Se̱nge̱-mo̱ 22:5 - Mɑ‑to̱ Shir Taku̱rda-o swo̱r o-nu pu̱-o̱

⁵ Har ma ko-Gwo̱mo-wu̱ u̱n ko̱n-se Shir ma u̱n kap o̱ u̱n Mo̱ro̱g-de u̱n Se̱k-ye̱ ne̱, ye̱a hoks me̱ m-su̱'e̱. Be-de u̱n ye̱ u̱m go̱kse̱ u̱t-taku̱rda haan-mo̱ u̱n o̱r na ne̱ Yahuda-ne̱ n-me̱ bo̱-o̱ o-Damaskus. Me̱ m-ha u̱n ka be-de remen u̱m shipt yan-do̱re̱ u̱n ka co̱w-yo ye̱ ro̱ re̱e̱no̱ à, u̱m hantu̱tu̱ ye̱ o-Urusharima remen a piishité̱ ye̱ u̱t-ma, a 'ye ye̱ u̱r-ko̱o̱b.

Se̱nge̱-mo̱ 22:5 ပူးပေါင်းရင်းမြစ်များ

Ruka 22:66

Bo̱ ish geste̱ à, se̱k-ye̱, u̱n Gwo̱mo-ne̱ ye̱ u̱n ko̱n-se Shir ne̱, u̱n yan-Yoos-de o-karamsa ne̱ mo̱rgu̱ru̱ be-u̱r gaan, komo a hantu̱ru̱ Ye̱so be-de u̱n ka Mo̱ro̱g-de u̱n Se̱k-ye̱ de.

Se̱nge̱-mo̱ 1:15

U̱n ka da-o̱, yan-dor Ye̱so mo̱rgu̱te̱ (be-de u̱n hun-ne̱ zungu-o gaan u̱r-kwo̱o̱z ne̱ [120]). Bitrus inu̱ru̱ eso, wu̱ zee,

Se̱nge̱-mo̱ 13:26

“No̱ o̱r re ne̱, baag-o Ibrahi, komo u̱n ye̱ ro̱ Yahuda-ne̱ á ‘Wan-se̱ps u̱n Shir’ be u̱n no̱, na ye̱ ha a to̱mne̱ ma-to̱ u̱n ka gwu̱-o̱.

Se̱nge̱-mo̱ 2:29

“O̱r re ne̱ Isra-ne̱, man hoks no̱ nome̱ u̱n ma-u̱t tato na ko-yan-ga'e̱ Dawuda. Dawuda mereste̱, a ju̱ks wu̱, saag-o̱ u̱n wu̱ komo o̱ ro̱ ko̱n be-u̱r na har caane̱.

Se̱nge̱-mo̱ 22:1

Burus ze̱e̱ru̱, “No̱ o̱r re ne̱ u̱n tat-ne̱ ne̱, raks no̱ u̱t-to̱, u̱m ru̱ru̱ no̱ yo no̱me̱ à, remen u̱m kututú̱ no̱ u̱nze me̱tt u̱r-ba'as á.”

Se̱nge̱-mo̱ 23:1

Burus tuuru̱ Mo̱ro̱g-de u̱n Se̱k-ye̱ yish, wu̱ ze̱e̱ru̱, “No̱ o̱r re ne̱, u̱m komoste̱ se̱nge̱-mo̱ Shir yaksu̱ me̱ à komo hur u̱n de kaps me̱ á har de ka ho̱-de.”

Se̱nge̱-mo̱ 23:6

Bo̱ Burus nepte̱ u̱nze ye̱ ken ye̱ Saduki-ne̱ ye̱ à, ye̱ ken ye̱ komo Parisa-ne̱ ye̱, wu̱ 'yonsu̱ u̱s-co̱r be-de u̱n Mo̱ro̱g-de u̱n Se̱k-ye̱. Wu̱ zee, “O̱r re ne̱, me̱ ma u̱n cere ko-Parisa-wu̱, wà-wu̱ u̱n Parisa-ne̱. Gwo̱t komo remen u̱m e̱ste̱ u̱r-hur be-de u̱n ine̱-mo̱ u̱n margan-ne̱, o̱ ka rwo̱'e̱ attu̱ me̱ m-piishe̱ u̱t-ma.”

Se̱nge̱-mo̱ 26:10

Rii-yo u̱m no̱me̱ o-Urusharima à yo ka. Har Gwo̱mo-ne̱ ye̱ u̱n ko̱n-se Shir pye me̱ u̱r-ke̱e̱r remen u̱m ke'et yan-ba-m-ku̱ko̱p u̱t-mo̱o̱r ne̱. Har ma da-o̱ a ro ye̱ m-hom à, me̱ u̱n so̱ro̱g-o̱ u̱n kaane̱.

Se̱nge̱-mo̱ 26:11

O-da de̱e̱n, u̱m do̱ro̱gte̱ komo kap o̱ u̱n kuke̱-to̱ u̱n yoos u̱n Ma-to̱ Shir, me̱ ye̱ u̱n ya-u̱r-ko̱o̱b, me̱ m-se̱nge̱ u̱m ru̱'u̱t ye̱ yo'og jin-u̱r Ye̱so. Me̱ u̱n no̱m kaane̱ remen komo u̱m ro u̱s-ryaab u̱n ye̱ ne̱ de̱e̱n. U̱m se̱ngu̱ ye̱ m-do̱re̱ har ha-mo̱ u̱t-bo̱ to̱ u̱n to̱ ken dak-to̱ u̱m ye'et ye̱ u̱r-ko̱o̱b.”

Se̱nge̱-mo̱ 26:12

“De ken ho̱-de me̱ u̱r-hew ha-mo̱ o-Damaskus, u̱n be̱e̱b-de u̱n Gwo̱mo-ne̱ ye̱ u̱n ko̱n-se Shir, ye̱ ya'asu̱ me̱ o-taku̱rda o̱ ze̱e̱ ye̱ ya'aste̱ me̱ u̱t-gwo̱mo m-hoob yan-dor Ye̱so.

Se̱nge̱-mo̱ 28:17

Bo̱ a rewete̱ ho̱-u̱t tet à, Burus agu̱ se̱k-ye̱ ye̱ u̱n Yahuda-ne̱. Bo̱ ye̱ karaksu̱te̱ à, wu̱ ze̱e̱ru̱ ye̱, “No̱ o̱r re ne̱, ko̱ de̱ nomte̱ me̱ no̱me̱ hun-ne̱ na u̱r-ba'as á, ko̱ u̱r-ba'as mo̱sse̱ u̱n jind-o̱ u̱n tat na ne̱. Myet u̱n kaane̱ ne̱ a shik me̱ o-Urusharima a ya'asu̱ me̱ u̱n kom-to̱ u̱n Roma-ne̱ ye̱ ke'e me̱.

Se̱nge̱-mo̱ 28:21

Ye̱ ze̱e̱ru̱ wu̱, “Te̱ de̱ te̱ kum o̱ ken taku̱rda-o̱ o̱ rwu̱u̱ne̱ so̱ dak-o̱ o-Judiya mo̱sse̱ u̱n ma-u̱t ru ne̱ á. Yatt o̱r na komo wu̱ haane̱ kane̱ wu̱ ru̱r ma-u̱t ru á, ko̱ wu̱ ru̱r ma-to̱ ba u̱r-bon mo̱sse̱ u̱n wo̱ ne̱ á.

Se̱nge̱-mo̱ 3:17

“O̱r re ne̱, u̱m nepste̱ u̱n ko̱o̱b-de u̱s-nap no̱ no̱me̱ to̱ ka, kaane̱ se̱k-ye̱ no̱ no̱me̱.

Se̱nge̱-mo̱ 4:5

Gas-o̱ ish, gwo̱mo-ne̱ u̱n se̱k-ye̱ ne̱ u̱n ye̱ ne̱, u̱n yan-yoos-de u̱n karamsa-to̱ u̱n ye̱ ne̱, ye̱ mo̱rgu̱ru̱ o-Urusharima.

Se̱nge̱-mo̱ 5:21

Bo̱ ye̱ ho̱gu̱te̱ kaane̱ à, ye̱ co̱wu̱ru̱ Pyo-o̱ Shir n-sot, ye̱ ro̱ m-yoose̱ u̱n hun-ne̱. Bo̱ ko-Gwo̱mo-wu̱ u̱n ko̱n-se Shir u̱n ye̱ ro̱ be-u̱r gaan u̱n wu̱ ne̱ mo̱rgu̱te̱ à, ye̱ agnu̱ru̱ Mo̱ro̱g-de u̱n Se̱k-ye̱, u̱n kap o̱ u̱n se̱k-ye̱ ye̱ o-Isra-ne̱, ye̱ to̱mu̱ru̱ u̱n kur-o̱ m-ke'et a haante̱ yan-To̱m Ye̱so.

Se̱nge̱-mo̱ 9:14

Wu̱ ka komo Gwo̱mo-ne̱ ye̱ u̱n ko̱n-se Shir ya'ag wu̱ u̱r-be̱e̱b wu̱ ship u̱n bo̱ u̱n wu̱ ro̱ u̱n no̱m u̱s-ko̱n u̱n jin u̱n du à.”

Garatiya-ne̱ 1:13

No̱ ho̱gu̱ssu̱te̱ go̱n she'et-de u̱m she'ette̱ u̱n dor-o̱ u̱n jor-se u̱n Yahuda-ne̱ à, bo̱ u̱m ya'e̱ hun-ne̱ yan-dor Ye̱so u̱r-ko̱o̱b de̱e̱n à, har u̱m no̱mo̱g m-se̱nge̱ u̱m hoot ye̱.

Piripi-ne̱ 3:6

U̱m ya'ag yan-dor Ye̱so u̱r-ko̱o̱b remen me̱n dor o̱ o-karamsa kom-u̱t yoor. Me̱ m-ze̱e̱ ko̱ ne̱t kashi u̱m ro remen me̱ m-do̱re̱ myet rii-yo karamsa-o ze̱e̱ à. Me̱ ku ko̱ o-gaan á.

1 Timoti 4:14

Baks da-o̱ se̱k-ye̱ u̱n yan-dor ne̱ hwo̱ kom-to̱ u̱n ye̱ to̱ o-kwu̱m be u̱n du ye̱ u̱s-ko̱n à. Bo̱ se̱k-ye̱ no̱me̱ kaane̱ à, Shir ya'ag wo̱ yar-mo̱ o-Ku̱kt remen o nomot se̱nge̱-mo̱ u̱n wu̱. Shir u̱n bu̱-yo u̱n Ku̱kt-o̱ u̱n wu̱ rwo̱'o̱g ye̱ ru̱ru̱tu̱ wo̱ u̱nze wu̱a gu wo̱ u̱n kà se̱nge̱-mo̱. Wo̱ jar o yage̱ ka se̱nge̱-mo̱ Shir ze̱e̱ wu̱a gu wo̱ m-no̱m á.