Se̱nge̱-mo̱ 20:21 - Mɑ‑to̱ Shir Taku̱rda-o swo̱r o-nu pu̱-o̱

²¹ U̱m nak Yahuda-ne̱ u̱n ye̱ ro̱ Yahuda-ne̱ á u̱t-to̱ kap ma-to̱ m-waktu̱ne̱ be-de Shir, komo ye̱ m-she̱r o-nip be-u̱r Wan-Ko̱yan na Ye̱so.

Se̱nge̱-mo̱ 20:21 ပူးပေါင်းရင်းမြစ်များ

Matiyos 3:2

Wu̱ ro̱ m-ze̱e̱, “Yagu̱ no̱ no̱m u̱r-ba'as, no̱ mu̱u̱n be-de Shir, remen Gwo̱mo-to̱ Shir nomsu̱nte̱ yow yow.”

Matiyos 4:17

Cin ka da-o̱ Ye̱so cire̱ ko̱'o̱t-o̱ Ma-to̱ Shir, wu̱ ro̱ m-ze̱e̱, “Yagu̱ no̱ no̱m u̱r-ba'as, no̱ mu̱u̱n be-de Shir, remen da-o̱ Shir he u̱t-gwo̱mo à nomsu̱nte̱ yow yow.”

Markus 1:15

Wu̱ ro̱ m-ze̱e̱, “Ho̱-de u̱n ko-Gwo̱mo Shir wosonte̱, de wu̱ hette̱ m-rwu̱u̱n u̱n gwo̱mo-to̱ u̱n wu̱ ne̱ à. Ho'os no̱ ba'as-u̱t no̱, no̱ mu̱u̱n, no̱ kon wu̱. No̱ de̱k Ma-to̱ m-Re̱re̱m to̱ Shir to̱ a no̱ m-ru̱re̱ à.”

Markus 6:12

Bo̱ wu̱ komte̱ ye̱ m-ru̱re̱ u̱n ka ma-to̱ à, ye̱ ruuru̱, ye̱ ru̱ru̱ hun-ne̱. Ye̱ ro m-ze̱e̱, “Ho'os no̱ ba'as-u̱t no̱, no̱ mu̱u̱n, no̱ kon Shir. Wu̱a soks ba'as-u̱t no̱.”

Ruka 13:3

Ayyo̱, ko̱ hiin! Komo me̱ no̱ m-ru̱re̱, 'yar no̱ u̱r-ba'as, no̱ mu̱u̱n be-de Shir m-ba kaane̱ á no̱a mer bo̱ ye̱ mare̱ à.

Ruka 13:5

Ayyo̱, ko̱ hiin! Komo me̱ no̱ m-ru̱re̱, 'yar no̱ u̱r-ba'as, no̱ mu̱u̱n be-de Shir u̱n ba kaane̱ á no̱a mer bo̱ ye̱ mare̱ à.”

Ruka 15:10

Kang-o gaan kane̱, me̱ no̱ m-ru̱re̱, yan-to̱m-ye̱ Shir ro̱ m-no̱m o-zak remen wan-gaan-wu̱ waktu̱ne̱ wu̱ do̱re̱ Shir à.”

Ruka 15:7

Me̱ no̱ m-ru̱re̱, go̱n kaane̱, Shir a no̱m o-zak o̱ jiishe̱ o̱ kàà n-to̱n, remen wan-gaan wa-u̱r-ba'as-wu̱ waktu̱ne̱ be-de Shir à, har zak-o̱ jiishe̱ o̱ u̱n hun-ne̱ o-zungu ba o-gaan à [99], ye̱ ro̱ be-de Shir à.

Ruka 16:28

Me̱ u̱n hen-ne̱ ne̱ taan campo̱-ne̱. Wu̱ he wu̱ nek ye̱ u̱t-to̱ remen me̱ co̱n ye̱ ma ye̱ haan u̱n ka be-de u̱n swo̱ u̱r-ko̱o̱b de á.’

Ruka 24:47

Komo u̱n jin-de u̱n wu̱, ka to̱m-mo̱ u̱n yage̱ u̱n no̱m u̱r-ba'as o̱ m-waktu̱ne̱ be-de Shir ne̱, u̱n soks u̱r-ba'as ne̱, a ru̱r o̱ ho̱no o-dak kap, u̱r-takan o-Urusharima.

Yohana 20:31

Amba me̱n ge̱n to̱ ka remen no̱ she̱re̱t Ye̱so wu̱ ro̱ Kiristi, Wà-wu̱ Shir, no̱ kumut ho̱o̱g no̱ she̱re̱ u̱n jin-de u̱n wu̱.

Yohana 3:36

Wu̱ she̱re̱ hur-de u̱n wu̱ u̱n Wà-wu̱ Shir à, wu̱a kum ho̱o̱g-o̱ Shir o̱ ba m-ta. Ye̱ no̱me̱ ne̱ o-do̱ro̱tte̱ u̱n ka Wà-wu̱ ne̱ á, ye̱a hyen ho̱o̱g á, ryaab-se Shir ro̱ be-de u̱n ye̱.”

Se̱nge̱-mo̱ 10:43

Kap o̱ u̱n yan-Rwo̱r u̱n Ma-to̱ Shir ye̱ nomoste̱ u̱t-ma u̱n wu̱ u̱nze u̱n jin-de u̱n wu̱ o̱ kap o̱ u̱n wu̱ she̱re̱ be-de u̱n wu̱ à, he kum u̱n soks u̱t-ba'as.”

Se̱nge̱-mo̱ 11:18

Bo̱ Yahuda-ne̱ yan-dor Ye̱so ho̱gu̱te̱ kaane̱ à, ye̱ taagu̱ bo̱ ye̱ he m-ze̱e̱ à, ye̱ bo̱mu̱ Shir. Ye̱ ma'asu̱ru̱ m-ze̱e̱, “Ashi, har u̱n ye̱ ro̱ Yahuda-ne̱ á, Shir nomsu̱te̱ ye̱ co̱w-yo m-waktu̱ne̱ be-de u̱n wu̱ u̱n yo u̱n kum m-ho̱o̱g ne̱.”

Se̱nge̱-mo̱ 16:31

Ye̱ komo ye̱ ze̱e̱ru̱, “She̱r u̱n Wan-Ko̱yan Ye̱so, wo̱ u̱n yakar ru ne̱, no̱a kum gwu̱.”

Se̱nge̱-mo̱ 17:30

N-ga Shir ro m-was u̱n ba'as-to̱ u̱n hun-ne̱ ne̱ á, remen ko̱o̱b-de u̱n nap-o̱ u̱n ye̱. Amba m-mo̱ka, wu̱ ze̱e̱g kap o̱ u̱n hun-ne̱ ye̱ u̱n ko̱ kene̱ ye̱ yage̱ ba'as-to̱ u̱n ye̱, ye̱ waktu̱ne̱ be-de Shir.

Se̱nge̱-mo̱ 19:17

Bo̱ kap o̱ u̱n ye̱ ro u̱r-she'et o-Apisu à, Yahuda-ne̱ u̱n ye̱ ro̱ Yahuda-ne̱ á, ho̱gu̱te̱ ma-to̱ u̱n ka rii-yo ko̱re̱ à. Gye̱r-o ho̱o̱ru̱ ye̱, ye̱ se̱ke̱msu̱ru̱ jin-u̱r Wan-Ko̱yan Ye̱so.

Se̱nge̱-mo̱ 2:38

Bitrus ze̱e̱ru̱ ye̱, “Waktu̱n no̱ be-de Shir, a yo'os no̱ m-ho̱ n-me̱ u̱n jin-u̱r Ye̱so Kiristi remen a soksu̱tú̱ no̱ ba'as-u̱t no̱. No̱a kum yar-mo̱ u̱n Ku̱kt-o̱ Shir.

Se̱nge̱-mo̱ 2:40

Wu̱ ma'asu̱ru̱ ye̱ u̱n ru̱re̱ u̱t-ma de̱e̱n to̱ ye̱ hette̱ bo̱p o-nip à, wu̱ naku̱ru̱ ye̱ u̱t-to̱ wu̱ ro̱ m-ze̱e̱, “Ruut no̱ hi u̱n no̱ be-de u̱n swo̱ u̱r-ko̱o̱b o̱ ro̱ u̱n hi-de u̱n kà yan-me̱n-u̱t jaas-to̱ ye̱, kà ye̱ 'yare̱ Ye̱so à.”

Se̱nge̱-mo̱ 20:23

Se̱ de̱ Ku̱kt-o̱ Shir ro̱ me̱ m-rwu̱nte̱ u̱t-ma cas u̱n ko̱ o̱ ke bo̱-o̱ u̱nze m-ke'et, u̱n swo̱ u̱r-ko̱o̱b ne̱ ro̱ me̱ u̱r-'er.

Se̱nge̱-mo̱ 20:24

Amba me̱ de̱k ho̱o̱g-m re u̱ntu̱n yo ken rii-yo á, u̱rege̱ de man hoksosse̱ ko̱m u̱n se̱nge̱-mo̱ Wan-Ko̱yan Ye̱so yasu̱ me̱ à, u̱m ru̱r Ma-to̱ m-Re̱re̱m to̱ u̱n yar-mo̱ Shir.

Se̱nge̱-mo̱ 24:24

Bo̱ a nomte̱ u̱t-ho̱ hiin à, Pe̱ris u̱n ne'a u̱n wu̱ ne̱ Durusira, wu̱ ken ko-Yahuda-wu̱ wu̱, ye̱ haanu̱ru̱. Wu̱ to̱mu̱ru̱ a hante̱ Burus, wu̱ ho̱gu̱té̱ wu̱ u̱n rwo̱r u̱n ma-to̱ m-she̱r be-u̱r Ye̱so Kiristi.

Se̱nge̱-mo̱ 26:18

Wo̱a upsu̱ ye̱ yish-ye̱ u̱n ye̱, ye̱ yagne̱ be-de o-comb ye̱ mu̱u̱n be-de m-cu̱cas, ye̱ yagne̱ komo gwo̱mo-to̱ u̱n ko-Gwo̱mo-wu̱ u̱n ya-u̱t-ko̱t ye̱ mu̱u̱n be-de u̱n Gwo̱mo-to̱ Shir. U̱n kaane̱ ye̱ hette̱ m-kum a soksu̱ ye̱ u̱t-ba'as, komo o-cim ne̱ mo̱sse̱ u̱n ye̱ warge̱ ba m-ku̱ko̱p ne̱ à kap remen ye̱ she̱re̱g be u̱n de.’

Se̱nge̱-mo̱ 26:20

U̱m cirig nome̱ u̱n hun-ne̱ ye̱ o-Damaskus o-ko̱'o̱t. Ka da-de u̱m nomu̱ru̱ hun-ne̱ ye̱ o-Urusharima u̱n myet-o̱ u̱n yan-he̱r-o̱ u̱n dak-o̱ o-Judiya ne̱. Ka da-de, komo u̱m nomu̱ru̱ ye̱ ro̱ Yahuda-ne̱ á u̱m ze̱e̱ru̱ ye̱ yage̱ u̱r-ba'as ye̱ mu̱u̱n be-de Shir, komo ye̱ nom rem-se a hette̱ m-nap ye̱ yagu̱te̱ u̱r-ba'as à.

Se̱nge̱-mo̱ 28:23

Ye̱ rwo̱'u̱ru̱ ho̱-de ye̱ hette̱ m-gone̱ u̱n Burus ne̱ à. Ye̱ haanu̱ru̱ be-de wu̱ ro̱ u̱r-she'et à, komo ye̱ haante̱ de̱e̱n u̱t-mo̱o̱r ne̱. Cir-mo̱ n-sot har m-rim, wu̱ se̱ngu̱ru̱ ye̱ nome̱ u̱t-ma wu̱ ro̱ ye̱ m-ru̱re̱ ma-to̱ u̱n Gwo̱mo-to̱ Shir. Wu̱ ro̱ m-se̱nge̱, wu̱ nakantu̱ ye̱ be-u̱r Ye̱so u̱n bu̱-yo u̱n Ma-to̱ Shir. Wu̱ u̱n no̱m kaane̱, remen wu̱ kututú ye̱ Kiristi bo̱ wu̱ karante̱ ka rem-se Mosa u̱n yan-Rwo̱r u̱n Ma-to̱ Shir ne̱ gene̱ à.

Se̱nge̱-mo̱ 3:19

U̱n remen kaane̱ se̱, no̱ yage̱ u̱r-ba'as, no̱ waktu̱ne̱ be-de Shir remen a so'osté̱ ba'as-u̱t no̱,

Se̱nge̱-mo̱ 8:25

Bo̱ Bitrus ne̱ u̱n Yohana no̱me̱ u̱s-swo̱ rem Ye̱so u̱n ko̱'o̱t u̱n ma-u̱t Wan-Ko̱yan à, ye̱ argu̱ m-warag o-Urusharima. Bo̱ ye̱ waragte̱ o-Urusharima à, ye̱ se̱ngu̱ m-ko̱'o̱t Ma-to̱ m-Re̱re̱m u̱n ko̱t-to̱ o-Samariya u̱t-mo̱o̱r ne̱.

Roma-ne̱ 1:14

Me̱ m-ho̱ge̱ u̱n hur u̱n de nu̱-se u̱n hun-ne̱ kap ro̱ u̱n hi u̱n de, ya-n-me̱ u̱t-bo̱ u̱n ya-u̱s-riib ne̱, ya-u̱s-nap u̱n ya-ba-u̱s-nap ne̱.

Roma-ne̱ 1:16

Me̱ u̱n ho̱ge̱ u̱n 'e̱-mo̱ u̱n rwo̱r u̱n Ma-to̱ m-Re̱re̱m á. Me̱ u̱n ze̱e̱ kaane̱ remen to̱ ro̱ na m-kute̱ u̱n be̱e̱b-de Shir. Ka be̱e̱b-de de ro̱ u̱n gwu̱-o̱ u̱n myet ye̱ she̱re̱ be-de u̱n wu̱ à, Yahuda-ne̱ u̱r-takan, ka da-de ye̱ ro̱ Yahuda-ne̱ á.

Roma-ne̱ 10:9

U̱rege̱ o rwo̱ro̱g u̱n nu-o ru u̱nze Ye̱so wu̱ ro̱ Wan-Ko̱yan, o she̱re̱g komo u̱n hur u̱n du u̱nze Shir 'yonste̱ wu̱ u̱t-marimar, wo̱a kum gwu̱.

Roma-ne̱ 2:4

¿Ko̱ de̱ wo̱ u̱n gini u̱n caari-mo̱ u̱n yar-mo̱ Shir u̱n 'wo̱n-de u̱n wu̱ ne̱, u̱n mo̱ u̱n hur-de u̱n wu̱ ne̱? Nap u̱nze Shir u̱n kute̱ wo̱ 'wo̱n-de u̱n wu̱ remen o waktu̱nté̱ o mu̱u̱n be-de u̱n wu̱.

Roma-ne̱ 4:24

Amba a u̱n ge̱n to̱ ka rem na, na ye̱ Shir he m-muut kashi u̱n hun-ne̱ be-de u̱n wu̱ à, na ye̱ she̱re̱ u̱n wu̱ 'yonse̱ Ye̱so Wan-Ko̱yan be-de u̱t-marimar à.

Roma-ne̱ 5:1

Remen kaane̱, bo̱ a warge̱ kashi remen a she̱re̱g be-u̱r Ye̱so à, m-mo̱ka a kumug gwu̱gwu̱-mo̱ u̱r-hur be-de Shir. Mo̱ haane̱ be-u̱r na remen ka rii-yo Ye̱so Kiristi Wan-Ko̱yan na nome̱ à.

1 Korinti-ne̱ 1:22

Yahuda-ne̱ co̱no̱g ye̱ hyen rem-se u̱t-hyat to̱ kutu ye̱ u̱nze ka ma-to̱ be-de Shir to̱ rwu̱u̱ne̱ à. Ye̱ ro̱ Yahuda-ne̱ á komo ye̱ u̱n hoob-o̱ u̱s-nap.

2 Korinti-ne̱ 7:10

Tu̱k-mo̱ u̱t-me̱n mo̱ u̱n ko-hun ro̱ ne̱t m-woot be-de m-mar. Amba go̱n mo̱ Shir ro̱ m-rwo̱ ne̱t m-waktu̱ne̱ be-de Shir, u̱n kaane̱ komo a kum gwu̱. Komo wanakke̱-o a do m-kus á, remen Shir sokste̱ ba'as-to̱ u̱n ye̱.

Garatiya-ne̱ 2:16

a nepse̱ ne̱t a warag ba u̱r-ba'as u̱n co-o̱ Shir be-de u̱n do̱re̱ o-karamsa á, se̱ de̱ wu̱ she̱re̱g be-u̱r Ye̱so Kiristi. Remen kaane̱, na ma a ya'aste̱ hi u̱n na be-u̱r Ye̱so Kiristi. A u̱n no̱m kaane̱ remen a kumut m-warag ba u̱r-ba'as u̱n co-o̱ Shir be-de m-she̱r be-u̱r Kiristi, ba be-de m-do̱re̱ o-karamsa á. Remen yatt-wu̱ he m-warag ba u̱r-ba'as u̱n co-o̱ Shir remen dor-o̱ o-karamsa á.

Garatiya-ne̱ 2:20

A kamag me̱ be-u̱r gaan u̱n Kiristi ne̱. M-mo̱ka me̱ u̱n ho̱o̱g ne̱, amba me̱ wu̱ u̱n hi u̱n de á. Kiristi wu̱ ro̱ ho̱o̱g-mo̱ u̱n hur u̱n de. Ka ho̱o̱g-mo̱ u̱n wu̱r-o re mo̱, ho̱o̱g-mo̱ be-de m-she̱r u̱n Wà-wu̱ Shir. Wu̱ kutu̱ me̱ m-co̱n à har wu̱ mer rem re.

Garatiya-ne̱ 3:22

U̱n su̱ge̱-de u̱n kaane̱, gense̱ to̱ ro̱ u̱n Ma-to̱ Shir u̱nze, ho̱no o-dak kap ro̱ u̱n ku̱s-o̱ u̱r-ba'as. ¿Remen ya? Shir u̱n yage̱ yo ka korot remen wu̱ ya'asté̱ swo̱o̱ru̱ nu-o̱ wu̱ no̱me̱, be-de ye̱ she̱re̱ be-u̱r Ye̱so Kiristi à.

Apisu-ne̱ 1:15

Remen kaane̱ kap yo Shir no̱me̱ à, me̱ u̱n ko̱n-se Shir rem no̱. Cin da-o̱ u̱m ho̱ge̱ she̱r-m no̱ be-u̱r Ye̱so Wan-Ko̱yan à u̱n was-m no̱ ne̱ be-de u̱n yan-dor Ye̱so à,

Korosiya-ne̱ 2:5

Ko̱ de nomte̱ me̱ u̱n hi u̱n de me̱ kane̱ mo̱sse̱ u̱n no̱ ne̱ á, amba hur u̱n de ro̱ mo̱sse̱ u̱n no̱ ne̱. Me̱ o-zak de̱e̱n bo̱ u̱m ho̱ge̱ no̱ e̱ks cak à, komo u̱n gam-o̱ u̱r-hi ne̱. Komo no̱ she̱re̱g be-u̱r Kiristi.

Pirimo̱n 1:5

remen u̱m ho̱gu̱te̱ wo̱ m-was u̱n hun-ne̱ ye̱ Shir ne̱ kap, m-she̱r ne̱ mo̱ wo̱tte̱ à, be-u̱r Wan-Ko̱yan Ye̱so.

1 Yohana 5:1

U̱rege̱ a she̱re̱g o-nip u̱nze Ye̱so wu̱ ro̱ Kiristi, na yakar-ye̱ Shir ye̱ ka. Ko̱wan wu̱ ro̱ m-was o-Tato à, wu̱ waste̱ o̱ ká u̱n yakar-ye̱ u̱n wu̱ ne̱.

1 Yohana 5:5

¿Wan wu̱ he re̱ u̱r-ho̱ u̱n ho̱no o-dak á? Se̱ wu̱ she̱re̱ u̱nze Ye̱so wu̱ ro̱ Wà-wu̱ Shir à.