Se̱nge̱-mo̱ 2:4 - Mɑ‑to̱ Shir Taku̱rda-o swo̱r o-nu pu̱-o̱

⁴ A shoosu̱ ye̱ kap u̱n Ku̱kt-o̱ Shir. Ye̱ ciru̱ m-te̱pe̱r u̱n rem-u̱t ho̱r-to̱ bo̱ Ku̱kt-o ya'u̱ ye̱ co̱w-yo m-te̱pe̱r à.

Se̱nge̱-mo̱ 2:4 ပူးပေါင်းရင်းမြစ်များ

Matiyos 10:19

Da-o̱ ye̱ heetu̱ no̱, be-de u̱t-gwo̱mo no̱ jar no̱ ryegen n-te̱ u̱n gom-de no̱ he m-ce̱p á, ko̱ bo̱ no̱ he m-ce̱p á. Remen Shir a 'ye no̱ gom-to̱ no̱ he m-ce̱p à, u̱n ká da-o̱.

Markus 16:17

Ka ye̱ she̱re̱ u̱n Ma-u̱t re to̱ m-Re̱re̱m à, ye̱a nom rem-se u̱t-hyat. Har u̱n be̱e̱b u̱n de, ye̱a ruut ya-u̱t-ko̱t. Ye̱a te̱pe̱r u̱n rem-to̱ ye̱ yoose̱ á.

Ruka 1:15

Wu̱a warag caari-wu̱ u̱n ne̱t be-de Wan-Ko̱yan. Wu̱ jar wu̱ su̱ m-ke̱ á, ko̱ yo ken yo u̱ntu̱n mo̱ á. Ku̱kt-o̱ Shir a garamse̱ wu̱, cin ba inu u̱n wu̱ mat wu̱,

Ruka 1:41

Bo̱ Erisabatu ho̱gu̱te̱ gas-u̱r Meri à, wan-yaar-wu̱ ro̱ u̱n me̱n-to̱ u̱n wu̱ à nuktu̱ru̱. Ku̱kt-o̱ Shir garamsu̱ru̱ Erisabatu.

Ruka 1:67

Ku̱kt-o̱ Shir garamsu̱te̱ Zakaraya tato Yohana wu̱ rwo̱ro̱g to̱m-o̱ Shir.

Ruka 12:12

Hur u̱n no̱ wu̱rge̱ á, remen Ku̱kt-o Shir u̱n ka da-o̱ o̱a yoosu̱ no̱ go̱ u̱n yo no̱ he m-ze̱e̱ à.”

Ruka 21:15

Remen man 'ye no̱ u̱t-gom, u̱s-we̱e̱r ne̱, bo̱ yan-yage̱-u̱t no̱ a hoks no̱ u̱n wakse̱ u̱n yo no̱ zee á.

Ruka 4:1

Ye̱so waktu̱nte̱ so̱ o-ro̱o̱g o-Joda shiishe̱ ce̱ngce̱ng u̱n Ku̱kt-o Shir, o̱ tekeru̱ wu̱ co o̱ heetu̱ru̱ wu̱ o-dákár.

Yohana 14:26

Amba Wa-u̱t-Orom, Ku̱kt-o̱ Shir wu̱ Tato re he m-to̱mo̱n u̱n jin u̱n de à, wu̱ he no̱ yoose̱ u̱n ko̱yan, wu̱ baksu̱ no̱ rii-yo u̱m ru̱ru̱ no̱ à.

Yohana 20:22

Bo̱ wu̱ ru̱rte̱ kááne̱ à, wu̱ huru̱ru̱ ye̱ Ku̱kt-o̱ Shir. Wu̱ ze̱e̱ru̱ ye̱, “Go̱ks no̱ Yo-mo̱ u̱n Ku̱kt-o̱ Shir.

Se̱nge̱-mo̱ 1:5

Yohana yo'oste̱ hun-ne̱ m-ho̱, amba kane̱ u̱t-ho̱ ha-mo̱ co, a yo'os no̱ u̱n Ku̱kt-o̱ Shir.”

Se̱nge̱-mo̱ 1:8

Amba no̱a kumus u̱r-be̱e̱b da-o̱ Ku̱kt-o̱ Shir o̱ kyergu̱ndu̱ no̱. No̱a warag yan-swo̱-se u̱n ma-u̱t re o-Urusharima, u̱n kap o̱ n-me̱ u̱n dak-o̱ o-Judiya ne̱, o-Samariya ne̱, har ha-mo̱ u̱n ma-de u̱n ho̱no o-dak.”

Se̱nge̱-mo̱ 10:46

Remen ye̱ ho̱gu̱te̱ ye̱ m-te̱pe̱r u̱n rem-u̱t ho̱r-to̱, komo ye̱ ro u̱n se̱ke̱mse̱ u̱n Shir. Ka da-de Bitrus ze̱e̱ru̱,

Se̱nge̱-mo̱ 10:47

“¿Wu̱ ken wu̱ ro̱ ko̱n wu̱ he m-we̱n a yo'os ka hun-ne̱ ye̱ m-ho̱? Ai, ye̱ ma ye̱ kumuste̱ Ku̱kt-o̱ Shir bo̱ te̱ kume̱ à.”

Se̱nge̱-mo̱ 11:15

“Cir-mo̱ ka u̱m cire̱ ye̱ nome̱ u̱t-ma. Ku̱kt-o̱ Shir argu̱ ye̱ m-he̱'e̱n, hond hond bo̱ o̱ he̱'e̱nu̱ na u̱r-takan à.

Se̱nge̱-mo̱ 11:24

Barnabas komo kashi u̱n ne̱t-wu̱, shiishe̱ u̱n Ku̱kt-o̱ Shir m-she̱r ne̱. Hun-ne̱ u̱t-mo̱o̱r ne̱ argu̱ m-waktu̱ne̱ be-u̱r Wan-Ko̱yan.

Se̱nge̱-mo̱ 13:52

Yan-neke̱-m Ye̱so ye̱ o-zak de̱e̱n, komo ye̱ ro shiishe̱ ce̱ng u̱n Ku̱kt-o̱ Shir.

Se̱nge̱-mo̱ 13:9

Amba Shawuru, ka wu̱ a m-ze̱e̱ Burus à, wu̱ shiiste̱ u̱n Ku̱kt-o̱ Shir, wu̱ tuuru̱ Arimos yish.

Se̱nge̱-mo̱ 15:8

Shir komo wu̱ nape̱ hur-de u̱n ko̱wan à, wu̱ rwu̱ntu̱te̱ u̱nze wu̱ go̱kstu̱ ye̱ bo̱ wu̱ ya'u̱ ye̱ Ku̱kt-o̱ Shir à, bo̱ wu̱ ya'u̱ na à.

Se̱nge̱-mo̱ 19:6

Ka da-de, Burus sake̱ kom-to̱ u̱n wu̱ u̱n ye̱, Ku̱kt-o̱ Shir ciriru̱ u̱n ye̱. Ye̱ te̱pru̱ru̱ u̱n rem-u̱t ho̱r-to̱, ye̱ ro m-rwo̱r komo ma-to̱ Ku̱kt-o̱ Shir kutu ye̱, ye̱ ru̱r à.

Se̱nge̱-mo̱ 2:11

(Ka ye̱ ro̱ m-ho̱ge̱ u̱n rem-de u̱t-Ibra u̱n u̱t-Girik ne̱ à, ye̱ a mate̱ n-me̱ u̱n jor-se Yahuda-ne̱ u̱n ye̱ waktu̱ne̱ ye̱ cu̱w go̱n jor-u̱s na ne̱ à). U̱n ya-o-Kirit-ne̱, u̱n Ya-o-Raraba-ne̱. Kap a m-ho̱ge̱ ye̱ ro̱ m-te̱pe̱r u̱n rem-u̱t na caari-se u̱s-rem se̱ Shir no̱me̱ à!”

Se̱nge̱-mo̱ 2:3

Ye̱ hyanu̱ru̱ to̱ ken rii-to̱ sa o zee rem-to̱ o-ra. To̱ comsu̱ru̱ be-de u̱n ye̱, to̱ ro m-cire̱ u̱n hi-de u̱n ko̱ wu̱ ke.

Se̱nge̱-mo̱ 4:31

Bo̱ ye̱ nomte̱ ko̱n-se Shir à, ka be-de ye̱ rotte̱ u̱r-mo̱ro̱g à, de nuktu̱ru̱. Kap mo̱ u̱n ye̱ argu̱ m-shi u̱n Ku̱kt-o̱ Shir, ye̱ se̱ngu̱ rwo̱r u̱n ma-to̱ Shir ba o-gye̱r.

Se̱nge̱-mo̱ 4:8

Bitrus shiishe̱ u̱n Ku̱kt-o̱ Shir ne̱, wu̱ citu̱ ye̱. Wu̱ zee, “No̱ gwo̱mo-ne̱ u̱n se̱k-ye̱ ne̱ ye̱ u̱n hun-ne̱!

Se̱nge̱-mo̱ 6:3

Remen kaane̱, o̱r re ne̱ daag no̱ hun-ne̱ ne̱n ta'yoor be u̱n no̱, ye̱ ro̱ u̱n kashi u̱r-hur ne̱ de u̱r-bon à, ye̱ shiishe̱ u̱n Ku̱kt-o̱ Shir komo u̱s-we̱e̱r ne̱ à, ye̱ a he m-ya'as u̱n ka se̱nge̱-mo̱ à.

Se̱nge̱-mo̱ 6:5

Hun-ne̱ kap ho̱gu̱ru̱ re̱re̱m-mo̱ u̱n ma-to̱ ye̱ rwo̱re̱ à. Ye̱ daagu̱ Istipanus (wu̱ ken ne̱t-wu̱ wu̱ she̱re̱g u̱n Ye̱so u̱r-be̱e̱b ne̱, komo Ku̱kt-o̱ Shir garamsu̱te̱ wu̱), u̱n Pirip ne̱, u̱n Buro̱ko̱ras ne̱, Nikano̱ ne̱, u̱n Timo̱n ne̱, Barminas ne̱, Niko̱ras (ko-ya-o-Antakiya, n-ga wu̱ ba ko-Yahuda-wu̱ á amba wu̱ waragte̱ ko-Yahuda).

Se̱nge̱-mo̱ 6:8

To̱, Istipanus, wu̱ ne̱t-wu̱ shiishe̱ u̱n yar-mo̱ Shir ne̱ u̱r-be̱e̱b ne̱. Wu̱ ro m-no̱m u̱n rem-se o-made̱ u̱t-hyat ne̱ n-me̱ u̱n hun-ne̱.

Se̱nge̱-mo̱ 7:55

Amba Istipanus ro shiishe̱ ce̱ng u̱n Ku̱kt-o̱ Shir. Wu̱ tuuru̱ yish, wu̱ ro u̱n gwo̱t o-To̱n shir, wu̱ hyanu̱ru̱ se̱ps-mo̱ Shir, komo u̱n Ye̱so ne̱ eso u̱n kom-o̱ u̱r-re̱ o̱ Shir.

Se̱nge̱-mo̱ 8:17

Bitrus ne̱ u̱n Yohana, seke̱ ye̱ kom-to̱ o-kwu̱m, ye̱ go̱kste̱ Ku̱kt-o̱ Shir.

Se̱nge̱-mo̱ 9:17

Hananiya haaru̱, wu̱ co̱wu̱ o-hur. Wu̱ tabbu̱ o-kom wu̱ ci'u̱ru̱ Shawuru. Wu̱ ze̱e̱ru̱, “Wan-yen de Shawuru, Wan-Ko̱yan wu̱ to̱mnu̱ me̱. Ye̱so ka wu̱ rwu̱u̱ne̱ be u̱n du u̱n ka co̱w-yo o do̱nde̱ à. Wu̱ co̱no̱g o do m-hyan, remen komo Ku̱kt-o̱ Shir garamsu̱té̱ wo̱.”

Roma-ne̱ 15:13

Me̱ u̱s-ko̱n, Shir wu̱ ro̱ 'ya o-sakto̱ à, wu̱ ye'et no̱ o-zak u̱n gwu̱gwu̱-mo̱ u̱r-hur ne̱, no̱ ye̱ ro̱ m-she̱r u̱n wu̱ à. Da-o̱ Shir no̱me̱ kaane̱, sakto̱-o no̱ he m-bo̱'o̱se̱ u̱n be̱e̱b-de u̱n Ku̱kt-o̱ Shir.

1 Korinti-ne̱ 12:10

Wu̱ ken wu̱ komo a ya'ag wu̱ yar-mo̱ u̱n no̱m u̱n rem-se u̱t-hyat, wu̱ ken wu̱ komo ko̱'o̱t u̱n ma-to̱ rwu̱u̱ne̱ be-de Shir à. Shir ro̱ m-'ya u̱n wu̱ ken wu̱ nap-se u̱n nap u̱n u̱rege̱ ku̱kt-o̱ Shir o̱, wu̱ ken wu̱ nap-se te̱p u̱n rem-u̱t ho̱r-to̱ go̱-u̱s-go̱, wu̱ ken wu̱ komo muut m-rwo̱r u̱n yo a rwo̱re̱ u̱n rem-u̱r ho̱r-de à.

1 Korinti-ne̱ 13:1

Ko̱ u̱m hoks nap u̱n te̱p u̱n rem-to̱ u̱n hun-ne̱ ho̱r-ye̱ u̱n to̱ u̱n yan-to̱m-ye̱ Shir ne̱, amba u̱rege̱ me̱ m-was u̱n o̱r re ne̱ á, u̱m waragte̱ o̱ ká u̱ntu̱n o-jeger yo u̱n zaaz-o̱ o-hwaa, ko̱ ne̱ o-kanga o̱ u̱n kaas u̱n hun-ne̱ u̱t-to̱ o-zaaz.

1 Korinti-ne̱ 13:8

Was-m ro̱ m-ta á har da-o̱ ba m-ta. Amba ko̱'o̱t u̱n ma-to̱ rwu̱u̱ne̱ be-de Shir à a tees, Nap-o̱ u̱n rem-u̱t ho̱r-to̱ komo to̱a e̱ge̱, u̱s-nap sea tees.

1 Korinti-ne̱ 14:18

U̱m bo̱mo̱g Shir remen u̱m aragte̱ myet-m no̱ ce̱p u̱t-ma u̱n rem-u̱t ho̱r-to̱.

1 Korinti-ne̱ 14:5

To̱, u̱m co̱no̱g a zee kap-m no̱, no̱ te̱p u̱n rem-u̱t ho̱r-to̱. Amba u̱m jiishte̱ m-co̱n a zee no̱ ye̱ ro̱ u̱n ko̱'o̱t-o̱ u̱n ma-to̱ rwu̱u̱ne̱ be-de Shir à. Wu̱ ro̱ u̱n ko̱'o̱t-o̱ u̱n ma-to̱ rwu̱u̱ne̱ be-de Shir à, wu̱ aragte̱ wu̱ ro̱ u̱n ce̱p u̱t-ma u̱n rem-u̱r ho̱r-de à, se̱ de̱ u̱rege̱ wa-m-muut m-rwo̱r u̱n yo wu̱ rwo̱re̱ à ro̱ ko̱n remen hun-ne̱ yan-dor Ye̱so bo̱'o̱su̱té̱.

Apisu-ne̱ 3:19

Komo no̱a nep was-m Kiristi mo̱ arge̱ be-de m-nap à. Ka da-de a shoos no̱ shi-mo̱ u̱n ho̱o̱g u̱r-be̱e̱b ne̱ rwu̱u̱n-mo̱ be-de Shir.

Apisu-ne̱ 5:18

No̱ yage̱ ke̱-m ho no̱ á. Yo ka co̱w-yo m-sabre̱ yo. U̱n su̱ge̱-de u̱n kaane̱, shi no̱ u̱n Ku̱kt-o̱ Shir.

Apisu-ne̱ 6:18

Ko̱ de ke ho̱-de no̱ no̱m u̱s-ko̱n u̱n be̱e̱b-de u̱n Ku̱kt-o̱ Shir u̱n ko̱ yo ke rii-yo no̱ m-no̱m à. Se̱ngu̱ no̱ ko̱n-se Shir u̱n rii-yo no̱ o-hoob à. Ko̱n no̱ ko̱ o̱ ke da-o̱, bo̱ Ku̱kt-o̱ Shir kutu no̱ à. No̱ gyept yish á, se̱nge̱ no̱ ko̱n-se Shir remen hun-ne̱ ye̱ Shir myet.

1 Bitrus 1:12

Amba Shir kutute̱ ká yan-Rwo̱r u̱n Ma-to̱ Shir ye̱ u̱nze, ye̱ ro̱ no̱ m-nome̱ m-gu̱w ba hi u̱n de u̱n ye̱ á. Ka rem-se ye̱ rwo̱re̱ n-ga à mo̱sse̱ u̱n Kiristi ne̱, m-mo̱ka ye̱ ken hun-ne̱ ye̱ ru̱ru̱tu̱ no̱ Ma-to̱ m-Re̱re̱m u̱n bu̱-yo u̱n Ku̱kt-o̱ Shir, o̱ a to̱mne̱ rwu̱u̱n-mo̱ n-To̱n u̱n shir à. Ka nip-o̱ o̱ mo̱sse̱ u̱n bo̱ Shir ruru na ne̱ à, o̱ yan-to̱m ye̱ Shir co̱ne̱ m-byarag à.

2 Bitrus 1:21

Me̱ u̱n ze̱e̱ kááne̱ remen yan-Rwo̱r u̱n Ma-to̱ Shir ye̱ boog ge̱n u̱n ko̱ rii gaan remen ye̱ u̱n hi u̱n de u̱n ye̱ á, ko̱ wu̱ ken wu̱ ru̱ ye̱ m-ge̱n á amba Ku̱kt-o̱ Shir o̱ teke̱ ye̱ co.