Se̱nge̱-mo̱ 5:39 - Mɑ‑to̱ Shir Taku̱rda-o swo̱r o-nu pu̱-o̱

³⁹ Amba u̱rege̱ ka se̱nge̱-mo̱ mo̱ Shir mo̱, no̱a hoks mo̱, ka hun-ne̱ ye̱ m-we̱n á. A 'wo̱s na hi u̱n na u̱t-ween u̱n Shir ne̱ á!” Ye̱ argu̱ de̱k u̱n ma-to̱ u̱n wu̱.

Se̱nge̱-mo̱ 5:39 ပူးပေါင်းရင်းမြစ်များ

Matiyos 16:18

M-mo̱ka u̱m ze̱e̱g wo̱ u̱nze wo̱ ro̱ Bitrus, komo n-to̱n u̱n ka ta'ar-o̱ u̱m he man yan-dor re, komo mo̱ ken mar-mo̱ ro̱tt u̱t-gwo̱mo be-de u̱n ye̱ á.

Ruka 21:15

Remen man 'ye no̱ u̱t-gom, u̱s-we̱e̱r ne̱, bo̱ yan-yage̱-u̱t no̱ a hoks no̱ u̱n wakse̱ u̱n yo no̱ zee á.

Se̱nge̱-mo̱ 11:17

To̱, u̱rege̱ Shir ya'ag ye̱ m-yar hond hond u̱n mo̱ ma na ne̱, da-de a she̱re̱ u̱n Wan-Ko̱yan Ye̱so Kiristi, me̱ bo'os u̱m we̱n Shir á!”

Se̱nge̱-mo̱ 23:9

Caari-to̱ u̱t-ween argu̱ m-ine̱. Ye̱ ken yan-Yoos-de o-karamsa ye̱ u̱n bu̱u̱g-de u̱n Parisa-ne̱ inu̱ru̱ eso, ye̱ se̱ngu̱ u̱t-ween. Ye̱ ze̱e̱ru̱, “Te̱ te̱ bo̱p ka ne̱t-wu̱ u̱n ba'as-de u̱n rii á. O̱ ken da-o̱ o̱ ken ku̱kt-o̱, ko̱ wan-to̱m-wu̱ Shir wu̱ nomo wu̱ u̱t-ma.”

Se̱nge̱-mo̱ 6:10

Amba, ye̱ bo'os u̱t-ween u̱n wu̱ ne̱ á, remen ma-to̱ u̱n wu̱ to̱ u̱s-nap to̱, Ku̱kt-o̱ Shir ciriru̱ u̱n hi-de u̱n wu̱.

Se̱nge̱-mo̱ 7:51

“No̱ ya-o-cimi, yan-hur-u̱r hwo̱'o̱g-de, yan-to̱-to̱ u̱n caar. U̱r-ho̱ bi, no̱ u̱n yage̱ o-do̱ro̱tte̱ u̱n Ku̱kt-o̱ Shir, bo̱ tato no̱ ne̱ no̱me̱ à, ka no̱ m-no̱m u̱n ce no̱.

Se̱nge̱-mo̱ 9:5

Shawuru ze̱e̱ru̱, “¿Wan wu̱ ne̱ o ro̱ Wa-u̱t-Go̱s?” Co̱r-o shasu̱ru̱ o̱ zee, “Me̱ ro̱ Ye̱so ka wu̱ wo̱ m-rangse̱ à.

1 Korinti-ne̱ 1:25

Ye̱ ken hun-ne̱ ye̱ ro̱ m-ze̱e̱ yo Shir nome̱ à da-o̱ wu̱ yage̱ Ye̱so meret n-to̱n o-kan à raag-mo̱. Amba yo Shir nome̱ à aragte̱ nap-se u̱n ne̱t. Komo yo a m-hyan sa o zee kende̱-de be-de Shir à, aragte̱ kap 'wo̱ns-mo̱ u̱n ne̱t.

1 Korinti-ne̱ 10:22

¿Ko̱ de̱ su̱gu̱m-yo atte̱ Wan-Ko̱yan Wu̱ ho̱gu̱te̱ u̱r-shoob bo̱ Isra-ne̱ no̱me̱? ¿A u̱n arag wu̱ m-'wo̱ns o̱?