Se̱nge̱-mo̱ 8:12 - Mɑ‑to̱ Shir Taku̱rda-o swo̱r o-nu pu̱-o̱

¹² Amba bo̱ ye̱ dekte̱ ka Ma-to̱ m-Re̱re̱m to̱ Pirip no̱me̱ to̱ u̱n gwo̱mo-to̱ Shir à, komo u̱n jin-u̱r Ye̱so Kiristi ne̱, kap mo̱ u̱n ye̱ a yo'osu̱ru̱ ye̱ m-ho̱, ne'a-ne̱ u̱n campo̱-ne̱ ne̱.

Se̱nge̱-mo̱ 8:12 ပူးပေါင်းရင်းမြစ်များ

Matiyos 28:19

Remen kaane̱, neke̱ no̱, no̱ muut hun-ne̱ ye̱ u̱n ho̱no o-dak kap yan-neke̱-m re. No̱ yo'os ye̱ m-ho̱ u̱n jin-de o-Tato, u̱n de u̱n Wà ne̱, u̱n de u̱n Ku̱kt-o̱ Shir ne̱.

Ruka 9:2

Ka da-de wu̱ to̱mu̱ru̱ ye̱, ye̱ ru̱r ma-to̱ u̱n gwo̱mo-to̱ Shir komo ye̱ taas u̱s-go̱m.

Ruka 9:60

Ye̱so shasu̱ru̱ wu̱, “Yage̱ margan-ne̱ ju̱kt u-de u̱n ye̱. Wo̱ ha, o ko̱'o̱t gwo̱mo-to̱ Shir.”

Se̱nge̱-mo̱ 1:3

Bo̱ wu̱ su̱u̱te̱ u̱r-ko̱o̱b, wu̱ meret n-to̱n o-kan à, wu̱ rwu̱u̱nu̱ru̱ u̱n ho̱o̱g ne̱ be-de u̱n ye̱. Wu̱ no̱mo̱g u̱t-ho̱ kwo̱o̱z-u̱t yoor [40], wu̱ kutu̱ ye̱ u̱s-rem go̱-u̱s-go̱ u̱nze ma-to̱ u̱n ine̱-mo̱ u̱n wu̱ nip-o̱. Wu̱ ro m-rwo̱r u̱n ma-to̱ u̱n Gwo̱mo-to̱ Shir.

Se̱nge̱-mo̱ 11:20

Amba ye̱ ken yan-dor Ye̱so ye̱ ro kon so̱ o-Sayipurus, o-Kire̱ni ne̱, ye̱ neke̱ bo̱-o̱ o-Antakiya ye̱ nomote̱ ye̱ ro̱ Yahuda-ne̱ á u̱t-ma, ye̱ ro ye̱ u̱n nome̱ u̱n Ma-to̱ m-Re̱re̱m to̱ ma Ye̱so Wan-Ko̱yan.

Se̱nge̱-mo̱ 18:8

Kiribus, wu̱ ro wan-co-o̱ u̱n ka mo̱ro̱g-de à, she̱ru̱ru̱ be-u̱r Wan-Ko̱yan, wu̱ u̱n hun-ne̱ ye̱ u̱n hur-o̱ u̱n wu̱ ne̱ kap. Ye̱ ken Korinti-ne̱ ye̱ komo de̱e̱n ye̱ ho̱ge̱ ma-u̱t Burus à, ye̱ she̱ru̱ru̱ u̱n to̱, a yo'osu̱ ye̱ m-ho̱.

Se̱nge̱-mo̱ 19:5

Bo̱ m-ho̱ge̱ kaane̱, a argu̱ ye̱ m-yo'os m-ho̱ n-me̱ u̱n jin-u̱r Wan-Ko̱yan Ye̱so.

Se̱nge̱-mo̱ 2:38

Bitrus ze̱e̱ru̱ ye̱, “Waktu̱n no̱ be-de Shir, a yo'os no̱ m-ho̱ n-me̱ u̱n jin-u̱r Ye̱so Kiristi remen a soksu̱tú̱ no̱ ba'as-u̱t no̱. No̱a kum yar-mo̱ u̱n Ku̱kt-o̱ Shir.

Se̱nge̱-mo̱ 2:41

Ye̱ de̱ke̱ ma-u̱t Bitrus à, a yo'osu̱ru̱ ye̱ m-ho̱. U̱n ka ho̱-de komo ye̱ do̱o̱ru̱ u̱t-mo̱o̱r be-de u̱n hun-ne̱ dugu-u̱s tet [3,000].

Se̱nge̱-mo̱ 20:21

U̱m nak Yahuda-ne̱ u̱n ye̱ ro̱ Yahuda-ne̱ á u̱t-to̱ kap ma-to̱ m-waktu̱ne̱ be-de Shir, komo ye̱ m-she̱r o-nip be-u̱r Wan-Ko̱yan na Ye̱so.

Se̱nge̱-mo̱ 20:25

“To̱, m-mo̱ka u̱m nepste̱ myet-m no̱ no̱a do me̱ m-hyan á, no̱ ye̱ u̱m pa'e̱ hur-u̱t no̱ me̱ no̱ m-ru̱re̱ Ma-to̱ m-Re̱re̱m to̱ u̱n Gwo̱mo-to̱ Shir à.

Se̱nge̱-mo̱ 28:31

Yanze a we̱n wu̱ m-ko̱'o̱t á, wu̱ se̱ngu̱ru̱ ko̱'o̱t u̱n Gwo̱mo-to̱ Shir. Wu̱ ro̱ u̱r-yoos mo̱sse̱ u̱n Wan-Ko̱yan ne̱ Ye̱so Kiristi ba o-gye̱r.

Se̱nge̱-mo̱ 5:14

Myet u̱n kaane̱ ne̱, ya-m-she̱r o-nip be-de u̱n Wan-Ko̱yan ye̱ se̱ngu̱ m-do̱ u̱t-mo̱o̱r, campo̱-ne̱ u̱n ne'a-ne̱ ne̱.

Se̱nge̱-mo̱ 8:4

Ka yan-dor Ye̱so ye̱ a cakarse̱ à, se̱ngu̱ru̱ m-pa, ye̱ ro u̱n se̱nge̱-mo̱ u̱n ko̱'o̱t u̱n Ma-to̱ m-Re̱re̱m ko̱ kene̱ ye̱ ha'e̱.

Roma-ne̱ 10:10

Nip-o̱ ka ma-to̱ remen n-te̱ u̱r-hur ne̱t ro̱ m-she̱r wu̱ waragté̱ ba u̱r-ba'as be-de Shir, komo o-nu ne̱t ro̱ m-ce̱p u̱nze Ye̱so wu̱ ro̱ Wan-Ko̱yan wu̱ kumut gwu̱.

1 Korinti-ne̱ 11:11

Myet u̱n kaane̱ ne̱, n-me̱ u̱n Wan-Ko̱yan, ne'a ba pegesse̱ wu̱ ro̱ be-de u̱n campo̱ á. Kaane̱ komo, campo̱ ba pegesse̱ wu̱ ro̱ be-de u̱n ne'a á.

Garatiya-ne̱ 3:28

Remen kaane̱ koos-m ro̱ ko̱n á be-de u̱n Yahuda-ne̱ u̱n ye̱ ro̱ Yahuda-ne̱ ne̱ á. Komo koos-m mo̱ kus be-de ye̱ ro̱ u̱r-mat u̱n gu̱w-ne̱ ne̱ á, ko̱ be-de u̱n ne'a-ne̱ u̱n campo̱-ne̱ ne̱. Kap gaan no̱ ro̱ be-de u̱n mo̱sse̱ u̱r-hi u̱n Kiristi Ye̱so.

1 Bitrus 3:21

Ka ho̱-mo̱ napa-o̱ u̱n bo̱ a yo'osu̱ no̱ m-ho̱ mo̱ gu no̱ m-mo̱ka à. Komo ba dos u̱t-ri'in to̱ o-wu̱r cot á, amba u̱n waktu̱ne̱ ne̱ mo̱ Shir u̱n hur-u̱r gaan. Shir guug no̱ u̱n bu̱-yo u̱n ine̱-m Ye̱so Kiristi.