Se̱nge̱-mo̱ 2:43 - Mɑ‑to̱ Shir Taku̱rda-o swo̱r o-nu pu̱-o̱

⁴³ Ko̱ wu̱ ke bo̱pu̱ru̱ o-nu, remen Shir ro̱ u̱n no̱m u̱n rem-se o-made̱ u̱s-napa ne̱ de̱e̱n be-de u̱n yan-To̱m Ye̱so.

Se̱nge̱-mo̱ 2:43 ပူးပေါင်းရင်းမြစ်များ

Markus 16:17

Ka ye̱ she̱re̱ u̱n Ma-u̱t re to̱ m-Re̱re̱m à, ye̱a nom rem-se u̱t-hyat. Har u̱n be̱e̱b u̱n de, ye̱a ruut ya-u̱t-ko̱t. Ye̱a te̱pe̱r u̱n rem-to̱ ye̱ yoose̱ á.

Ruka 7:16

Kap mo̱ u̱n ye̱ ho̱gu̱ru̱ o-gye̱r, ye̱ bo̱mu̱ru̱ Shir. Ye̱ ze̱e̱ru̱, “Ko-caari-wu̱ u̱n wan-Rwo̱r u̱n Ma-to̱ Shir haante̱ be-u̱r na! Shir haante̱ wu̱ guut hun-ne̱ ye̱ u̱n wu̱.”

Ruka 8:37

Ka da-de hun-ne̱ kap u̱n ka raag-o̱ ko̱nu̱ru̱ Ye̱so wu̱ arag so̱ wu̱ he'e̱ à, remen ye̱ ho̱gu̱te̱ o-gye̱r. Ye̱so daaru̱ o-hat wu̱ ro̱ ma-to̱ m-arag.

Yohana 14:12

Me̱ no̱ m-ru̱re̱ o-nip, kap wu̱ she̱re̱ u̱n me̱ à, se̱nge̱-mo̱ me̱ m-no̱m à, mo̱ mo̱ wu̱ he m-no̱m. Har ma wu̱ arag me̱, remen ha-mo̱ u̱m hette̱ be-u̱r Tato re.

Se̱nge̱-mo̱ 2:22

“No̱ o̱r re ne̱ Isra-ne̱, ho̱gu̱ no̱ to̱ ka ma-to̱. Ye̱so ko-ya-o-Nazaret ne̱t-wu̱, wu̱ Shir ru̱ru̱ no̱ o-nip u̱nze wu̱ go̱kste̱ wu̱ à. Shir rwu̱ntu̱te̱ to̱ ka be-de u̱n rem-se o-made̱, u̱n rem-se u̱t-hyat ne̱, u̱s-napa ne̱ se wu̱ kutu̱ na be-u̱r Ye̱so à, u̱ntu̱n bo̱, kap no̱ nepste̱ u̱n to̱ ka ne̱.

Se̱nge̱-mo̱ 4:33

U̱n be̱e̱b-de u̱n Ku̱kt-o̱ Shir yan-To̱m Ye̱so se̱ngu̱ru̱ rwo̱r u̱n ma-to̱ u̱n ine̱-m Wan-Ko̱yan Ye̱so u̱t-marimar. Yar-mo̱ Shir ho̱ku̱ru̱ yan-dor Ye̱so myet-mo̱ u̱n ye̱.

Se̱nge̱-mo̱ 5:5

Bo̱ u̱n ho̱ge̱ u̱n ka ma-to̱, Hananiya he̱e̱ru̱ n-dak, wu̱ maru̱ru̱. Hun-ne̱ ye̱ ho̱ge̱ ka ma-to̱ à, gye̱r-o ho̱o̱ru̱ ye̱ de̱e̱n.

Se̱nge̱-mo̱ 9:34

Bitrus ze̱e̱ru̱ wu̱, “Iniyas, Ye̱so Kiristi taaste̱ go̱m ru. Ine̱, o pus rii-o̱ u̱r-ru̱t o ru.” Ba u̱n rem, Iniyas argu̱ m-ine̱.

Se̱nge̱-mo̱ 9:40

Bitrus ruutu̱ ye̱ n-do̱ kap u̱n ka kuke̱-o̱, wu̱ kwu̱ktu̱ru̱ wu̱ ko̱n u̱s-ko̱n. Wu̱ byandu̱ru̱ be-de u̱r-u, wu̱ ze̱e̱ru̱, “Tabita, ine̱.” Wu̱ argu̱ ups u̱n yish. Bo̱ wu̱ hyente̱ Bitrus à, wu̱ argu̱ m-ine̱ wu̱ she'etu̱ru̱.