Titus 2:1 - Mɑ‑to̱ Shir Taku̱rda-o swo̱r o-nu pu̱-o̱

¹ Amba Titus, wo̱ se̱nge̱ yoose̱ u̱n yan-dor rem-se ro̱ hond hond u̱n yoos-de o-nip ne̱ de ma Ye̱so Kiristi.

Titus 2:1 ပူးပေါင်းရင်းမြစ်များ

1 Timoti 1:10

U̱n campo̱-ne̱ ne̱ ye̱ ro̱ u̱n hoob-o̱ u̱n ne'a-ne̱ à, u̱n ne'a-ne̱ ye̱ ro̱ hoob-o̱ u̱n campo̱-ne̱ ne̱ à, U̱n campo̱-ne̱ ye̱ ro̱ m-rew u̱n o̱r u̱n ye̱ ne̱ campo̱-ne̱ bo̱ ye̱ ro̱ m-rew u̱n ne'a-ne̱ u̱n ye̱ ne̱ à, Ko̱ ne'a-ne̱ ye̱ ro̱ m-rewe̱ u̱n o̱r u̱n ye̱ ne̱ ne'a-ne̱ bo̱ ye̱ ro̱ m-rewe̱ u̱n campo̱-ne̱ u̱n ye̱ ne̱ à, Ko̱ ye̱ ro̱ u̱n baab u̱n hun-ne̱, Ko̱ ya-u̱t-bo̱, Ko̱ hun-ne̱ ye̱ ro̱ m-yage̱ m-nom u̱n yo ye̱ ze̱e̱ ye̱a nom à, u̱n Hun-ne̱ ne̱ ye̱ ro̱ u̱n no̱m u̱n ko̱ se ke rem-se u̱n ba u̱r-bon se à, Da-de ye̱ no̱me̱ kà rem-u̱s yo̱-se se, ye̱ ro̱ o̱ ka o-do̱ro̱tte̱ u̱n yoos-de o-nip á.

1 Timoti 6:3

Ye̱ ken hun-ne̱ ye̱ ro̱ u̱n yoos-de u̱t-bo̱ u̱n rem-se Shir. Ye̱ ro̱ m-she u̱n yoos-de o-nip u̱n ma-u̱t Ye̱so Kiristi ne̱, Wan-Ko̱yan na. Yoos-de u̱n ye̱ ro̱ u̱n gu u̱n hun-ne̱ she'et-de Shir co̱ne̱ á.

2 Timoti 1:13

Bo̱p ka yoos-de o-nip de, kom-u̱t yoor, ka de o ho̱ge̱ be u̱n de à. O do̱re̱ sha-mo̱ u̱n yoos u̱n de. No̱m kaane̱ m-she̱r, m-was ne̱, mo̱ Kiristi Ye̱so ya'su̱ wo̱ à.

Titus 1:9

Wu̱ she̱re̱ u̱r-bon ne̱ be-de u̱n Ma-to̱ m-Re̱re̱m to̱ te̱ yoose̱ wu̱ à, to̱ ma Ye̱so Kiristi. Ka da-de wu̱a hoks m-wo̱s u̱r-be̱ u̱nze ka ma-to̱ nip-o̱ komo yatt-wu̱ he to̱ m-kwu̱s á. Wu̱ no̱me̱ kaane̱ wu̱a hoks m-gu u̱n hun-ne̱ ye̱ nomot o-do̱ro̱tte̱ be-de u̱n ka yoos-de o-nip de, de u̱n Ma-to̱ m-Re̱re̱m. Wu̱a kute̱ hun-ne̱ ye̱ yage̱ m-she̱r u̱n yoos-de o-nip à, ye̱ nep u̱nze ye̱ ba'asu̱te̱.

Titus 3:8

Ka ma-to̱, ma-to̱ o-nip to̱. U̱m co̱no̱g wo̱ o es eso, se̱ o hyanag hun-ne̱ do̱ru̱te̱ to̱, bo̱n kap wu̱ she̱re̱ be-de Shir à, wu̱a nep u̱nze wu̱a ma'as u̱n no̱m rem-se u̱r-bon. Ka yoos-de ro̱ u̱r-bon ne̱ komo u̱n gwu̱ ne̱ remen ko̱wan.

1 Bitrus 4:11

U̱rege̱ wu̱ ken wu̱ ro̱ u̱t-ma, se̱ wu̱ nom u̱ntu̱n wu̱ ro̱ m-rwo̱r u̱n Ma-to̱ Shir à. U̱rege̱ a ya'ag wu̱ ken yar-mo̱ u̱n gu u̱n hun-ne̱, se̱ wu̱ nom u̱n be̱e̱b-de Shir ya'u̱ wu̱ à. Remen u̱n ko̱ yo ke rii-yo Shir a kum u̱r-bo̱ngo̱n rem Ye̱so Kiristi. Me̱ u̱s-ko̱n hun-ne̱ a 'ye Shir m-se̱ps, u̱t-gwo̱mo ne̱, ba m-ta. Amin.