Se̱nge̱-mo̱ 20:23 - Mɑ‑to̱ Shir Taku̱rda-o swo̱r o-nu pu̱-o̱

²³ Se̱ de̱ Ku̱kt-o̱ Shir ro̱ me̱ m-rwu̱nte̱ u̱t-ma cas u̱n ko̱ o̱ ke bo̱-o̱ u̱nze m-ke'et, u̱n swo̱ u̱r-ko̱o̱b ne̱ ro̱ me̱ u̱r-'er.

Se̱nge̱-mo̱ 20:23 ပူးပေါင်းရင်းမြစ်များ

Ruka 16:28

Me̱ u̱n hen-ne̱ ne̱ taan campo̱-ne̱. Wu̱ he wu̱ nek ye̱ u̱t-to̱ remen me̱ co̱n ye̱ ma ye̱ haan u̱n ka be-de u̱n swo̱ u̱r-ko̱o̱b de á.’

Yohana 16:33

Me̱ u̱n ru̱ru̱ no̱ ka ma-to̱ remen hur u̱n no̱ gwu̱'u̱ru̱té̱ bo̱ no̱ dape̱ me̱ à. No̱a su̱ u̱r-ko̱o̱b be-de u̱n hun-ne̱ ye̱ u̱n ho̱no o-dak amba 'mo̱ no̱ u̱r-hur! U̱m re̱e̱g u̱r-ho̱ u̱n ho̱no o-dak ne̱!”

Se̱nge̱-mo̱ 14:22

ye̱ ro m-do'e̱ u̱n yan-neke̱-m Ye̱so u̱r-be̱e̱b, ye̱ ro ye̱ m-'ya m-'wo̱ns be-de m-she̱r be-de Shir. Ye̱ ro̱ m-ze̱e̱, “Se̱ mo̱sse̱ u̱n swo̱ u̱r-ko̱o̱b ne̱ de̱e̱n a hette̱ co̱w u̱n gwo̱mo-to̱ Shir.”

Se̱nge̱-mo̱ 18:5

Da-o̱ Siras ne̱ u̱n Timoti wo̱o̱ne̱ rwu̱u̱n-mo̱ o-Makidoniya à, Burus ya'u̱ kap o̱ u̱n da-o̱ u̱n wu̱ u̱n ko̱'o̱t u̱n Ma-to̱ Shir. Wu̱ ro Yahuda-ne̱ m-ru̱re̱ o-nip u̱nze, Ye̱so wu̱ ro̱ Kiristi.

Se̱nge̱-mo̱ 20:21

U̱m nak Yahuda-ne̱ u̱n ye̱ ro̱ Yahuda-ne̱ á u̱t-to̱ kap ma-to̱ m-waktu̱ne̱ be-de Shir, komo ye̱ m-she̱r o-nip be-u̱r Wan-Ko̱yan na Ye̱so.

Se̱nge̱-mo̱ 20:24

Amba me̱ de̱k ho̱o̱g-m re u̱ntu̱n yo ken rii-yo á, u̱rege̱ de man hoksosse̱ ko̱m u̱n se̱nge̱-mo̱ Wan-Ko̱yan Ye̱so yasu̱ me̱ à, u̱m ru̱r Ma-to̱ m-Re̱re̱m to̱ u̱n yar-mo̱ Shir.

Se̱nge̱-mo̱ 21:11

Da-o̱ Agabus haane̱ u̱r-hamat be u̱n te̱ à, wu̱ deku̱ru̱ hap-yo u̱n byon-yo ma Burus. Agabus gagu̱ to̱ ma u̱n wu̱ kom-to̱ u̱n na-se u̱n wu̱ ne̱. Ka da-de wu̱ ze̱e̱ru̱, “Rii-yo Ku̱kt-o̱ Shir ze̱e̱ à yo ka, ‘Kaane̱ Yahuda-ne̱ ye̱ o-Urusharima he m-ka u̱n wan ka hap-yo, komo ye̱ bo̱psu̱ wu̱ u̱n kom-to̱ u̱n ye̱ ro̱ Yahuda-ne̱ á.’ ”

Se̱nge̱-mo̱ 21:33

Ka go̱s-wu̱ wu̱ wo̱o̱nu̱ru̱, wu̱ shipu̱ Burus. Wu̱ ze̱e̱ru̱ a ke wu̱ u̱n kwo̱m-u̱t yoor. Ka da-de, wu̱ citu̱ bu̱u̱g-de u̱n hun-ne̱ o-cot ko̱ wan wu̱, komo u̱n rii-yo wu̱ no̱me̱ ne̱ à.

Se̱nge̱-mo̱ 21:4

Bo̱ te̱ kergu̱nte̱ o-hat à, te̱ 'wo̱ssu̱ru̱ yan-neke̱-m Ye̱so káne̱. Te̱ she'etu̱ru̱ kane̱ ho̱-u̱t ta'yoor. Ku̱kt-o̱ Shir ru̱ru̱te̱ ka yan-neke̱-m Ye̱so ye̱ u̱nze Burus a su̱ u̱r-ko̱o̱b n-me̱ o-Urusharima. Remen kaane̱, ye̱ naku̱ru̱ Burus u̱t-to̱ taase wu̱ neké̱ káne̱.

Se̱nge̱-mo̱ 8:29

Ku̱kt-o ze̱e̱ru̱ Pirip, “Hyogbe̱ o wo yow yow u̱n ka ke̱ke̱-de o-jo̱k de ne̱.”

Se̱nge̱-mo̱ 9:16

Me̱ u̱n hi u̱n de, man kussu̱ wu̱ ko̱o̱b-de wu̱ he m-swo̱ ba wu̱ u̱n co̱n u̱n remen jin u̱n de à.”

1 Tasaronika-ne̱ 3:3

Te̱ u̱n no̱m kaane̱ remen u̱n taase ka range̱-o̱ ru̱ wu̱ ken wu̱ dos u̱r-hur. No̱ u̱n hi u̱n no̱, no̱ nepse̱ u̱nze Shir e̱ssu̱te̱ na swo̱ u̱r-ko̱o̱b u̱n ká bu̱-yo.

1 Timoti 4:1

Ku̱kt-o̱ Shir ru̱ru̱tu̱ na cas u̱nze u̱n kà ho̱-to̱ u̱r-ko̱m to̱, ye̱ ken ye̱ a yage̱ m-she̱r be-de u̱n yoos-de o-nip de u̱n Ma-to̱ Shir. Ye̱a she̱r be-de u̱n yoos-de u̱n ya-u̱t-bo̱, to̱ rwu̱u̱ne̱ be-de u̱n ya-u̱t-ko̱t à.

2 Timoti 2:12

U̱rege̱ ne̱t no̱mo̱g u̱r-jo̱o̱se̱ u̱n swo̱ u̱r-ko̱o̱b rem Ye̱so, wu̱a no̱m u̱t-gwo̱mo u̱n Ye̱so ne̱. Amba u̱rege̱ ne̱t no̱mo̱g she-mo̱ u̱n nap u̱n Ye̱so, Ye̱so a no̱m she-mo̱ u̱n nap u̱n ka ne̱t-wu̱.