Titus 2:12 - Mɑ‑to̱ Shir Taku̱rda-o swo̱r o-nu pu̱-o̱

¹² Remen yar-mo̱ u̱n wu̱, Shir yoosu̱tu̱ na a yage̱ go̱n she'et-de wu̱ ro̱ m-co̱n á, a yage̱ komo go̱p-de u̱n rem-se u̱n ho̱no o-dak. Komo Shir yoosu̱tu̱ na bo̱ a he she'et-de u̱r-bon u̱n kashi o-bu̱ à, ko̱ m-mo̱ka u̱n ka co̱w-yo a hette̱ m-nap u̱nze a m-'ya u̱n Shir m-se̱k.

Titus 2:12 ပူးပေါင်းရင်းမြစ်များ

Matiyos 12:32

Bo̱n wu̱ pyapu̱ me̱ à, me̱ Wà-wu̱ u̱n ne̱t Shir a soks ba'as-de u̱n wu̱. Amba myet wu̱ pyape̱ Ku̱kt-o̱ Shir à, Shir a soksu̱ wu̱ ba'as-to̱ u̱n wu̱ á, m-mo̱ka har ko̱ ya nomot.”

Matiyos 16:24

Ka da-de Ye̱so ze̱e̱ru̱ yan-neke̱-mo̱ u̱n wu̱, “Myet wu̱ co̱ne̱ wu̱ do̱ru̱ me̱ à, be-u̱r no̱, se̱ wu̱ she̱'e̱g hi u̱n de u̱n wu̱, wu̱ sew kan-o̱ u̱n wu̱, wu̱ do̱ru̱ me̱.

Matiyos 28:20

No̱ yoose̱ yan-dor pu̱'e̱, ye̱ nom o-do̱ro̱tte̱ o̱ u̱n ma-u̱t re u̱n kap o̱ u̱n rii-yo u̱m rwo̱'u̱ no̱ à. Nap no̱ yo ka. Me̱ be-u̱r gaan u̱n no̱ ne̱ u̱r-ho̱ bi har u̱n ta-de ho̱no o-dak.”

Ruka 1:6

Shir hyanag she'et-de u̱n ye̱ ro̱ u̱r-bon ne̱, ye̱ ro komo m-no̱m u̱n rii-yo Wan-Ko̱yan ze̱e̱ à, ba u̱t-re̱e̱b.

Ruka 1:75

remen kashi u̱r-she'et ba m-ku̱ko̱p, komo ba u̱r-ba'as be-de u̱n wu̱, komo kashi u̱r-she'et u̱n be-de Shir har ta-de u̱n ho̱o̱g-m na.”

Yohana 14:30

Me̱ hede no̱ m-ru̱re̱ u̱t-ma de̱e̱n á, remen wan-gwo̱mo-to̱ u̱n ho̱no o-dak ro̱o̱n, ko-Gwo̱mo-wu̱ u̱n ya-u̱t-ko̱t. Yatt-yo wu̱ he ne̱ hoks m-dos be u̱n de á.

Yohana 6:25

Da-o̱ ye̱ pasne̱ pesto-de o-mar à, ye̱ wo̱o̱nu̱ru̱, ye̱ 'wo̱ssu̱ru̱ Ye̱so re̱e̱no̱. Ye̱ ze̱e̱ru̱ wu̱, “Wa-u̱s-Nap, ¿da u̱n ke o̱ o wo̱o̱ne̱ kàne̱?”

Se̱nge̱-mo̱ 24:16

O̱ rwo̱'e̱ u̱r-ho̱ bi me̱tte̱ m-se̱nge̱ u̱n hur-u̱r gaan be-de u̱n Shir u̱n hun-ne̱ ne̱.

Se̱nge̱-mo̱ 24:25

Bo̱ Burus takante̱ rwo̱r u̱n ma-to̱ u̱n kashi u̱n hun-ne̱, u̱n garamse̱ u̱r-hi ne̱, komo u̱n piish u̱t-ma ne̱ da-o̱ ro̱o̱ne̱ à, Pe̱ris ho̱gu̱ru̱ o-gye̱r. Wu̱ ze̱e̱ru̱ Burus, “Wooste̱ kaane̱! M-mo̱ka de̱ warag. U̱rege̱ u̱m kumug u̱r-ke̱e̱r, man agbu̱ wo̱.”

Roma-ne̱ 12:2

No̱ do̱re̱ ma-to̱ u̱n hun-ne̱ ye̱ m-mo̱ka ye̱ u̱n barag-se u̱n ye̱ ne̱ á. Amba yagu̱ no̱ Shir muutu̱ no̱ yo wu̱ co̱ne̱ à, wu̱ 'ye no̱ hur-u̱r pu̱-de. Ka da-de no̱ he m-nap u̱n yo Shir co̱ne̱ à, rii-yo u̱r-bon, yo Shir co̱ne̱ à u̱n yo̱ ro̱ shiishe̱ cas cas à.

Roma-ne̱ 6:12

Remen kaane̱, no̱ yage̱ ba'as-de nomot u̱t-gwo̱mo u̱n wu̱r-u̱t no̱ to̱ he m-mar á, har no̱ do̱ru̱te̱ aye̱we̱-to̱ u̱n rii 'yo̱-yo u̱n co̱n-to̱ o-wu̱r á.

Roma-ne̱ 6:19

Me̱ u̱n kutu̱ no̱ sha-mo̱ gu̱w-ne̱ remen no̱ nept, remen kende̱-u̱r no̱. N-ga no̱ weste̱ m-ya'as u̱n do̱k-to̱ u̱n wu̱r-u̱t no̱ u̱n no̱m u̱n rii-yo u̱n ergen u̱n yo ba u̱r-bon ne̱. M-mo̱ka ya'as no̱ wu̱r-u̱t no̱ myet u̱n gu̱w-mo̱ u̱n kashi m-se̱nge̱ be-de Shir, remen Shir muutú̱ no̱ ba u̱r-ba'as.

Roma-ne̱ 8:13

U̱rege̱ u̱n she'et-u̱r no̱, yo barag-se ma-hun ze̱e̱ no̱ no̱ no̱m à, yo no̱ m-no̱m, no̱a mer. Amba u̱rege̱ no̱ u̱n she'et-de o-do̱ro̱tte̱ o̱ u̱n yo Ku̱kt-o̱ Shir ze̱e̱ à, no̱ yage̱ komo no̱m u̱r-ba'as, no̱a no̱m ho̱o̱g.

2 Korinti-ne̱ 1:12

Rii-yo ro̱ te̱ m-rwo̱ m-gwo̱n à: Yo ro̱ hur u̱n te̱ kaps te̱ á, de ro̱ te̱ m-ru̱re̱ u̱nze te̱ she'ette̱ she'et-de u̱n ba m-ku̱ko̱p n-me̱ u̱n ho̱no o-dak u̱n hur-u̱r gaan ne̱ to̱ rwu̱u̱ne̱ be-de Shir à. Yagu̱nte̱ ma she'et-de te̱ she'ette̱ u̱n no̱ ne̱ á. Man zee te̱ no̱mo̱g kaane̱ n-me̱ u̱n o̱ Shir. Te̱ u̱n nom kaane̱ n-me̱ kwu̱m-o̱ Shir, ba be-de u̱n we̱e̱r-se u̱n ho̱no o-dak á.

2 Korinti-ne̱ 7:1

O̱r re ne̱, ye̱ me̱ m-was à, cinda a e̱ssu̱te̱ na u̱t-ma à, yage̱ a e̱sste̱ hi u̱n na ba m-ku̱ko̱p, be-de kap rii-yo he m-rwo̱ o-wu̱r u̱r-hur ne̱ nom ba m-ku̱ko̱p á. Yage̱ komo a waragte̱ shiishe̱ ba m-ku̱ko̱p n-me̱ u̱r-she'et de u̱n gye̱r-o̱ u̱n Shir.

Garatiya-ne̱ 1:4

No̱ nak Ye̱so Kiristi ya'aste̱ hi u̱n de u̱n wu̱ remen ba'as-u̱t na, remen wu̱ guut na u̱n ka da-o yo̱-o̱ o̱. Wu̱ u̱n nom yo ka remen kaane̱ Shir Tato na co̱ne̱ m-no̱m.

Garatiya-ne̱ 5:24

Komo kap ye̱ ro̱ ye̱ ma Kiristi Ye̱so à, ye̱ ho'oste̱ she'et-de ma-hun u̱n rem-u̱s yo̱-se ne̱ go̱-u̱s-go̱ se wu̱r-o ro̱ m-co̱n à.

Apisu-ne̱ 1:4

Rii-yo Shir nomot o-To̱n o-dak ne̱, wu̱ daagu̱ na, remen wu̱ co̱no̱g na, a waragté̱ kashi u̱n hun-ne̱ komo ba u̱r-ba'as be-de Shir. Remen Shir waste̱ u̱n na ne̱,

Apisu-ne̱ 2:2

Ka da-o̱ no̱ u̱n no̱m u̱n rem-se u̱n ba u̱r-bon se hun-ne̱ ye̱ nape̱ Shir á ro̱ m-no̱m à. No̱ o-do̱ro̱tte̱ o̱ u̱n ko-Gwo̱mo-wu̱ u̱n ya-u̱t-ko̱t wu̱ ro̱ u̱t-gwo̱mo to̱ u̱n ya-u̱t-yage̱ to̱ u̱n Shir be-to̱ n-to̱n à. Ka ko-Gwo̱mo-wu̱ u̱n ya-u̱t-ko̱t wu̱ ro̱ m-mo̱ka m-se̱nge̱ wu̱ garamsu̱te̱ hun-ne̱ ye̱ ro̱ u̱n no̱me̱ u̱n Shir ko̱o̱b-de o-do̱ro̱tte̱ à.

Korosiya-ne̱ 1:22

Amba m-mo̱ka, Shir hongsu̱te̱ she'et-u̱r so̱-de be-u̱r no̱ u̱n wu̱ ne̱. Wà u̱n wu̱ waragte̱ ne̱t komo wu̱ mer n-to̱n o-kan. Shir hongsu̱te̱ no̱ bo̱ wu̱ yage̱ Kiristi meret rem no̱ à. Wu̱ u̱n no̱m kaane̱ remen da-o̱ no̱ he m-e̱s u̱n co-o̱ Shir à wu̱a go̱ks no̱ hun-ne̱ ye̱ ba m-ku̱ko̱p ba u̱r-ba'as. Komo yatt-wu̱ he m-ze̱e̱ no̱ no̱mo̱g rii yo̱-yo á.

1 Tasaronika-ne̱ 4:7

Remen Shir wu̱ aag na remen a waragté̱ ya-m-ku̱ko̱p á, amba a she'ete̱ she'et-de ba m-ku̱ko̱p.

1 Tasaronika-ne̱ 4:9

M-mo̱ka mo̱sse̱ u̱n was u̱n o̱r no̱ ne̱ ne̱ komo, ba se̱ wu̱ ken wu̱ genete̱ no̱ á, remen no̱ u̱n hi u̱n no̱ Shir o̱ yoosu̱ no̱, no̱ was u̱n o̱r no̱ ne̱ ne̱.

1 Timoti 4:12

Taase o yage̱ hun-ne̱ gu̱t hi u̱n du ba u̱s-shi á, remen wo̱ mo̱nge̱ á. Amba se̱nge̱ yoos u̱n du. Komo yage̱ she'et u̱n du ma'as rii-yo u̱r-yoos be-de u̱n yan-dor Ye̱so bo̱ depe̱ ye̱ she'et à: Ce̱p ma-to̱ u̱r-bon. No̱m rii-yo u̱r-bon. Was u̱n hun-ne̱ ne̱. She̱r be-de Shir. Komo o ma'as u̱n hur-u̱r pus-de ne̱.

1 Timoti 6:17

O ru̱re̱ hun-ne̱ yan-hwo̱r taase ye̱ de̱k u̱nze ye̱ jiishte̱ o̱r u̱n ye̱ hun-ne̱. O ru̱re̱ yan-hwo̱r komo taase ye̱ nom u̱s-barag u̱nze rii-yo ye̱ kume̱ à, remen hwo̱r u̱n ye̱ o̱. Me̱ u̱n ze̱e̱ kaane̱ remen hwo̱r a hoks m-ta ho̱r-m-ho̱r. Amba yage̱ ye̱ sheret be-de Shir o̱ guut ye̱. Shir o̱ ro̱ na m-'ya u̱n ko̱ yo ke rii-yo yo a ro̱tte̱ à, u̱n hur-u̱r gaan. Shir u̱n ya'as na ko̱ yo ke rii-yo remen a ho̱gu̱te̱ re̱re̱m-m na.

1 Timoti 6:9

Amba hun-ne̱ ye̱ ro̱ u̱r-go̱p ye̱ kumut hwo̱r à, ye̱ m-he̱be̱ n-me̱ u̱t-meger u̱n ce̱e̱b ne̱ be-de u̱n rem-se o-hwaa. Co̱n-to̱ u̱n rii yo̱-yo ro̱ u̱n jorbe̱ u̱n hun-ne̱ u̱n bu̱-yo m-sabre̱.

2 Timoti 3:12

Kap wu̱ co̱ne̱ wu̱ no̱m go̱n she'et-de Shir co̱ne̱ à, wu̱ she̱r be-u̱r Kiristi Ye̱so, wu̱a su̱ u̱r-ko̱o̱b be-de u̱n hun-ne̱.

2 Timoti 4:10

U̱m co̱no̱g o haan remen Dimas wongu̱te̱ u̱n me̱ ne̱. Wu̱ wongu̱te̱ u̱n me̱ remen go̱p-de u̱n rem-se u̱n ho̱no o-dak. Wu̱ neke̱te̱ bo̱-o̱ o-Tasaronika. Komo Kirezens haag raag-o̱ o-Garatiya. Titus komo wu̱ haaru̱ raag-o̱ o-Darmatiya.

Titus 3:3

A ro m-raag ne̱ n-ga, sa o zee hun-ne̱ ye̱ yage̱ m-she̱r be-u̱r Ye̱so m-mo̱ka à. A ro u̱n ko̱o̱b-de o-do̱ro̱tte̱, komo hun-ne̱ ro rakstu̱ na. Sa o zee gu̱w-ne̱ a ro'e̱, ye̱ go̱p-de u̱n no̱m u̱n rem-se u̱n me̱n-u̱t jaas-to̱ garamse̱ à, se ye̱ ro̱ m-ho̱ge̱ re̱re̱m-mo̱ m-no̱m à. N-ga a ro shiishe̱ u̱n me̱n-u̱t jaas-to̱, u̱r-shoob ne̱, ye̱ kututu̱ na u̱t-yage̱, na u̱n cen na, a ro̱ u̱t-yage̱ u̱n ye̱ ne̱.

Yahuda-ne̱ 8:11

Yatt-wu̱ he yoose̱ u̱n ko̱wan á. Yatt-wu̱ he ze̱e̱ u̱n o̱r u̱n wu̱, “Nep Yawe” á. Remen u̱n yakar u̱n se̱k-ye̱ ne̱, ko̱wan wu̱a nep me̱.

Yakubu 1:27

Yo Shir o-Tato co̱ne̱ a nom, wu̱ ho̱gu̱te̱ m-re̱re̱m à, yo ro̱ a gu yakar-ye̱ ro̱ ba u̱n tat-ne̱ à, komo yo ro̱ a re̱e̱gte̱ ne'a-ne̱ ye̱ campo̱-ne̱ ye̱ u̱n ye̱ mare̱ à, ye̱ ro̱ u̱n swo̱ u̱r-ko̱o̱b à. Komo a dos u̱r-hi be-de u̱n she'et-de u̱n ba u̱r-bon de he na m-naas à.

2 Bitrus 2:9

U̱rege̱ har kááne̱ o̱, Wan-Ko̱yan nepste̱ bo̱ wu̱ he gu u̱n hun-ne̱ ye̱ Shir be-de u̱t-meger à. Komo wu̱ neps bo̱ wu̱ he se̱nge̱ u̱n 'ya u̱n yan-me̱n-u̱t jaas-to̱ u̱r-ko̱o̱b à, har ho̱-de u̱n piish u̱t-ma to̱ u̱r-ko̱m wo̱o̱nte̱.

2 Bitrus 3:11

Cin de̱ kaane̱ ko̱yan he m-sabre̱ à, ¿Yan go̱ u̱n hun-ne̱ ye̱ depe̱ no̱ she'et? Depete̱ no̱ she'et u̱n ho̱o̱g-m no̱ ba m-ku̱ko̱p bo̱ Shir ro̱ à.

1 Yohana 2:27

Amba no̱, Ye̱so ya'aste̱ no̱ Ku̱kt-o Shir. M-mo̱ka ka Ku̱kt-o̱ ro̱ be u̱n no̱. No̱ u̱n dish-o̱ wu̱ ken wu̱ yoosu̱tu̱ no̱ komo á. Remen yan á, Ku̱kt-o̱ ro̱ no̱ m-yoose̱ u̱n ko̱ yo ke rii-yo. Yoos-de u̱n o-Ku̱kt ne̱ bo̱-to̱ á, nip-o̱. No̱m no̱ o-do̱ro̱tte̱ u̱n ka yoos-de ne̱, she'et no̱ be-u̱r Ye̱so Kiristi.

1 Yohana 2:6

Kap bo̱n wu̱ ze̱e̱ wu̱ ro̱ kang-o gaan u̱n Shir ne̱ à, se̱ wu̱ no̱mo̱g bo̱ Ye̱so no̱me̱ à.

1 Yohana 5:19

A nepse̱ u̱nze na yakar-ye̱ Shir ye̱, komo myet-mo̱ u̱n ho̱no o-dak, ko-Gwo̱mo-wu̱ u̱n ya-u̱t-ko̱t ro̱ o̱ u̱t-gwo̱mo.

Yahudas 1:18

Ye̱ ru̱ru̱te̱ no̱ u̱nze, “Da-o̱ u̱r-ko̱m a no̱m ye̱ ken hun-ne̱ ye̱ ya-u̱r-ar, ye̱ ro̱ m-co̱n ye̱ ho̱ge̱ re̱re̱m-mo̱ u̱n ye̱ u̱n ko̱ yo ke co̱w-yo ba u̱r-bon yo à.”

U̱t-Hyangan 14:12

Remen kaane̱, hun-ne̱ ye̱ Shir, ká ye̱ ro̱ m-do̱re̱ u̱n karamsa-to̱ Shir komo ye̱ sher u̱n Ye̱so à, se̱ ye̱ se̱nge̱ o-do̱ro̱tte̱ m-she̱r ne̱ be-de u̱n wu̱.