Se̱nge̱-mo̱ 26:10 - Mɑ‑to̱ Shir Taku̱rda-o swo̱r o-nu pu̱-o̱

¹⁰ Rii-yo u̱m no̱me̱ o-Urusharima à yo ka. Har Gwo̱mo-ne̱ ye̱ u̱n ko̱n-se Shir pye me̱ u̱r-ke̱e̱r remen u̱m ke'et yan-ba-m-ku̱ko̱p u̱t-mo̱o̱r ne̱. Har ma da-o̱ a ro ye̱ m-hom à, me̱ u̱n so̱ro̱g-o̱ u̱n kaane̱.

Se̱nge̱-mo̱ 26:10 ပူးပေါင်းရင်းမြစ်များ

Se̱nge̱-mo̱ 7:58

Ye̱ ruutu̱ wu̱ so̱ n-jim de o-bo̱. Ye̱ se̱ngu̱ wu̱ u̱s-jor u̱t-ta'ar. Ya-u̱s-to̱r komo ye̱ e̱ssu̱ matuku-to̱ u̱n ye̱ be-de u̱n wu̱ ken ko-be̱e̱b-wu̱, jin-de u̱n wu̱ Shawuru.

Se̱nge̱-mo̱ 8:1

Shawuru komo wu̱ shesu̱ ka ye̱ ho̱'e̱ Istipanus à. U̱n ka ho̱-to̱, a ro u̱n rangse̱ u̱n yan-dor Ye̱so ye̱ ro o-Urusharima à u̱r-ko̱o̱b. Ye̱ argu̱ m-caage̱ so̱ u̱n dak-to̱ o-Judiya u̱n o̱ o-Samariya ne̱, yan-To̱m Ye̱so kuse̱ cot.

Se̱nge̱-mo̱ 8:3

Amba Shawuru se̱ngu̱ rangse̱ u̱n hun-ne̱ yan-dor Ye̱so ba m-so̱k. Wu̱ ro m-co̱w u̱t-hur, wu̱ ro̱ u̱n ship u̱n campo̱-ne̱ u̱n ne'a-ne̱ ne̱, wu̱ ro ye̱ m-ka u̱n kur-to̱ m-ke'et.

Se̱nge̱-mo̱ 9:21

Myet bo̱n ye̱ ho̱gu̱ wu̱ à, ye̱ bo̱pu̱ nu-se u̱n ye̱. Ye̱ ze̱e̱ru̱, “Ashi, ¿wu̱ wu̱ ka hoome̱ hun-ne̱ komo wu̱ caas yan-no̱m u̱s-ko̱n u̱n ka jin-de o-Urusharima á? ¿Wu̱ u̱n nekne̱ kane̱ ka u̱n sakto̱-o̱ u̱n heet-mo̱ u̱n ye̱ be-de u̱n Gwo̱mo-ne̱ ye̱ u̱n ko̱n-se Shir a ke'et ye̱ á?”

Se̱nge̱-mo̱ 9:26

Bo̱ Shawuru wo̱o̱nte̱ o-Urusharima à, wu̱ ma'asu̱ru̱ m-se̱nge̱ wu̱ cu̱wu̱t n-me̱ u̱n mo̱rge̱-de u̱n yan-dor Ye̱so, amba kap mo̱ u̱n ye̱ ho̱gu̱ o-gye̱r u̱n remen ye̱ de̱k wu̱ u̱ntu̱n ko-yan-neke̱-m Ye̱so á.

Se̱nge̱-mo̱ 9:32

Bo̱ Bitrus do̱ro̱kte̱ u̱t-dak kap à, komo wu̱ haaru̱ be-de u̱n ka yan-dor Ye̱so ye̱, ye̱ ro u̱r-she'et u̱n bo̱-o̱ o-Ridda à.

Se̱nge̱-mo̱ 9:41

Bitrus tebbu̱ wu̱ o-kom wu̱ guuru̱ wu̱, wu̱ inu̱te̱. Wu̱ agbu̱ yan-dor Ye̱so, u̱n ne'a-ne̱ ye̱ campo̱ u̱n ye̱ ne̱ merme̱ ne̱ à, wu̱ tebbu̱ ye̱ Tabita u̱n ho̱o̱g ne̱.

1 Korinti-ne̱ 15:9

Remen me̱ wu̱ jiishe̱ u̱s-re̱k be-de yan-To̱m Ye̱so, me̱ bo'os ma a eeg me̱ ko-yan-To̱m Ye̱so á, remen u̱m re̱e̱su̱te̱ hun-ne̱ yan-dor o̱ Shir u̱r-ko̱o̱b.

Garatiya-ne̱ 1:13

No̱ ho̱gu̱ssu̱te̱ go̱n she'et-de u̱m she'ette̱ u̱n dor-o̱ u̱n jor-se u̱n Yahuda-ne̱ à, bo̱ u̱m ya'e̱ hun-ne̱ yan-dor Ye̱so u̱r-ko̱o̱b de̱e̱n à, har u̱m no̱mo̱g m-se̱nge̱ u̱m hoot ye̱.

Apisu-ne̱ 1:1

Me̱ wu̱ Burus, ko-wan-To̱m Ye̱so Kiristi, remen Shir co̱ne̱ kaane̱. Me̱ no̱ m-gene̱ u̱n ka taku̱rda-o̱, no̱ hun-ne̱ ye̱ Shir u̱n bo̱-o̱ o-Apisu, ye̱ ro̱ u̱n do̱re̱ u̱n Ye̱so Kiristi hur-u̱r gaan à.

U̱t-Hyangan 17:6

U̱m hyanu̱ru̱ komo ka ne'a-wu̱ m-no̱m sa o zee ke̱-m hooste̱ wu̱. Wu̱ su̱u̱ste̱ hyó-mo̱ u̱n yan-dor Ye̱so. Wu̱ ho̱o̱g ye̱ remen ye̱ ro̱ u̱n to̱r-se u̱n ma-u̱t Ye̱so. Da-o u̱m hyane̱ wu̱ à, u̱m bo̱pu̱ o-nu.