Se̱nge̱-mo̱ 2:30 - Mɑ‑to̱ Shir Taku̱rda-o swo̱r o-nu pu̱-o̱

³⁰ Dawuda wan-Rwo̱r u̱n Ma-to̱ Shir wu̱, komo wu̱ nepste̱ Shir e̱ssu̱ssu̱te̱ u̱t-ma u̱n wu̱ ne̱ mo̱sse̱ u̱s-to̱nd ne̱, u̱nze wu̱a sagbe̱ wu̱ ken wu̱ u̱t-gwo̱mo n-te̱ baag-o u̱n wu̱, bo̱ wu̱ sagbu̱ to̱ Dawuda à.

Se̱nge̱-mo̱ 2:30 ပူးပေါင်းရင်းမြစ်များ

Matiyos 22:43

Ye̱so ze̱e̱ru̱ ye̱, “To̱, ¿re no̱me̱ Dawuda u̱n be̱e̱b-de o-Ku̱kt, wu̱ ro̱tte̱ wu̱ m-ze̱e̱ ‘Go̱s-wu̱’? Remen Dawuda ze̱e̱g,

Matiyos 27:35

Bo̱ ye̱ kemtu̱ wu̱ à, karma-ne̱ no̱mu̱ru̱ o-gwambe̱ remen gund-to̱ u̱n wu̱. Ye̱ wongu̱ru̱ matuku-to̱ u̱n wu̱.

Markus 12:36

Ku̱kt-o̱ Shir rwo̱'o̱g Dawuda m-ze̱e̱: “ ‘Yawe ze̱e̱g Wan-Ko̱yan re: “She'et kàne̱ so̱ u̱n kom-o̱ u̱n re̱ u̱n de se̱ u̱m rwo̱'o̱g yan-yage̱-u̱t ru u̱n ku̱s-o̱ u̱n na-o ru.” ’

Ruka 24:44

Ka da-de wu̱ ze̱e̱ru̱ ye̱, “Ka rii-yo u̱m ru̱ru̱ no̱ à, yo ro kon da-o̱ u̱m ro̱'e̱ u̱n no̱ ne̱ à: Kap yo a ge̱ne̱ mo̱sse̱ u̱n me̱ ne̱ à, be-de u̱n karamsa-o Mosa, ge̱n-mo̱ u̱n yan-Rwo̱ru̱ u̱n Ma-to̱ Shir, u̱n taku̱rda-o̱ u̱n Se̱p-to̱ u̱r-Bo̱ngo̱n ne̱ komo, a shi o-nip.”

Se̱nge̱-mo̱ 1:16

“O̱r re ne̱, se̱ Ma-to̱ Shir shiig o-nip to̱ Ku̱kt-o̱ Shir rwo̱re̱ n-ga u̱n nu-o ko-Gwo̱mo Dawuda mo̱sse̱ u̱n Yahudas ne̱ à, wu̱ hante̱ bu̱-se a shipte̱ Ye̱so à.

Roma-ne̱ 1:3

Ka Ma-to̱ m-Re̱re̱m to̱, to̱ u̱n Wà u̱n wu̱ to̱, wu̱ rwu̱u̱ne̱ so̱ u̱n baag-o ko-Gwo̱mo Dawuda à, be-de u̱n mat-o̱ o-wu̱r.

Roma-ne̱ 15:12

Komo Ishaya ze̱e̱ru̱: “Wu̱ ken wu̱ a rwu̱u̱n u̱n hur-o Je̱sse̱, wu̱a haan wu̱ no̱m gwo̱mo-to̱ u̱n ye̱ ro̱ Yahuda-ne̱ á. Komo ye̱a hu̱u̱ sakto̱-o̱ u̱n ye̱ be-de u̱n wu̱.”

2 Timoti 2:8

Baks u̱n bo̱ Ye̱so Kiristi ro̱ à. Wu̱ Shir 'yonse̱ u̱t-marimar à, wu̱ rwu̱u̱ne̱ u̱n baag-o Dawuda à, ka Ma-to̱ m-Re̱re̱m to̱, to̱ ma Kiristi, to̱ me̱ m-ko̱'o̱te̱ u̱n hun-ne̱ à.

Yahuda-ne̱ 1:1

N-ga N-ga, Shir no̱mo̱g u̱t-ma u̱n tat-ne̱ na ne̱ be-to̱ u̱n yan-Rwo̱r u̱n Ma-to̱ Shir o-da u̱t-mo̱o̱r ne̱, u̱s-co̱w ne̱ u̱n ho̱n u̱n ho̱n.

Yahuda-ne̱ 3:7

To̱, yo Ku̱kt-o̱ Shir zee à, yo ro̱: “Caane̱, u̱rege̱ no̱ ho̱gu̱te̱ co̱r-o̱ Shir,

Yahuda-ne̱ 4:7

Shir e̱ste̱ o̱ ken da-o̱ o̱ m-co̱w be-de u̱n wu̱we̱-de u̱n wu̱, komo ka da-o̱ caane̱ o̱. N-ga n-ga, wu̱ ru̱ru̱te̱ Dawuda wu̱ do swo̱r u̱n ka nu-o̱, bo̱ u̱m ro ze̱e̱ge̱ à, “Caane̱, u̱rege̱ no̱ ho̱gu̱te̱ co̱r-o̱ Shir, no̱ jar-o jar no̱ nom cikt-de u̱r-hur á.”

Yahuda-ne̱ 6:17

Ka ye̱ roa go̱ks yo wu̱ swo̱re̱ o-nu à, Shir u̱n co̱n ye̱ nept u̱nze wu̱ à kuse̱ á, remen kaane̱ wu̱ do̱o̱ru̱ m-to̱nd u̱n ka swo̱'ru̱ nu-o̱.

2 Bitrus 1:21

Me̱ u̱n ze̱e̱ kááne̱ remen yan-Rwo̱r u̱n Ma-to̱ Shir ye̱ boog ge̱n u̱n ko̱ rii gaan remen ye̱ u̱n hi u̱n de u̱n ye̱ á, ko̱ wu̱ ken wu̱ ru̱ ye̱ m-ge̱n á amba Ku̱kt-o̱ Shir o̱ teke̱ ye̱ co.

U̱t-Hyangan 17:14

Ye̱a gu̱n u̱r-gu̱n u̱n Ya o-Rwu̱u̱g o-Ca ne̱. Amba ka Rwu̱u̱g-o Ca-yo yoa re u̱r-ho̱ be-de u̱n ka gwo̱mo-ne̱ ye̱ remen wu̱ ro̱ Wan-Ko̱yan wu̱ u̱n yan-ko̱yan-ne̱, komo ko-Gwo̱mo-wu̱ u̱n gwo̱mo-ne̱. Wu̱a she'et u̱n ka hun-ne̱ ye̱ ye̱ wu̱ bane̱, u̱n ye̱ wu̱ daagne̱ ne̱ à, u̱n ye̱ ro̱ m-do̱re̱ hur-u̱r gaan ne̱ à.”

U̱t-Hyangan 19:16

U̱n matuku-de u̱n wu̱, komo u̱n kut-o̱ u̱n wu̱ ne̱, a ge̱ne̱ ka jin-de: Ko-Gwo̱mo-wu̱ u̱n gwo̱mo-ne̱, komo wu̱ jiishe̱ m-se̱k be-de u̱n se̱k-ye̱ à.