur-de u̱n ye̱ à, ka cu̱cas-mo̱ ro̱ m-rwu̱u̱n n-me̱ u̱n Ma-to̱ m-Re̱re̱m n-te̱ u̱n se̱ps-m Kiristi, wu̱ ro̱ sha-mo̱ Shir à.

2 Korinti-ne̱ 4:6

Remen Shir, o̱ rwo̱re̱, “Yage̱ m-cu̱cas mo̱ dakante̱ n-te̱ o-comb,” Wu̱ rwo̱'o̱g cu̱cas-mo̱ u̱n wu̱ mo̱ ma'as m-dakan n-te̱ u̱n hur u̱n te̱, mo̱ ye'et hun-ne̱ m-cecas ye̱ nept se̱ps-mo̱ Shir be-u̱r Ye̱so Kiristi.

Korosiya-ne̱ 1:23

Nip-o̱ u̱rege̱ no̱ ma'aste̱ m-she̱r be-de u̱n Ma-to̱ m-Re̱re̱m. Se̱ no̱ she̱re̱g u̱r-be̱e̱b ne̱ u̱ntu̱n hur-o̱ a ma'e̱ n-to̱n u̱n shi'it-de m-'wo̱ns à. Taase no̱ yage̱ ko̱ wu̱ ke ne̱t-wu̱ we̱n no̱ hwo̱ o-dish u̱n rii-yo Shir swo̱re̱ o-nu u̱n Ma-to̱ m-Re̱re̱m to̱ u̱n wu̱ à. No̱ be'esu̱te̱ no̱ ho̱gu̱ssu̱te̱ ka ma-to̱. A ru̱ssu̱te̱ hun-ne̱ ka Ma-to̱ m-Re̱re̱m to̱ ho̱no o-dak kap. Komo me̱ Burus u̱n hi u̱n de wan-gaan wu̱ be-de u̱n gu̱w-ne̱ ye̱ Shir ya m-ko̱'o̱t u̱n ka ma-to̱.

Korosiya-ne̱ 1:27

Shir daagte̱ m-kute̱ hun-ne̱ u̱n wu̱ zo̱nge̱-to̱ u̱n wu̱. Ká zo̱nge̱-to̱ to̱ ro wukute̱. Shir co̱no̱g m-gu ka ye̱ ba Yahuda-ne̱ á. Wu̱ co̱no̱g u̱nze Kiristi she'et u̱n no̱ ne̱. Wu̱ co̱no̱g no̱ ships ká dish-o̱ u̱nze no̱a kum se̱ps-mo̱ u̱n wu̱, mo̱ wu̱ swo̱re̱ o-nu à. Te̱ m-ru̱re̱ u̱n ko̱wan kwu̱m-o̱ ro̱ wukusse̱ mo̱sse̱ se̱ps-m Kiristi ne̱ à.

Korosiya-ne̱ 1:5

M-she̱r m-was ne̱ mo̱ ro̱ m-rwu̱nte̱ dish-o̱ u̱n rii-yo o-kwu̱m yo Shir he no̱ m-bo̱pse̱ yo wu̱ e̱ssu̱ no̱ re̱e̱ n-To̱n shir à. No̱ ho̱gu̱su̱te̱ cin n-ga ne̱ rem-se u̱r-bon se Shir swo̱re̱ o-nu wu̱a nomo no̱ à. No̱ ho̱gu̱su̱te̱ ka rem-se da-o̱ hun-ne̱ habe̱ ye̱ ru̱ru̱ no̱ Ma-to̱ m-Re̱re̱m ma-to̱ o-nip mo̱sse̱ u̱n Kiristi ne̱ à.

Korosiya-ne̱ 3:4

Da-o̱ Kiristi, wu̱ ya'u̱ no̱ ho̱o̱g à, wu̱ mu̱u̱ne̱ u̱n ka da-o̱, no̱a es u̱n wu̱ ne̱ no̱ kum se̱ps-mo̱ u̱n wu̱.

2 Tasaronika-ne̱ 2:16

Te̱ u̱s-ko̱n be-u̱r Wan-Ko̱yan na Ye̱so Kiristi u̱n hi u̱n de u̱n wu̱, u̱n Shir ne̱ Tato na rem no̱. Wu̱ wasu̱ na à, u̱n yar-mo̱ u̱n wu̱, wu̱ 'ye na jaab-o̱ u̱t-me̱n o̱ u̱n ba m-ta, o-sakto̱ ne̱ o̱ u̱r-bon u̱n bu̱-yo yar-mo̱ u̱n wu̱.

2 Tasaronika-ne̱ 2:8

U̱n ka da-o̱ a he ka ko-Gwo̱mo-wu̱ o-zang wu̱ m-rwu̱nte̱ cas, amba u̱n mu̱u̱n-m Wan-Ko̱yan Ye̱so, Ye̱so a ho wu̱ u̱n shik-mo̱ u̱n nu-o̱ u̱n wu̱, wu̱ sabre̱ wu̱ u̱n se̱ps-mo̱ u̱n wu̱ ne̱.

1 Timoti 1:1

Timoti, Burus ro̱ wo̱ m-gene̱ u̱n ka taku̱rda-o̱. Wo̱ m-mo̱ka kashi u̱n wà re wu̱, remen u̱m yoosu̱tu̱ wo̱ m-she̱r be-de Shir. Me̱, Burus, wan-To̱m Ye̱so Kiristi, u̱n be̱e̱b-de Shir, Wan-Gwu̱ na u̱n Kiristi Ye̱so, wu̱ ya'u̱ na o-sakto̱ à. Me̱ u̱n ko̱n-se Shir Tato na, u̱n Ye̱so Kiristi, Wan-Ko̱yan na. Me̱ u̱n ko̱n-se ye̱ 'ye wo̱ yar-mo̱ u̱n ye̱, u̱r-'wo̱n ne̱, u̱n gwu̱gwu̱-mo̱ u̱r-hur ne̱.

2 Timoti 4:1

U̱m mo̱ssu̱te̱ wo̱ u̱n Shir ne̱, u̱n Kiristi Ye̱so ne̱. Baks wu̱ he piishe̱ u̱n yan-ho̱o̱g u̱n margan-ne̱ u̱t-ma à. Komo baks wu̱ ro̱o̱n wu̱ nomot u̱t-gwo̱mo to̱ u̱n ho̱no o-dak.

2 Timoti 4:8

M-mo̱ka Shir e̱ssu̱te̱ me̱ 'yons-u̱r kashi n-to̱n o-shir, remen u̱m se̱ngu̱te̱ m-she̱r be-de u̱n wu̱. Wan-Ko̱yan wan-piish u̱t-ma wu̱ o-nip, wu̱a ya'as me̱ u̱r-'yons u̱n ka ho̱-de u̱n piish u̱t-ma de. Me̱ wu̱ cot Wan-Ko̱yan he m-ya'as u̱n ka 'yons-de u̱n ho̱n-de á. Amba Shir a 'ye hun-ne̱ ka 'yons-de, komo myet u̱n ye̱ ro̱ u̱r-go̱p ye̱ hyenet mu̱u̱n-mo̱ u̱n wu̱ à.

Titus 1:2

Ka da-de, ye̱a kum sakto̱-o̱ u̱n ho̱o̱g-o̱ ba m-ta o̱ Shir su̱rte̱ o-nu rii-yo wu̱ nomot ho̱no o-dak à. Remen Shir ro̱ m-rwo̱r u̱t-bo̱ á, hun-ne̱ ro̱ m-she̱r u̱n swo̱-u̱r o-nu o̱ u̱n wu̱.

Titus 1:4

Titus, me̱ wo̱ m-gende̱ u̱n ka taku̱rda-o̱. Wà re o ro̱ remen myet-m na a she̱re̱g be-u̱r Ye̱so Kiristi. U̱m ko̱no̱g Shir Tato na, u̱n komo Kiristi Ye̱so ne̱, Wan-Gwu̱ na. Me̱ u̱s-ko̱n wu̱ 'ye wo̱ yar-mo̱ u̱n wu̱, komo wu̱ 'ye wo̱ gwu̱gwu̱-mo̱ u̱r-hur!

Titus 3:4

Amba da-o haanu̱ru̱ o̱ Shir Wan-Gwu̱ na kutu̱ na u̱nze wu̱ ro̱ u̱r-'wo̱n ne̱, komo wu̱ waste̱ u̱n ko̱wan ne̱.

Yahuda-ne̱ 9:28

Kaane̱ o̱ komo Ye̱so Kiristi ya'ase̱ hi u̱n de u̱n wu̱ so̱ o-gaan remen wu̱ dekt ba'as-to̱ u̱n hun-ne̱ de̱e̱n. Wu̱a do m-mu̱u̱n, se̱ de̱ yanze remen wu̱ doot de̱k u̱n ba'as-to̱ u̱n hun-ne̱ komo á, amba remen wu̱ guut hun-ne̱ ye̱ u̱n wu̱ ye̱ ro̱ u̱n 'er-de u̱n mu̱u̱n-mo̱ u̱n wu̱ à.

1 Bitrus 1:3

Depete̱ a ya'as Shir Tato-o Wan-Ko̱yan na Ye̱so Kiristi u̱r-bo̱ngo̱n remen 'wo̱n-de u̱n wu̱ u̱r-go̱s-de. Wu̱ ya'ag na mat-o pu̱-o̱ remen ka sakto̱-o̱ o̱ ya'asu̱ na m-ho̱o̱g à, bo̱ wu̱ 'yonse̱ Ye̱so Kiristi be-de u̱t-marimar à.

1 Bitrus 1:7

Da-o̱ no̱ se̱nge̱ m-do̱re̱ Ye̱so n-me̱ u̱r-ko̱o̱b à, yo kute̱ hun-ne̱ u̱nze no̱ she̱re̱g Ye̱so gu̱n gu̱n. Hun-ne̱ m-zwo̱ u̱n zinariya n-me̱ o-ra remen ye̱ rwu̱u̱nté̱ kar kar. Kang-o gaan, ko̱o̱b-u̱r no̱ ro̱ u̱ntu̱n ka ra-o̱, amba no̱a rwu̱u̱n kar kar, komo she̱r-m no̱ aragte̱ zinariya. Da-o̱ Ye̱so Kiristi mu̱u̱ne̱ à, Shir a m-se̱ps no̱ wu̱ 'ye no̱ m-se̱k de̱e̱n remen no̱ she̱re̱g be-de u̱n wu̱.

2 Bitrus 1:1

Me̱, Simo̱n Bitrus, ko-gu̱w komo u̱n wan-To̱m Ye̱so Kiristi ne̱. Me̱ ge̱nbe̱ ka taku̱rda-o̱ ha-mo̱ u̱n be-de u̱n ye̱ go̱kse̱ m-she̱r o-nip ne̱ u̱ntu̱n mo̱ ma na. No̱ u̱n nom kaane̱ u̱n bu̱-yo kashi-o̱ Shir na u̱n Ye̱so Kiristi ne̱ Wan-Gwu̱.

2 Bitrus 3:18

Amba bo̱'o̱su̱ no̱ n-me̱ m-so̱k u̱n nap-u̱s Wan-Ko̱yan na Ye̱so Kiristi Wan-Gwu̱. Wu̱ a he m-se̱ke̱mse̱ cir-mo̱ m-mo̱ka har da-o̱ ba m-ta à. Amin.

1 Yohana 4:14

Shir to̱mo̱nte̱ Wà u̱n wu̱, Wan-Gwu̱ be-de u̱n hun-ne̱ u̱n ho̱no o-dak. Te̱ hyanag Wà u̱n wu̱ m-mo̱ka komo te̱ u̱n ko̱'o̱te̱ u̱n ye̱ ken ma-to̱ u̱n wu̱.

Yahudas 1:21

She'et no̱ u̱n was-m Shir, e̱ss no̱ hi u̱n no̱ u̱n was-mo̱ Shir. She'et no̱ kaane̱ bo̱ no̱ u̱n u̱r-'er de u̱n 'wo̱n-u̱r Wan-Ko̱yan na Ye̱so Kiristi de he no̱ haante̱ u̱n ho̱o̱g-o̱ ba m-ta à.

U̱t-Hyangan 1:7

Gwo̱t! Wu̱ ro̱o̱n u̱t-ke'ente̱ to̱ n-To̱n shir. Ko̱ wu̱ ke ne̱t-wu̱ a hyen wu̱, myet u̱n ka ye̱ ho̱ wu̱ ne̱ à. Komo myet-mo̱ u̱n baag-to̱ u̱n ho̱no o-dak a nom tu̱k-mo̱ u̱t-me̱n remen wu̱. E̱e̱ kaane̱ to̱ ro̱, amin.