Titus 1:8 - Mɑ‑to̱ Shir Taku̱rda-o swo̱r o-nu pu̱-o̱

⁸ Amba wu̱ ma'as ko-wan-go̱ks u̱n hamat-ne̱ u̱r-bon ne̱. Wu̱ ro̱ u̱n ho̱ge̱ u̱n zak-o̱ u̱n nom u̱n rii-yo u̱r-bon à. Wan-barag-se u̱r-bon. Wu̱ ro̱ u̱n no̱m u̱n kashi u̱n rii-yo depe̱ à. Wan-ba-m-ku̱ko̱p u̱n ku̱ko̱p-mo̱ u̱r-hur. Wan-hoks u̱n garamse̱ u̱n hi u̱n de u̱n wu̱.

Titus 1:8 ပူးပေါင်းရင်းမြစ်များ

Ruka 2:25

U̱n ka da-o̱ wu̱ ken ne̱t-wu̱ ro kon jin-de u̱n wu̱ Simo̱n wu̱ ro u̱r-she'et o-Urusharima. Ko-wan-gye̱r-o̱ Shir wu̱ kashi u̱n ne̱t komo, wu̱ ro u̱n 'er-de u̱n wan-m-gwu̱'u̱rse̱ u̱r-hur de ya-o-Isra. Wu̱ ro u̱n Ku̱kt-o̱ Shir ne̱.

Se̱nge̱-mo̱ 24:25

Bo̱ Burus takante̱ rwo̱r u̱n ma-to̱ u̱n kashi u̱n hun-ne̱, u̱n garamse̱ u̱r-hi ne̱, komo u̱n piish u̱t-ma ne̱ da-o̱ ro̱o̱ne̱ à, Pe̱ris ho̱gu̱ru̱ o-gye̱r. Wu̱ ze̱e̱ru̱ Burus, “Wooste̱ kaane̱! M-mo̱ka de̱ warag. U̱rege̱ u̱m kumug u̱r-ke̱e̱r, man agbu̱ wo̱.”

1 Tasaronika-ne̱ 2:10

No̱ te̱ m-su̱'e̱, Shir ma wu̱ ro̱ te̱ m-su̱'e̱ mo̱sse̱ u̱n go̱n she'et-de te̱ kutu no̱ yan-dor à. Te̱ she'ette̱ ba m-ku̱ko̱p, u̱n me̱n-u̱t pus-to̱ ne̱, ba u̱n be-de m-pyap.

1 Timoti 3:2

Remen kaane̱, myet ne̱t-wu̱ co̱ne̱ wan-gu̱t-de u̱n yan-dor Ye̱so à, kaane̱ she'et-de u̱n wu̱ he m-ma'as: U̱ntaase a kum gom-de u̱r-re̱e̱b be-de u̱n wu̱, Wu̱ e̱se̱ be-de u̱n ne'a u̱n wu̱ cot à, Wu̱ hokse̱ garamse̱ u̱n hi u̱n de u̱n wu̱ à, Wan-barag-se u̱r-bon, Hun-ne̱ ya'as wu̱ u̱t-go̱s, remen wu̱ she'ette̱ u̱r-bon ne̱, Wa-m-was u̱n hamat-ne̱ ne̱ n-me̱ u̱n hur-o̱ u̱n wu̱, Wu̱ he m-hoks u̱r-yoos à,

1 Timoti 4:12

Taase o yage̱ hun-ne̱ gu̱t hi u̱n du ba u̱s-shi á, remen wo̱ mo̱nge̱ á. Amba se̱nge̱ yoos u̱n du. Komo yage̱ she'et u̱n du ma'as rii-yo u̱r-yoos be-de u̱n yan-dor Ye̱so bo̱ depe̱ ye̱ she'et à: Ce̱p ma-to̱ u̱r-bon. No̱m rii-yo u̱r-bon. Was u̱n hun-ne̱ ne̱. She̱r be-de Shir. Komo o ma'as u̱n hur-u̱r pus-de ne̱.

1 Timoti 6:11

Amba wo̱ Timoti o she̱re̱g be-de Shir. Bo̱ hun-ne̱ ro̱ m-so̱m be-de u̱n rii yo̱-yo à, so̱m be-de u̱n co̱n-to̱ u̱n hwo̱r de̱e̱n. O ma'as m-gwo̱t u̱n hun-ne̱ u̱r-bon ne̱. O se̱nge̱ no̱m u̱n rii-yo ro̱ u̱r-bon ne̱ à. Myet yo wo̱ m-no̱m à, she'et bo̱ Shir co̱ne̱ o she'et à. She̱r be-de Shir. Was u̱n hun-ne̱ ne̱. No̱m jaab-o̱ u̱t-me̱n u̱n dor-o̱ Shir. Nome̱ hun-ne̱ u̱t-ma u̱n gwu̱gwe̱r-mo̱ u̱r-hi ne̱.

2 Timoti 2:22

Timoti no̱m ja, u̱n no̱m u̱n rem-u̱s yo̱-se ne̱, se yan-campo̱-ne̱ ro̱ m-co̱n m-no̱m à. Ma'as u̱n no̱m u̱n rii-yo ro̱ so̱-yo à. Se̱nge̱ m-she̱r be-de Shir, m-was ne̱, u̱n she'et-de ba u̱t-ween ne̱. No̱m u̱n go̱n ka rem-se, u̱n myet ye̱ ro̱ u̱s-ko̱n be-u̱r Wan-Ko̱yan u̱n hur-u̱r gaan à.

2 Timoti 3:3

Yan-ko̱o̱b-de m-was u̱n hun-ne̱ ne̱, Ya-m-e̱e̱s u̱n o̱r re u̱n ye̱ ne̱ u̱r-hur, Yan-we̱-to̱ hun-ne̱, Yan-ko̱o̱b-de u̱n garamse̱ u̱n hi u̱n de u̱n ye̱, Ya-m-zwo̱m, Ya-u̱r-shoob u̱n kap rii-yo ro̱ so̱-yo à.

Titus 2:7

u̱n ko̱ yo ke rii-yo. Wo̱ u̱n hi u̱n du ma'as u̱n nome̱ u̱n hun-ne̱ rem-se u̱r-bon. Bo̱ o he warag rii-yo m-sha be-de u̱n yan-campo̱-ne̱ à. Wo̱ ro u̱n yoose̱ u̱n hun-ne̱ Ma-to̱ Shir, o yoos u̱n hur-u̱r gaan komo ba m-se̱'e̱r.

1 Yohana 3:14

Na ne̱, a nepste̱ a po̱ssu̱te̱ m-mar, a wooste̱ be-de u̱n ho̱o̱g remen a m-was u̱n o̱r na ne̱ ne̱. Ne̱t-wu̱ ro̱ m-was u̱n o̱r u̱n wu̱ á, wu̱ ro̱'o̱su̱tu̱ru̱ o̱ ka u̱n she'et-de m-mar.

1 Yohana 5:1

U̱rege̱ a she̱re̱g o-nip u̱nze Ye̱so wu̱ ro̱ Kiristi, na yakar-ye̱ Shir ye̱ ka. Ko̱wan wu̱ ro̱ m-was o-Tato à, wu̱ waste̱ o̱ ká u̱n yakar-ye̱ u̱n wu̱ ne̱.