Titus 1:9 - Mɑ‑to̱ Shir Taku̱rda-o swo̱r o-nu pu̱-o̱

⁹ Wu̱ she̱re̱ u̱r-bon ne̱ be-de u̱n Ma-to̱ m-Re̱re̱m to̱ te̱ yoose̱ wu̱ à, to̱ ma Ye̱so Kiristi. Ka da-de wu̱a hoks m-wo̱s u̱r-be̱ u̱nze ka ma-to̱ nip-o̱ komo yatt-wu̱ he to̱ m-kwu̱s á. Wu̱ no̱me̱ kaane̱ wu̱a hoks m-gu u̱n hun-ne̱ ye̱ nomot o-do̱ro̱tte̱ be-de u̱n ka yoos-de o-nip de, de u̱n Ma-to̱ m-Re̱re̱m. Wu̱a kute̱ hun-ne̱ ye̱ yage̱ m-she̱r u̱n yoos-de o-nip à, ye̱ nep u̱nze ye̱ ba'asu̱te̱.

Titus 1:9 ပူးပေါင်းရင်းမြစ်များ

Se̱nge̱-mo̱ 18:28

Apo̱ro̱s ro ye̱ m-ru̱re̱ o-nip n-me̱ u̱n Ma-to̱ Shir u̱nze Ye̱so ro̱ Kiristi. Wu̱ ru̱ru̱te̱ ye̱ u̱t-ma m-'wo̱ns ne̱ komo wu̱ kapste̱ Yahuda-ne̱ de̱e̱n u̱n yish-de u̱n hun-ne̱.

1 Korinti-ne̱ 14:24

Amba u̱rege̱ ko-yan-ba u̱n dor, ko̱ ne̱t-wu̱ wu̱ nape̱ ka rem-se á, haante̱ be-de u̱n mo̱ro̱g-u̱r no̱, komo wu̱ ho̱gu̱ru̱ yan-dor Ye̱so m-rwo̱r Ma-to̱ Shir. Myet-m ka ma-to̱ a ci hur-de u̱n wu̱ har wu̱a nep u̱nze Shir a piishi wu̱ u̱t-ma remen me̱n-u̱t jaas-to̱ u̱n wu̱. Wu̱ hoob m-waktu̱ne̱ be-de Shir.

1 Tasaronika-ne̱ 5:21

Se̱ de̱ no̱ me'es ko̱yan, no̱ bu̱p rii-yo ro̱ u̱r-bon ne̱ à.

2 Tasaronika-ne̱ 2:15

Remen kaane̱, o̱r re ne̱, e̱s no̱ u̱r-be̱e̱b ne̱, komo no̱ bu̱p ka nip-o̱ te̱ yoosu̱ no̱ à, ko̱ u̱n ma-to̱ nu, ko̱ komo genge̱n.

1 Timoti 1:10

U̱n campo̱-ne̱ ne̱ ye̱ ro̱ u̱n hoob-o̱ u̱n ne'a-ne̱ à, u̱n ne'a-ne̱ ye̱ ro̱ hoob-o̱ u̱n campo̱-ne̱ ne̱ à, U̱n campo̱-ne̱ ye̱ ro̱ m-rew u̱n o̱r u̱n ye̱ ne̱ campo̱-ne̱ bo̱ ye̱ ro̱ m-rew u̱n ne'a-ne̱ u̱n ye̱ ne̱ à, Ko̱ ne'a-ne̱ ye̱ ro̱ m-rewe̱ u̱n o̱r u̱n ye̱ ne̱ ne'a-ne̱ bo̱ ye̱ ro̱ m-rewe̱ u̱n campo̱-ne̱ u̱n ye̱ ne̱ à, Ko̱ ye̱ ro̱ u̱n baab u̱n hun-ne̱, Ko̱ ya-u̱t-bo̱, Ko̱ hun-ne̱ ye̱ ro̱ m-yage̱ m-nom u̱n yo ye̱ ze̱e̱ ye̱a nom à, u̱n Hun-ne̱ ne̱ ye̱ ro̱ u̱n no̱m u̱n ko̱ se ke rem-se u̱n ba u̱r-bon se à, Da-de ye̱ no̱me̱ kà rem-u̱s yo̱-se se, ye̱ ro̱ o̱ ka o-do̱ro̱tte̱ u̱n yoos-de o-nip á.

1 Timoti 1:15

Ka ma-to̱, bo̱-u̱t to̱ ko̱n n-me̱ u̱n to̱ á, komo to̱ wo̱o̱g a go̱kste̱ to̱ kap u̱nze, “Kiristi Ye̱so haante̱ u̱n ho̱no o-dak wu̱ guut ya-u̱t-ba'as, bo̱ ye̱ he m-po̱sse̱ den-o̱ o-ra à.” U̱m nak komo u̱m aragte̱ hun-ne̱ kap u̱r-ba'as.

1 Timoti 1:19

Da-o̱ wo̱ ro u̱n ko̱'o̱t u̱n Ma-to̱ Shir, ma'as n-te̱ m-she̱r, komo hur u̱n du kaps wo̱ á. Ye̱ ken hun-ne̱ ye̱ hur-de u̱n ye̱ kapste̱ ye̱. Remen kaane̱ ye̱ hoks m-she̱r be-de Shir á.

1 Timoti 4:9

Ka ma-to̱, to̱ hun-ne̱ ro̱ m-rwo̱r à, nip-o̱ komo to̱ woose̱ a go̱ks-to̱ kom-u̱t yoor.

1 Timoti 6:3

Ye̱ ken hun-ne̱ ye̱ ro̱ u̱n yoos-de u̱t-bo̱ u̱n rem-se Shir. Ye̱ ro̱ m-she u̱n yoos-de o-nip u̱n ma-u̱t Ye̱so Kiristi ne̱, Wan-Ko̱yan na. Yoos-de u̱n ye̱ ro̱ u̱n gu u̱n hun-ne̱ she'et-de Shir co̱ne̱ á.

2 Timoti 1:13

Bo̱p ka yoos-de o-nip de, kom-u̱t yoor, ka de o ho̱ge̱ be u̱n de à. O do̱re̱ sha-mo̱ u̱n yoos u̱n de. No̱m kaane̱ m-she̱r, m-was ne̱, mo̱ Kiristi Ye̱so ya'su̱ wo̱ à.

2 Timoti 2:2

O ho̱gu̱te̱ me̱ u̱n yoose̱ u̱n hun-ne̱ ma-u̱t Kiristi. U̱m yoosu̱te̱ hun-ne̱ ka ma-to̱ u̱n co-o̱ u̱n ya-u̱s-to̱r de̱e̱n. U̱m co̱no̱g o yoose̱ hun-ne̱ ye̱ o-nip go̱n ka ma-to̱. Ye̱ he m-hoks u̱n yoose̱ u̱n ye̱ ken hun-ne̱ komo à.

2 Timoti 2:25

Ka da-de, n-me̱ u̱n gwu̱gwe̱r-mo̱ u̱r-hi, wu̱ ke̱we̱s ye̱ ro̱ u̱n yage̱-to̱ u̱n yoos-de u̱n wu̱ à. O̱ ken da-o̱ Shir a 'ye ye̱ o-da, ye̱ waktu̱ne̱ be-de u̱n wu̱, ye̱ nep yo nip-o ro̱ à.

2 Timoti 3:14

Amba wo̱, se̱nge̱ m-she̱r be-de o-nip o̱ a yoose̱ wo̱ à. O she̱r hur u̱n du u̱n o̱ ne̱ de̱e̱n, remen o nepse̱ ka ye̱ yoose̱ wo̱ à, wo̱a hoks wo̱s u̱r-be̱ u̱n ye̱ ne̱.

2 Timoti 4:3

Me̱ wo̱ m-ru̱re̱ u̱n ka ma-to̱ remen da-o ro̱o̱n, o̱ hun-ne̱ a cu̱n ye̱ ho̱ge̱ yoos-de o-nip á. Amba ye̱a no̱m rem-u̱s yo̱-se se hur-de u̱n ye̱ co̱ne̱ à. Komo ye̱a raks to̱-to̱ u̱n ye̱ be-de yan-yoos-de u̱t-bo̱. Ka yoos-de ro̱ ye̱ m-ru̱re̱ yo to̱-to̱ u̱n ye̱ co̱ne̱ m-ho̱ge̱ à.

Titus 1:11

Taase no̱ 'ye go̱n ka hun-ne̱ ye̱ u̱r-ke̱e̱r de u̱r-yoos á. Yan no̱ ye̱, remen ye̱ ro̱ u̱n yoos-de yo depe̱ ye̱ yoos á, ye̱ ro̱ naas u̱n she̱r-mo̱ u̱n hur-to̱ u̱n hun-ne̱ de̱e̱n. Ye̱ ro̱ u̱n ka yoos-de u̱t-bo̱ to̱ remen ye̱ kumut hwo̱r be-de u̱n hun-ne̱.

Titus 2:1

Amba Titus, wo̱ se̱nge̱ yoose̱ u̱n yan-dor rem-se ro̱ hond hond u̱n yoos-de o-nip ne̱ de ma Ye̱so Kiristi.

Yahudas 1:3

No̱, ye̱ me̱ m-was u̱n no̱ ne̱ à, u̱m no̱mo̱g u̱r-go̱p u̱m genbu̱tu̱ no̱ ma-to̱ u̱n ka gwu̱-o̱ o̱ mo̱sse̱ na à. Amba u̱m hyanu̱ru̱ depete̱ m-gen u̱m dootu̱ no̱ jaab-o̱ u̱t-me̱n, u̱m gaktu̱ no̱ 'er-de u̱n m-she̱r mo̱ Shir bo̱pse̱ hun-ne̱ ye̱ u̱n wu̱ ye̱ ba m-ku̱ko̱p, so̱ o-gaan cot à. Depete̱ a we̱n hun-ne̱ baramse̱ she̱r-m na.

U̱t-Hyangan 2:25

Se̱ de̱ no̱ bu̱p she̱r-m no̱ ke̱k har u̱m m-mu̱bu̱te̱.

U̱t-Hyangan 3:11

U̱m ro̱be̱ ku̱sse̱. Bo̱p she̱r-m no̱ de̱e̱n, remen taase wu̱ ken wu̱ rumus no̱ u̱r-'yons.

U̱t-Hyangan 3:3

Baks yo no̱ yoose̱ u̱n yo no̱ ho̱ge̱ ne̱ à n-ga. No̱ nomo yo o-do̱ro̱tte̱ no̱ waktu̱ne̱ be u̱n de. U̱rege̱ ne̱ no̱ yagu̱te̱ m-zu̱te̱, man habe̱ da-o̱ no̱ hwo̱ o-sakto̱ á, u̱ntu̱n bo̱ ko-hyow ro̱ m-nom à.