Se̱nge̱-mo̱ 8:30 - Mɑ‑to̱ Shir Taku̱rda-o swo̱r o-nu pu̱-o̱

³⁰ Pirip bu̱'u̱gu̱ o-rek, wu̱ wo̱o̱ru̱ u̱n he̱r-o̱ u̱n wu̱, wu̱ ho̱gu̱ru̱ wu̱ m-karante̱ u̱n taku̱rda-o Ishaya wan-Rwo̱r u̱n Ma-to̱ Shir. Pirip citu̱ru̱ wu̱, “¿O nepste̱ rii-yo wo̱ m-karante̱?”

Se̱nge̱-mo̱ 8:30 ပူးပေါင်းရင်းမြစ်များ

Matiyos 13:19

Ka go̱'-ye̱ he̱'e̱ne̱ n-riib u̱n co̱w à, ye̱ ro̱ ka ye̱ ho̱ge̱ ma-to̱ u̱n Gwo̱mo-to̱ Shir à amba ye̱ nap to̱ atte̱ ma-to̱ u̱n to̱ á. Ko-Gwo̱mo-wu̱ u̱n ya-u̱t-ko̱t haanu̱ru̱, wu̱ rwo̱o̱'ru̱ to̱-to̱ ke ye̱ u̱n rii-yo ye̱ ho̱ge̱ à.

Matiyos 13:23

Ye̱ he̱'e̱ne̱ u̱n be-de u̱r-bon komo à, ye̱ a hongse̱ u̱n hun-ne̱ ye̱ ho̱ge̱ Ma-to̱ Shir à komo ye̱ bu̱p to̱. Ya ye̱ ro̱ u̱ntu̱n ka po̱t-yo rwu̱u̱te̱ yish o-zungu [100] à. Yo ken komo kwo̱o̱z-u̱t tet [60] Yo ken komo u̱r-kwo̱o̱z u̱n o̱p [30].”

Matiyos 13:51

Ye̱so citu̱ru̱ yan-neke̱-mo̱ u̱n wu̱, “¿No̱ nepste̱ to̱ ka kap?” Ye̱ shasu̱ru̱, ye̱ ze̱e̱ru̱, “E̱e̱, te̱ nepste̱.”

Matiyos 15:10

Ye̱so aagu̱ru̱ bu̱u̱g-de u̱n hun-ne̱, wu̱ ze̱e̱ru̱ ye̱, “Raks no̱, no̱ ho̱ge̱ m-so̱k ne̱.

Matiyos 24:15

“Da-o ro̱o̱n da-o̱ no̱ he m-hyan u̱n rii-yo m-rwu̱k yo ko-yan-Rwo̱r u̱n Ma-to̱ Shir Daneya rwo̱re̱ à, yo ro̱ eso u̱n be-de Pyo-o̱ Shir (Yage̱ ko-ya-m-karante̱ nept.)

Markus 13:14

“Wu̱ karu̱nte̱ ka ma-to̱ à, yage̱ wu̱ nep to̱. ‘No̱a hyen a she̱re̱g yo ken rii-yo Shir yage̱ à, be-de u̱depe̱ a sher yo á.’ Yoa naas Pyo-o̱ Shir. No̱ hun-ne̱ ye̱ ro̱ u̱n dak-o̱ o-Judiya à, no̱ hyene̱ ka rii-yo, no̱ som be-de u̱t-haag.

Yohana 4:34

Ye̱so ze̱e̱ru̱ ye̱, “Rii-yo m-re̱ re yo ka, u̱m nom o-do̱ro̱tte̱ u̱n ma-to̱ u̱n wu̱ to̱mnu̱ me̱ à, u̱m komot se̱nge̱-mo̱ wu̱ yasu̱ me̱ à.

Yohana 5:39

No̱ ne̱ komo u̱n m-byarag u̱n Ma-to̱ Shir to̱ a ge̱ne̱ à. No̱ m-hyan sa o zee no̱a kum ho̱o̱g-o̱ ba m-ta kane̱ n-me̱. Ka taku̱rda-to̱ ne̱ to̱ ro̱ me̱ m-su̱'e̱.

Se̱nge̱-mo̱ 8:27

Wu̱ argu̱ m-ine̱ wu̱ neku̱ru̱. Wu̱ hyanu̱ru̱ wu̱ ken ne̱t-wu̱ o-Itiyopiya wu̱. Wu̱ ro u̱n caari-de u̱r-con ne̱ u̱n gwo̱mo-to̱ o-Kandis, wu̱ u̱n dak-o̱ o-Itiyopiya. Wu̱ ro komo wa-u̱r-e̱s u̱n ka Gwo̱mo-to̱. Wu̱ u̱n haan o-Urusharima remen wu̱ se̱ke̱msu̱té̱ Shir.

Se̱nge̱-mo̱ 8:29

Ku̱kt-o ze̱e̱ru̱ Pirip, “Hyogbe̱ o wo yow yow u̱n ka ke̱ke̱-de o-jo̱k de ne̱.”

Se̱nge̱-mo̱ 8:31

Wu̱ shasu̱ru̱, “Ay, me̱ hoks m-nap á, se̱ me̱ kume̱ wu̱ ru̱ru̱ me̱ à.” Wu̱ ze̱e̱ru̱ Pirip wu̱ de ke̱ke̱-de u̱n jo̱k wu̱ she'et u̱n he̱r-o̱ u̱n wu̱.

Se̱nge̱-mo̱ 8:5

Pirip neku̱ru̱ bo̱-o̱ o-Samariya, wu̱ ro ye̱ u̱n ko̱'o̱te̱ ma-u̱t Kiristi.

1 Korinti-ne̱ 14:19

Amba be-de u̱n mo̱ro̱g-de u̱n hun-ne̱ yan-dor, u̱m jiishte̱ m-co̱n u̱m ru̱r gom-u̱t taan-to̱ hun-ne̱ nape̱ à to̱ he ye̱ m-gu à, o̱tte̱ u̱m ru̱r u̱t-gom dugu-u̱s o̱p [10,000] u̱n rem-u̱r ho̱r-de à.

Apisu-ne̱ 5:17

Remen kaane̱ no̱ jar no̱ warag raag-ne̱ á, amba no̱m no̱ bo̱ u̱n no̱m-m no̱, no̱ nept rii-yo Wan-Ko̱yan co̱ne̱ no̱ no̱m à, komo no̱ no̱m yo.

U̱t-Hyangan 13:18

Ká rii-yo depete̱ ne̱t ceker u̱r-bon ne̱ remen wu̱ nept ma-to̱ u̱n ka napa-o̱. U̱m ze̱e̱g kaane̱ remen ka o̱o̱g-de de ro̱ o̱o̱g-de ma-hun. Ka o̱o̱g-de u̱n ka nem-yo de ro̱ zungu-u̱s cind u̱n kwo̱o̱z-u̱t tet u̱s-cind [666].