Se̱nge̱-mo̱ 9:13 - Mɑ‑to̱ Shir Taku̱rda-o swo̱r o-nu pu̱-o̱

¹³ Amba Hananiya shasu̱ru̱, “Wan-Ko̱yan, u̱m su̱u̱ste̱ ho̱ge̱ u̱n ma-to̱ u̱n ka ne̱t-wu̱ be-de u̱n hun-ne̱ de̱e̱n, n-te̱ u̱n mo̱o̱r-to̱ u̱n me̱n-u̱t jaas-to̱ to̱ wu̱ nome̱ yan-dor ru o-Urusharima à.

Se̱nge̱-mo̱ 9:13 ပူးပေါင်းရင်းမြစ်များ

Matiyos 10:16

Ye̱so haaru̱ co u̱n nome̱ u̱n yan-To̱m-ye̱ u̱n wu̱ u̱t-ma. Wu̱ zee, “Me̱ no̱ m-to̱m be-de u̱n yan-me̱n-u̱t jaas-to̱ u̱ntu̱n ye̱ge̱-ca n-me̱ ye̱ge̱-dur. Remen kaane̱ no̱m no̱ u̱s-we̱e̱r u̱ntu̱n ye̱ge̱-hwo̱, komo no̱ nom yan-ba-u̱t-naas u̱ntu̱n ye̱ge̱-gorop.

Se̱nge̱-mo̱ 22:4

Har u̱m rangsu̱te̱ yan-do̱re̱ u̱n ka Co̱w-yo a hoomtú̱ ye̱ de̱e̱n. U̱m ka'ag hun-ne̱ campo̱-ne̱ u̱n ne'a-ne̱ ne̱, u̱n kur-o̱ m-ke'et.

Se̱nge̱-mo̱ 8:3

Amba Shawuru se̱ngu̱ rangse̱ u̱n hun-ne̱ yan-dor Ye̱so ba m-so̱k. Wu̱ ro m-co̱w u̱t-hur, wu̱ ro̱ u̱n ship u̱n campo̱-ne̱ u̱n ne'a-ne̱ ne̱, wu̱ ro ye̱ m-ka u̱n kur-to̱ m-ke'et.

Se̱nge̱-mo̱ 9:1

Shawuru se̱ngu̱te̱ re̱ co u̱n rangse̱ u̱n yan-neke̱-m Wan-Ko̱yan de̱e̱n, har m-ze̱e̱ wu̱a ho ye̱. Wu̱ argu̱ m-ha be-de u̱n ko-Gwo̱mo-wu̱ u̱n ko̱n-se Shir.

Se̱nge̱-mo̱ 9:21

Myet bo̱n ye̱ ho̱gu̱ wu̱ à, ye̱ bo̱pu̱ nu-se u̱n ye̱. Ye̱ ze̱e̱ru̱, “Ashi, ¿wu̱ wu̱ ka hoome̱ hun-ne̱ komo wu̱ caas yan-no̱m u̱s-ko̱n u̱n ka jin-de o-Urusharima á? ¿Wu̱ u̱n nekne̱ kane̱ ka u̱n sakto̱-o̱ u̱n heet-mo̱ u̱n ye̱ be-de u̱n Gwo̱mo-ne̱ ye̱ u̱n ko̱n-se Shir a ke'et ye̱ á?”

Se̱nge̱-mo̱ 9:32

Bo̱ Bitrus do̱ro̱kte̱ u̱t-dak kap à, komo wu̱ haaru̱ be-de u̱n ka yan-dor Ye̱so ye̱, ye̱ ro u̱r-she'et u̱n bo̱-o̱ o-Ridda à.

Se̱nge̱-mo̱ 9:41

Bitrus tebbu̱ wu̱ o-kom wu̱ guuru̱ wu̱, wu̱ inu̱te̱. Wu̱ agbu̱ yan-dor Ye̱so, u̱n ne'a-ne̱ ye̱ campo̱ u̱n ye̱ ne̱ merme̱ ne̱ à, wu̱ tebbu̱ ye̱ Tabita u̱n ho̱o̱g ne̱.

Roma-ne̱ 1:7

Ka taku̱rda-o̱, o̱ ma no̱ o̱ myet yan-dor-ye̱ ro̱ u̱n bo̱-o̱ o-Roma à: Shir waste̱ u̱n no̱ ne̱. Wu̱ degsu̱ no̱, no̱ waragte̱ hun-ne̱ ye̱ u̱n wu̱. Me̱ u̱s-ko̱n Shir Tato na u̱n Ye̱so Kiristi, Wan-Ko̱yan na wu̱ 'ye no̱ gwu̱gwu̱-mo̱ u̱r-hur u̱n yar-mo̱ u̱n wu̱ ne̱.

Roma-ne̱ 15:31

Ko̱n no̱ bo̱ u̱m he m-posse̱ u̱n kom-to̱ u̱n ye̱ yage̱ go̱ks u̱n Ye̱so à, ye̱ ro̱ u̱n dak-o̱ o-Judiya. No̱ kon komo bo̱ gwu̱-o̱ u̱m he m-heet o-Urusharima à, he m-warag rii-yo m-go̱ks be-de u̱n yan-dor Ye̱so, ye̱ ro̱ u̱n ka be-de à.

Roma-ne̱ 16:15

Gas no̱ Pikorogus, u̱n Juriya ne̱ ne'a, u̱n Niriyus ne̱ u̱n heno u̱n wu̱ ne̱ wan-ne'a, u̱n Orimpas ne̱ u̱n myet o̱ u̱n ye̱ go̱kse̱ Ye̱so ne̱ ye̱ ro̱ kane̱ à.

Roma-ne̱ 16:2

Go̱ks no̱ wu̱ u̱n jin-u̱r Wan-Ko̱yan, bo̱ depe̱ a go̱ks hun-ne̱ ye̱ Shir à. No̱ 'ye wu̱ myet gwu̱-o̱ wu̱ ho̱be̱ be-u̱r no̱ à, remen wu̱ u̱n hi u̱n de u̱n wu̱, wu̱ guug hun-ne̱ de̱e̱n myet u̱n me̱ ne̱.

1 Korinti-ne̱ 1:2

Te̱ no̱ m-gas hun-ne̱ yan-dor-o̱ u̱n Shir ye̱ ro̱ o-Korinti à. Shir ak no̱ hun-ne̱ ye̱ u̱n wu̱ ye̱ ba m-ku̱ko̱p. Wu̱ u̱n muut no̱ ba m-ku̱ko̱p u̱n bu̱-o Ye̱so Kiristi, mo̱sse̱ u̱n hun-ne̱ ye̱ u̱n ko̱ ke so̱ ne̱ bo̱ u̱n ye̱ ro̱ u̱s-eeg u̱n jin-u̱r Ye̱so Kiristi Wan-Ko̱yan à. Wan-Ko̱yan wu̱ u̱n ye̱ wu̱, Wan-Ko̱yan na wu̱ komo.

1 Korinti-ne̱ 14:33

O̱ ka nip-o̱ remen Shir na ba Shir o̱ u̱n durumse̱ u̱n na wu̱ á, amba wu̱ ko-yan-m-gwu̱gwu̱-wu̱. Kaane̱ to̱ ro̱ komo be-de u̱n kap o̱ u̱n hun-ne̱ yan-dor.

1 Korinti-ne̱ 16:1

M-mo̱ka, ma-to̱ u̱n ka hwo̱r-ye̱ a karakse̱, remen yan-dor ye̱ o-Urusharima à. Do̱ru̱ no̱ co̱w-o o-gaan bo̱ u̱m zee yan-dor ye̱ u̱n dak-o̱ o-Garatiya ye̱ nom à.

1 Korinti-ne̱ 6:5

Me̱ u̱n rwo̱r to̱ kaane̱ remen no̱ ho̱gu̱te̱ m-'e̱. ¿M-mo̱ka ko̱ ne̱t wan-gaan wu̱ ro̱ ko̱n o̱ ká be u̱n no̱ ko-ya-u̱s-we̱e̱r wu̱ he no̱ hoks caas u̱r-hoon á?

Apisu-ne̱ 1:1

Me̱ wu̱ Burus, ko-wan-To̱m Ye̱so Kiristi, remen Shir co̱ne̱ kaane̱. Me̱ no̱ m-gene̱ u̱n ka taku̱rda-o̱, no̱ hun-ne̱ ye̱ Shir u̱n bo̱-o̱ o-Apisu, ye̱ ro̱ u̱n do̱re̱ u̱n Ye̱so Kiristi hur-u̱r gaan à.

Piripi-ne̱ 1:1

Me̱, Burus u̱n Timoti ne̱ yan-gu̱w-m Ye̱so Kiristi, ro̱ no̱ m-gas, kap no̱ ye̱ ro̱ n-me̱ u̱n bo̱-o̱ o-Piripi à, ye̱ go̱kse̱ Ye̱so Kiristi à. Komo te̱ m-gas u̱n yan-gu̱t-de u̱n yan-dor Ye̱so, u̱n yan-m-se̱nge̱ ne̱.

Piripi-ne̱ 4:22

Kap yan-dor ye̱ Shir, ye̱ ro̱ u̱n ka bo̱-o̱ à, ye̱ ro̱ no̱ m-gas u̱n ka gu̱w-ne̱ ye̱ ne̱, ye̱ ro̱ u̱n hur-o̱ u̱n ko-Gwo̱mo Sisar à.

Korosiya-ne̱ 1:2

Me̱ no̱ m-to̱mbe̱ u̱n ka taku̱rda-o̱, no̱ hun-ne̱ ye̱ Shir u̱n Kiristi ne̱. Komo o̱r te̱ ne̱ yan-dor u̱n bo̱-o̱ o-Korosiya. Shir mustu̱ no̱ ba m-ku̱ko̱p, komo no̱ ro̱ yan-e̱ss u̱t-ma ye̱ be-de u̱n wu̱. U̱m ko̱no̱g u̱nze Shir o-Tato na wu̱ se̱ngu̱ no̱ m-gu, wu̱ 'ye no̱ m-yar u̱n gwu̱gwu̱-mo̱ u̱r-hur ne̱.

Yahuda-ne̱ 13:24

Gas no̱ myet ya-co no̱ ne̱, komo u̱n kap o̱ hun-ne̱ ye̱ Shir. O̱r na e̱s-mo̱ u̱n dak-o̱ o-Itariya, ye̱ no̱ ro̱ m-gas.

Yahudas 1:3

No̱, ye̱ me̱ m-was u̱n no̱ ne̱ à, u̱m no̱mo̱g u̱r-go̱p u̱m genbu̱tu̱ no̱ ma-to̱ u̱n ka gwu̱-o̱ o̱ mo̱sse̱ na à. Amba u̱m hyanu̱ru̱ depete̱ m-gen u̱m dootu̱ no̱ jaab-o̱ u̱t-me̱n, u̱m gaktu̱ no̱ 'er-de u̱n m-she̱r mo̱ Shir bo̱pse̱ hun-ne̱ ye̱ u̱n wu̱ ye̱ ba m-ku̱ko̱p, so̱ o-gaan cot à. Depete̱ a we̱n hun-ne̱ baramse̱ she̱r-m na.