Se̱nge̱-mo̱ 21:20 - Mɑ‑to̱ Shir Taku̱rda-o swo̱r o-nu pu̱-o̱

²⁰ Bo̱ ye̱ ho̱gu̱te̱ kaane̱ à, ye̱ nomu̱ru̱ Shir u̱r-bo̱ngo̱n. Ye̱ ze̱e̱ru̱ Burus, “To̱, wo̱ o̱r te̱, o hyenu̱ste̱ dugu-se u̱n hun-ne̱ n-me̱ u̱n Yahuda-ne̱ ye̱ she̱re̱ste̱ o-nip, myet-mo̱ u̱n ye̱ ne̱ komo ya-m-se̱nge̱-ye̱ be-de u̱n do̱r-o̱ karamsa-o Mosa.

Se̱nge̱-mo̱ 21:20 ပူးပေါင်းရင်းမြစ်များ

Matiyos 9:8

Bo̱ mo̱ro̱g-de u̱n hun-ne̱ hyente̱ kaane̱ à, ye̱ ho̱gu̱ru̱ o-gye̱r. Ye̱ bo̱mu̱ru̱ Shir, wu̱ ya'e̱ ne̱t go̱n ka gwo̱mo-to̱ à.

Ruka 12:1

Bo̱ hun-ne̱ de̱e̱n mo̱rgu̱te̱ à, har ye̱ ken ye̱ ro̱ m-yawag u̱n ye̱ ken, u̱r-takan Ye̱so ze̱e̱ru̱ yan-neke̱-mo̱ u̱n wu̱, “Tu no̱ Parisa-ne̱ yish remen no̱ hyenet she̱pe̱-o̱ u̱n ye̱. Ye̱ we̱kt m-ze̱e̱ u̱n rii komo ye̱ no̱mu̱ru̱ yo ken yo u̱n ho̱n.

Ruka 15:32

Amba depete̱ a no̱m o-zak o-biki ne̱, remen heno ru ro marag, amba m-mo̱ka wu̱ ro̱ u̱n ho̱o̱g ne̱, wu̱ ro e̱gu̱te̱, amba m-mo̱ka wu̱ mu̱u̱nte̱.’ ”

Yohana 12:24

Me̱ no̱ m-ru̱re̱ o-nip, go̱-yo o-hyo he̱ne̱ n-dak se̱ yo mereste̱, go̱-o gaan-yo ro̱ m-ma'as. Amba da-o̱ yo po̱tne̱, yo matu̱ru̱ de̱e̱n.

Se̱nge̱-mo̱ 11:18

Bo̱ Yahuda-ne̱ yan-dor Ye̱so ho̱gu̱te̱ kaane̱ à, ye̱ taagu̱ bo̱ ye̱ he m-ze̱e̱ à, ye̱ bo̱mu̱ Shir. Ye̱ ma'asu̱ru̱ m-ze̱e̱, “Ashi, har u̱n ye̱ ro̱ Yahuda-ne̱ á, Shir nomsu̱te̱ ye̱ co̱w-yo m-waktu̱ne̱ be-de u̱n wu̱ u̱n yo u̱n kum m-ho̱o̱g ne̱.”

Se̱nge̱-mo̱ 15:1

Ye̱ ken hun-ne̱ ye̱ haanu̱ru̱ komo o-Antakiya rwu̱u̱n-mo̱ dak-o̱ o-Judiya. Ye̱ ro m-yoose̱ u̱n yan-dor Ye̱so, ye̱ m-ze̱e̱, “U̱rege̱ a ko̱ no̱ u̱r-ko̱ bo̱ jind-o Mosa ze̱e̱ á, no̱a hoks kum u̱n gwu̱ á.”

Se̱nge̱-mo̱ 15:24

A kumug m-ho̱ge̱ u̱nze ye̱ ken be u̱n na ye̱ ya'ag no̱ u̱r-ko̱o̱b u̱n ma-to̱ u̱n ye̱. Ye̱ zo̱'o̱gsu̱tu̱ no̱, ko̱ de nomte̱ à a rwo̱ ye̱ m-no̱m kaane̱ á.

Se̱nge̱-mo̱ 15:5

Amba ye̱ ken Parisa-ne̱ ye̱ waragte̱ yan-dor Ye̱so, ye̱ inu̱ eso, ye̱ ze̱e̱ru̱, “Depete̱ ye̱ ro̱ yan-Yahuda-ne̱ á m-do̱re̱ karamsa-o Mosa komo se a ko̱o̱g ye̱.”

Se̱nge̱-mo̱ 2:41

Ye̱ de̱ke̱ ma-u̱t Bitrus à, a yo'osu̱ru̱ ye̱ m-ho̱. U̱n ka ho̱-de komo ye̱ do̱o̱ru̱ u̱t-mo̱o̱r be-de u̱n hun-ne̱ dugu-u̱s tet [3,000].

Se̱nge̱-mo̱ 22:3

“Me̱ ko-Yahuda-wu̱. Tarsus-o̱ a matu̱ me̱, u̱n dak-o̱ o-Kirikiya, amba u̱n ka bo̱-o̱ o-Urusharima u̱m bo̱'o̱se̱. U̱m yooste̱ m-karante̱ u̱n ku̱s-o Gamariyer, wu̱ yoosu̱ me̱ ko̱yan be-de u̱n ma-to̱ u̱n karamsa-u̱t tat na ne̱. Me̱ m-se̱nge̱ ne̱ be-de u̱n gu̱w-mo̱ Shir, bo̱ no̱ m-no̱m kap-m no̱ caane̱ à.

Se̱nge̱-mo̱ 4:21

Bo̱ ye̱ dotte̱ ye̱ nak u̱t-to̱ à, ye̱ argu̱ ye̱ m-ho'os. Ye̱ taagu̱ru̱ bo̱ ye̱ he m-no̱m ye̱ ye'et ye̱ u̱r-ko̱o̱b à, remen kap o̱ u̱n hun-ne̱ ro u̱n se̱ke̱mse̱ u̱n jin-de Shir remen rii-yo ko̱re̱ à.

Se̱nge̱-mo̱ 4:4

Amba hun-ne̱ de̱e̱n be-de u̱n ye̱ ho̱ge̱ ma-u̱t Ye̱so à ye̱ she̱ru̱ o-nip. Kap mo̱o̱r-to̱ yan-dor Ye̱so wo̱o̱ru̱ u̱ntu̱n campo̱-ne̱ dugu-u̱s taan [5,000].

Se̱nge̱-mo̱ 6:7

Ma-to̱ Shir komo to̱ se̱ngu̱ru̱ m-bo̱'o̱se̱. Mo̱o̱r-to̱ yan-dor Ye̱so komo n-me̱ o-Urusharima se̱ngu̱ m-do̱ ho̱r-m-ho̱r, yan-Co̱w u̱n ko̱n-se Shir u̱t-mo̱o̱r ne̱ komo ye̱ go̱ksu̱ru̱ ka she̱r-mo̱ u̱n ma-to̱ o-nip mo̱.

Roma-ne̱ 10:2

U̱m nepste̱ ye̱ ya'aste̱ hi u̱n de u̱n ye̱ de̱e̱n remen gu̱w-mo̱ Shir. Amba mo̱ ka gu̱w-mo̱ u̱n ye̱ mo̱ ba u̱n bu̱-yo u̱n nap-o nip-o̱ á.

Garatiya-ne̱ 1:14

No̱ nepste̱ komo be-de u̱n dor-o̱ jor-se u̱n Yahuda-ne̱ u̱m jiishte̱ o̱r re ne̱ Yahuda-ne̱ m-se̱nge̱ ye̱ te̱ bo̱su̱te̱ caara-o gaan à. U̱m no̱mo̱g se̱nge̱-mo̱ u̱n dor-o̱ u̱n bu̱-se u̱n ya-n-ga-ye̱ se n-ga m-so̱k ne̱.

Garatiya-ne̱ 1:24

Remen kaane̱, ye̱ bo̱mu̱ru̱ Shir remen rii-yo Shir no̱me̱ rem re à.

2 Tasaronika-ne̱ 1:10

U̱n ka da-o̱, wu̱ he m-mu̱u̱n a ye'et wu̱ m-se̱k à, yan-ba-u̱r-ba'as ye̱a se̱ps wu̱. Kap yan-dor komo ye̱a hyen made̱-o̱ u̱n wu̱ u̱n ka ho̱-de mo̱sse̱ u̱n no̱ ne̱, remen no̱ she̱re̱g u̱n ka ma-to̱ te̱ ru̱ru̱ no̱ à.