Se̱nge̱-mo̱ 23:6 - Mɑ‑to̱ Shir Taku̱rda-o swo̱r o-nu pu̱-o̱

⁶ Bo̱ Burus nepte̱ u̱nze ye̱ ken ye̱ Saduki-ne̱ ye̱ à, ye̱ ken ye̱ komo Parisa-ne̱ ye̱, wu̱ 'yonsu̱ u̱s-co̱r be-de u̱n Mo̱ro̱g-de u̱n Se̱k-ye̱. Wu̱ zee, “O̱r re ne̱, me̱ ma u̱n cere ko-Parisa-wu̱, wà-wu̱ u̱n Parisa-ne̱. Gwo̱t komo remen u̱m e̱ste̱ u̱r-hur be-de u̱n ine̱-mo̱ u̱n margan-ne̱, o̱ ka rwo̱'e̱ attu̱ me̱ m-piishe̱ u̱t-ma.”

Se̱nge̱-mo̱ 23:6 ပူးပေါင်းရင်းမြစ်များ

Matiyos 10:16

Ye̱so haaru̱ co u̱n nome̱ u̱n yan-To̱m-ye̱ u̱n wu̱ u̱t-ma. Wu̱ zee, “Me̱ no̱ m-to̱m be-de u̱n yan-me̱n-u̱t jaas-to̱ u̱ntu̱n ye̱ge̱-ca n-me̱ ye̱ge̱-dur. Remen kaane̱ no̱m no̱ u̱s-we̱e̱r u̱ntu̱n ye̱ge̱-hwo̱, komo no̱ nom yan-ba-u̱t-naas u̱ntu̱n ye̱ge̱-gorop.

Matiyos 22:23

U̱n ká ho̱-de, ye̱ ken Saduki-ne̱ ye̱ haanu̱ru̱ be-u̱r Ye̱so. (Saduki-ne̱ ye̱ ro̱ m-ze̱e̱ a m-ine̱ a mere̱ á). Ye̱ citu̱ru̱ wu̱ kà cot-o̱.

Matiyos 3:7

Amba bo̱ Yohana hyente̱ Parisa-ne̱ u̱n Saduki-ne̱ de̱e̱n ye̱ ro̱ m-haan remen wu̱ yo'ostú̱ ye̱ m-ho̱ à, wu̱ ze̱e̱ru̱ ye̱, “No̱ m-raab ne̱ u̱ntu̱n yakar-ye̱ u̱n herhyat! ¿Wa ru̱re̱ no̱ ne̱ no̱ som swo̱ u̱r-ko̱o̱b o̱ Shir ro̱a 'ye no̱ à?

Se̱nge̱-mo̱ 22:3

“Me̱ ko-Yahuda-wu̱. Tarsus-o̱ a matu̱ me̱, u̱n dak-o̱ o-Kirikiya, amba u̱n ka bo̱-o̱ o-Urusharima u̱m bo̱'o̱se̱. U̱m yooste̱ m-karante̱ u̱n ku̱s-o Gamariyer, wu̱ yoosu̱ me̱ ko̱yan be-de u̱n ma-to̱ u̱n karamsa-u̱t tat na ne̱. Me̱ m-se̱nge̱ ne̱ be-de u̱n gu̱w-mo̱ Shir, bo̱ no̱ m-no̱m kap-m no̱ caane̱ à.

Se̱nge̱-mo̱ 22:30

Bo̱ ish geste̱ à, go̱s-wu̱ wu̱ u̱n karma-ne̱ co̱nu̱ wu̱ nep u̱rege̱ nip-o̱ gyekt-se Yahuda-ne̱ ro̱ m-hante̱ u̱n Burus à. Wu̱ ussu̱ru̱ wu̱, wu̱ rwo̱'u̱ru̱ Gwo̱mo-ne̱ ye̱ u̱n ko̱n-se Shir u̱n kap Mo̱ro̱g-de u̱n Se̱k-ye̱ ne̱ ye̱ mo̱rge̱. Ka da-de wu̱ deknu̱ Burus, wu̱ ze̱e̱ru̱ Burus wu̱ es u̱n co-o̱ u̱n ye̱.

Se̱nge̱-mo̱ 22:5

Har ma ko-Gwo̱mo-wu̱ u̱n ko̱n-se Shir ma u̱n kap o̱ u̱n Mo̱ro̱g-de u̱n Se̱k-ye̱ ne̱, ye̱a hoks me̱ m-su̱'e̱. Be-de u̱n ye̱ u̱m go̱kse̱ u̱t-taku̱rda haan-mo̱ u̱n o̱r na ne̱ Yahuda-ne̱ n-me̱ bo̱-o̱ o-Damaskus. Me̱ m-ha u̱n ka be-de remen u̱m shipt yan-do̱re̱ u̱n ka co̱w-yo ye̱ ro̱ re̱e̱no̱ à, u̱m hantu̱tu̱ ye̱ o-Urusharima remen a piishité̱ ye̱ u̱t-ma, a 'ye ye̱ u̱r-ko̱o̱b.

Se̱nge̱-mo̱ 23:1

Burus tuuru̱ Mo̱ro̱g-de u̱n Se̱k-ye̱ yish, wu̱ ze̱e̱ru̱, “No̱ o̱r re ne̱, u̱m komoste̱ se̱nge̱-mo̱ Shir yaksu̱ me̱ à komo hur u̱n de kaps me̱ á har de ka ho̱-de.”

Se̱nge̱-mo̱ 23:15

Remen kaane̱ m-mo̱ka, no̱ u̱n Mo̱ro̱g-de u̱n Se̱k-ye̱ ne̱, ze̱e̱ no̱ go̱s-wu̱ wu̱ u̱n karma-ne̱ hantu̱ no̱ wu̱, u̱ntu̱n no̱ u̱n co̱n no̱ do byarag u̱n ma-to̱ u̱n wu̱ m-so̱k ne̱. Te̱ komo zo̱ngse̱ te̱ ro̱ te̱ hoot wu̱ rii-yo wu̱ wo̱o̱nte̱.”

Se̱nge̱-mo̱ 23:20

Wan-campo̱ ze̱e̱ru̱, “Gwo̱mo-ne̱ u̱n Yahuda-ne̱ e̱ste̱ ye̱a kon wo̱, o heet Burus be-de u̱n Mo̱ro̱g-de u̱n Se̱k-ye̱ m-buk, u̱ntu̱n ye̱ u̱n co̱n m-jamas byarag u̱n ma-to̱ u̱n wu̱ m-so̱k ne̱.

Se̱nge̱-mo̱ 23:7

Bo̱ wu̱ ru̱rte̱ kaane̱ à ma-u̱t su̱nu̱ru̱ Parisa-ne̱ u̱n Saduki-ne̱, har mo̱ro̱g-u̱r wongu̱ru̱ be-u̱t yoor.

Se̱nge̱-mo̱ 24:15

Me̱ u̱n ka sakto̱-o̱ ne̱ be-de Shir, bo̱ ka ye̱ ka ye̱ ro̱ m-no̱m à, u̱nze, Shir a 'yons marimar-ne̱, kashi u̱n ye̱ ro̱ kashi ne̱ á.

Se̱nge̱-mo̱ 24:21

Se̱ de̱ remen ka ma-to̱ u̱t-gaan cot to̱ u̱m rwo̱re̱ da-o̱ u̱m ro eso be-de u̱n ye̱ à, to̱ u̱m 'yonste̱ co̱r à u̱m zee, ‘Remen ma-to̱ u̱n ine̱-mo̱ u̱n margan-ne̱ to̱ rwo̱'e̱ attu̱ me̱ u̱n piishe̱ u̱t-ma be u̱n no̱ caane̱.’ ”

Se̱nge̱-mo̱ 28:20

O̱ rwo̱'e̱ u̱m hobt u̱m hyen no̱. U̱m co̱no̱g no̱ nep rii-yo rwo̱'e̱ me̱ u̱n ka be-de ke'o u̱n ka kwo̱m-to̱. Me̱ ka kane̱ remen u̱m de̱k u̱nze Kiristi heesu̱nte̱. Wu̱ ro̱ sakto̱-o na.”

Piripi-ne̱ 3:5

Ho̱-u̱r aeere̱-de u̱n mat-o re, a ko̱o̱g me̱, bo̱ Shir ru̱re̱ ya-n-ga-ye̱ à. Me̱ ko-Isra-wu̱, komo u̱n baag-o Banyamin. Me̱ ko-Ibra wu̱ zak. Me̱ ko-Parisa-wu̱, remen kaane̱, me̱ o-do̱ro̱tte̱ o̱ u̱n karamsa-o te̱, o̱ u̱n Yahuda-ne̱ hond hond.

Korosiya-ne̱ 1:5

M-she̱r m-was ne̱ mo̱ ro̱ m-rwu̱nte̱ dish-o̱ u̱n rii-yo o-kwu̱m yo Shir he no̱ m-bo̱pse̱ yo wu̱ e̱ssu̱ no̱ re̱e̱ n-To̱n shir à. No̱ ho̱gu̱su̱te̱ cin n-ga ne̱ rem-se u̱r-bon se Shir swo̱re̱ o-nu wu̱a nomo no̱ à. No̱ ho̱gu̱su̱te̱ ka rem-se da-o̱ hun-ne̱ habe̱ ye̱ ru̱ru̱ no̱ Ma-to̱ m-Re̱re̱m ma-to̱ o-nip mo̱sse̱ u̱n Kiristi ne̱ à.

Yahuda-ne̱ 6:19

Ka sakto̱-o̱ ya o̱ ro̱ u̱ntu̱n kashi o-hu̱, yo u̱r-be̱e̱b, komo o̱ na m-co̱w n-me̱ u̱r-hur. Sakto̱-o na caate̱ ka gund-o̱ sane̱ de̱pi-o̱ Shir à, har o̱ heet na n-me̱ u̱n be-de jiishe̱ ba m-ku̱ko̱p à.