Se̱nge̱-mo̱ 5:21 - Mɑ‑to̱ Shir Taku̱rda-o swo̱r o-nu pu̱-o̱

²¹ Bo̱ ye̱ ho̱gu̱te̱ kaane̱ à, ye̱ co̱wu̱ru̱ Pyo-o̱ Shir n-sot, ye̱ ro̱ m-yoose̱ u̱n hun-ne̱. Bo̱ ko-Gwo̱mo-wu̱ u̱n ko̱n-se Shir u̱n ye̱ ro̱ be-u̱r gaan u̱n wu̱ ne̱ mo̱rgu̱te̱ à, ye̱ agnu̱ru̱ Mo̱ro̱g-de u̱n Se̱k-ye̱, u̱n kap o̱ u̱n se̱k-ye̱ ye̱ o-Isra-ne̱, ye̱ to̱mu̱ru̱ u̱n kur-o̱ m-ke'et a haante̱ yan-To̱m Ye̱so.

Se̱nge̱-mo̱ 5:21 ပူးပေါင်းရင်းမြစ်များ

Matiyos 5:22

Amba me̱ no̱ m-ru̱re̱, wu̱ ro̱ u̱s-ryaab u̱n o̱r u̱n wu̱ ne̱ à, Shir a nom u̱s-ryaab u̱n wu̱ ne̱ komo a piishe̱ wu̱ u̱t-ma. Komo bo̱ u̱n wu̱ no̱me̱ u̱s-ryaab u̱n o̱r u̱n wu̱ ne̱ à, har wu̱ ce'e̱ wu̱ jin-u̱r yo̱-de a he'et wu̱ be-de m-piish u̱t-ma to̱ se̱k-ye̱ u̱n Shir. Komo wo̱ kute̱ o̱r ru u̱t-yage̱ har o zee wu̱ ko-raag! To̱, o bu̱pse̱ o̱ ka co̱w-yo u̱n den-o̱ o-ra!”

Ruka 22:66

Bo̱ ish geste̱ à, se̱k-ye̱, u̱n Gwo̱mo-ne̱ ye̱ u̱n ko̱n-se Shir ne̱, u̱n yan-Yoos-de o-karamsa ne̱ mo̱rgu̱ru̱ be-u̱r gaan, komo a hantu̱ru̱ Ye̱so be-de u̱n ka Mo̱ro̱g-de u̱n Se̱k-ye̱ de.

Yohana 18:35

Biratus shasu̱ru̱ wu̱, “¿Ap, me̱ ko-Yahuda-wu̱ o̱? Ai, hun-ne̱ ru u̱n Gwo̱mo-ne̱ ye̱ u̱n ko̱n-se Shir ne̱ ye̱ hante̱ wo̱ be u̱n de. ¿Ya o no̱m?”

Yohana 8:2

N-sot n-sot wu̱ dooru̱ m-co̱w u̱n Pyo-o̱ Shir. Kap mo̱o̱r-to̱ u̱n hun-ne̱ haanu̱ru̱ be-de u̱n wu̱. Wu̱ she'etu̱ru̱, wu̱ ciru̱ ye̱ m-yoose̱.

Se̱nge̱-mo̱ 22:15

Remen wo̱a wakte̱ wan-su̱'e̱ u̱n wu̱ be-de u̱n hun-ne̱ u̱n kap mo̱sse̱ u̱n rii-yo o hyane̱ ne̱ à, komo u̱n yo o ho̱ge̱ ne̱ à.

Se̱nge̱-mo̱ 22:5

Har ma ko-Gwo̱mo-wu̱ u̱n ko̱n-se Shir ma u̱n kap o̱ u̱n Mo̱ro̱g-de u̱n Se̱k-ye̱ ne̱, ye̱a hoks me̱ m-su̱'e̱. Be-de u̱n ye̱ u̱m go̱kse̱ u̱t-taku̱rda haan-mo̱ u̱n o̱r na ne̱ Yahuda-ne̱ n-me̱ bo̱-o̱ o-Damaskus. Me̱ m-ha u̱n ka be-de remen u̱m shipt yan-do̱re̱ u̱n ka co̱w-yo ye̱ ro̱ re̱e̱no̱ à, u̱m hantu̱tu̱ ye̱ o-Urusharima remen a piishité̱ ye̱ u̱t-ma, a 'ye ye̱ u̱r-ko̱o̱b.

Se̱nge̱-mo̱ 5:17

Ko-Gwo̱mo-wu̱ u̱n ko̱n-se Shir u̱n ka ye̱ wu̱ ro̱tte̱ ne̱ be-u̱r gaan à, (a ye̱ m-ze̱e̱, bu̱u̱g-de u̱n Saduki-ne̱), ye̱ shiiru̱ u̱n shoob-de u̱n yan-To̱m Ye̱so de̱e̱n.

Se̱nge̱-mo̱ 5:27

Bo̱ ye̱ de̱ke̱nte̱ yan-To̱m Ye̱so à, ye̱ rwo̱'u̱ ye̱ m-e̱s u̱n co-o̱ u̱n Mo̱ro̱g-de u̱n Se̱k-ye̱. Ko-Gwo̱mo-wu̱ u̱n ko̱n-se Shir citu̱ru̱ ye̱.

Se̱nge̱-mo̱ 5:34

Amba wu̱ ken ko-Parisa-wu̱ ro kon. Jin-de u̱n wu̱ Gamariyer. Wan-Yoos-de o-karamsa, ho̱n u̱n hun-ne̱ ye̱ ro wu̱ u̱n ya'as m-se̱k. Wu̱ inu̱ eso n-me̱ u̱n ka Mo̱ro̱g-de u̱n Se̱k-ye̱ de, wu̱ ze̱e̱ru̱ a ruut ka hun-ne̱ ye̱ n-do̱ u̱n ya o-da hiin.

Se̱nge̱-mo̱ 5:41

Yan-To̱m Ye̱so inu̱ru̱ u̱n ka Mo̱ro̱g-de u̱n Se̱k-ye̱ de, ye̱ ro̱ o-zak remen a hyanag ye̱, ye̱ bo̱'o̱se̱ ye̱ dek o-yo'og u̱n remen u̱n jin-u̱r Ye̱so.