Se̱nge̱-mo̱ 5:5 - Mɑ‑to̱ Shir Taku̱rda-o swo̱r o-nu pu̱-o̱

⁵ Bo̱ u̱n ho̱ge̱ u̱n ka ma-to̱, Hananiya he̱e̱ru̱ n-dak, wu̱ maru̱ru̱. Hun-ne̱ ye̱ ho̱ge̱ ka ma-to̱ à, gye̱r-o ho̱o̱ru̱ ye̱ de̱e̱n.

Se̱nge̱-mo̱ 5:5 ပူးပေါင်းရင်းမြစ်များ

Se̱nge̱-mo̱ 13:11

M-mo̱ka ha, ryaab-se u̱n Wan-Ko̱yan ro̱ u̱n hi u̱n du, wo̱a warag ko-po̱. A dek ya o-da, ba wo̱ u̱n hyan cu̱cas-mo̱ u̱r-ho̱.” Da-o gaan, o̱ ken rar-o̱ o-comb ne̱ biti yish-ye̱ u̱n wu̱. Wu̱ se̱ngu̱ u̱t-tagab wu̱ u̱n hoob-o̱ u̱n wu̱ he wu̱ m-nak à.

Se̱nge̱-mo̱ 2:43

Ko̱ wu̱ ke bo̱pu̱ru̱ o-nu, remen Shir ro̱ u̱n no̱m u̱n rem-se o-made̱ u̱s-napa ne̱ de̱e̱n be-de u̱n yan-To̱m Ye̱so.

Se̱nge̱-mo̱ 5:13

Amba n-me̱ gyes-o̱ u̱n hun-ne̱, yatt-wu̱ no̱me̱ jaab-o̱ u̱t-me̱n o̱ wu̱ mossu̱te̱ u̱r-hi u̱n yan-dor Ye̱so ne̱ á. Myet u̱n kaane̱ ne̱, komo hun-ne̱ ro ye̱ u̱n 'ya m-se̱k.

1 Korinti-ne̱ 4:21

To̱, ¿ya no̱ hu̱sse̱ u̱m nomo no̱ da-o̱ me̱ wo̱be̱, u̱m negbe̱ o-so̱ro̱g ne̱ ko̱ de̱ u̱m kutu no̱ u̱t-co̱n u̱n gwu̱gwe̱r-mo̱ u̱r-hi ne̱?

2 Korinti-ne̱ 13:10

O̱ hante̱ u̱m gendu̱te̱ no̱ se ka rem-se cin me̱ be-u̱r no̱ á. Me̱ no̱m kaane̱ remen da-o̱ me̱ habe̱, taase u̱m kutu no̱ ryaab-u̱s re, u̱n gwo̱mo-to̱ Wan-Ko̱yan ya'u̱ me̱ à. To̱ m-'yonsté̱ no̱ to̱ ba to̱ m-kaps á.

2 Korinti-ne̱ 13:2

U̱m be'este̱, u̱m nekste̱ no̱ u̱t-to̱ da-o̱ u̱m ro be-u̱r no̱ habe̱-m ayoore̱-mo̱ à. U̱m doog no̱ nake̱ u̱t-to̱ m-mo̱ka me̱ be-u̱r no̱ á: Da-o̱ me̱ mu̱u̱be̱ man kuse̱ ka ye̱ no̱me̱ u̱r-ba'as n-ga á ko̱ ye̱ ken ye̱.

2 Korinti-ne̱ 7:11

Gwo̱t no̱ no̱ hyen rii-yo naase̱-mo̱ u̱t-me̱n go̱n mo̱ Shir mo̱ wu̱ rwo̱'e̱ u̱n me̱n-u̱t no̱ à, yo mo̱ haantu̱ no̱ à. Mo̱ rwo̱'o̱g no̱ go̱p-de u̱n nom u̱n rii-yo a co̱ne̱ no̱ nom à. No̱ co̱no̱g me̱ m-kute̱ u̱nze no̱ no̱mo̱g rii-yo u̱r-bon. Mo̱ rwo̱'o̱g no̱ nom u̱s-ryaab, komo no̱ ho̱ge̱ o-gye̱r. Mo̱ rwo̱'o̱g no̱ rwo̱ u̱r-hur, komo no̱ nom m-se̱nge̱. Mo̱ rwo̱'o̱g no̱ m-zo̱nge̱. Mo̱ rwo̱'o̱g no̱ m-she'et zo̱ngse̱ no̱ hyen a ya'ag no̱ ko̱o̱b-de rege̱ á. N-me̱ u̱n ka orom-to̱ n-me̱ u̱n ko̱ yo ke co̱w-yo no̱ kutute̱ me̱ u̱nze no̱ m-neke̱ u̱n co̱w-yo u̱r-bon.

U̱t-Hyangan 11:13

A kane̱ u̱n ka da-o̱, a nomu̱ru̱ mo̱ ken caari-mo̱ u̱n nukte̱-mo̱ o-dak mo̱, bu̱u̱g-u̱r gaan be-de u̱n bu̱u̱g-u̱t o̱p to̱ u̱n ka bo̱-o̱ wurmu̱ru̱. O̱ ho̱o̱ru̱ hun-ne̱ dugu-u̱s ta'yoor [7,000]. Hun-ne̱ ye̱ kuse̱ à ye̱ ho̱gu̱ru̱ o-gye̱r de̱e̱n, ye̱ se̱ke̱msu̱ru̱ Shir-wu̱ n-To̱n.

U̱t-Hyangan 11:5

U̱rege̱ wu̱ ken wu̱ ro̱ m-se̱nge̱ wu̱ ho̱gu̱ssu̱té̱ ye̱ m-hoog, ra-o a rwu̱u̱n u̱n nu-se u̱n ye̱ o̱ tu̱ks yan-yage̱-to̱ u̱n ye̱. U̱n kaane̱, kap o̱ u̱n yan-yage̱-to̱ u̱n ye̱ he m-merme̱.