Se̱nge̱-mo̱ 2:23 - Mɑ‑to̱ Shir Taku̱rda-o swo̱r o-nu pu̱-o̱

²³ Ka ne̱t-wu̱, a u̱n ya'as no̱ wu̱ u̱n bo̱ Shir ro e̱ste̱ à. Komo u̱n nap-o̱ u̱n wu̱ ne̱, no̱ kamu̱ wu̱, no̱ hoot wu̱ u̱n kom-to̱ ya-u̱r-ba'as n-to̱n o-kan.

Se̱nge̱-mo̱ 2:23 ပူးပေါင်းရင်းမြစ်များ

Matiyos 20:19

Ka da-o̱ ye̱a ya'as wu̱ u̱n kom-to̱ u̱n Roma-ne̱. Ye̱ nomo wu̱ u̱r-ar, ye̱ nomo wu̱ u̱s-so̱ro̱g, komo ye̱ kem wu̱. Amba u̱n ho̱-u̱r atette̱-de a 'yons wu̱.”

Matiyos 26:24

Me̱ u̱n ze̱e̱ kaane̱, remen me̱ Wà-wu̱ u̱n ne̱t se̱ u̱m marag bo̱ Ma-to̱ Shir zee cin n-ga à. Amba rii-yo u̱r-'wo̱n yo ká wu̱ he ya'as u̱n ‘Wà-wu̱ u̱n ne̱t à’! Roa jiish ká ne̱t-wu̱ ma a ro yagu̱tu̱ wu̱ m-mat.”

Matiyos 27:35

Bo̱ ye̱ kemtu̱ wu̱ à, karma-ne̱ no̱mu̱ru̱ o-gwambe̱ remen gund-to̱ u̱n wu̱. Ye̱ wongu̱ru̱ matuku-to̱ u̱n wu̱.

Markus 15:24

Ka da-de ne̱, ye̱ kamu̱ru̱ wu̱ o-kan. Bo̱ ye̱ kemte̱ wu̱ à, ye̱ wongu̱ru̱ hi u̱n de u̱n ye̱ co̱p-to̱ u̱n wu̱. Ye̱ ro u̱n no̱m o-gwambe̱ remen ye̱ hyenet rii-yo ko̱wan he m-kum à.

Ruka 22:22

Wà-wu̱ u̱n ne̱t wu̱a mer bo̱ Shir e̱sse̱ à. Amba ka wu̱ yase̱ Wà-wu̱ u̱n ne̱t, wu̱a warag rii-yo u̱r-'wo̱n!”

Ruka 22:37

No̱m no̱ yo, remen Ma-to̱ Shir to̱ ze̱e̱g, ‘A muut wu̱ ko-ya-u̱r-ba'as,’ se̱ to̱ waragte̱ o-nip, remen to̱ a ge̱ne̱ u̱t-ma re à to̱a mit o-nip.”

Ruka 23:33

Bo̱ ye̱ wo̱o̱ne̱ de ken be-de a m-ze̱e̱, Caar-o̱ u̱r-hi, ye̱ kamu̱ru̱ Ye̱so kane̱ o-kan u̱n ka hyow-ne̱ ye̱ ne̱ yoor, wan-gaan so̱ u̱r-re̱, wan-gaan so̱ u̱r-kwanta.

Ruka 24:20

Gwo̱mo-ne̱ ye̱ u̱n ko̱n-se Shir be u̱n te̱, u̱n ya-o-dak-ne̱ heete̱ wu̱ be-u̱r Biratus a ho, a kamag wu̱ o-kan.

Yohana 19:18

Kane̱ o̱, ye̱ kame̱ wu̱ o-kan. A kamag ne̱n yoor tomso ne̱, Ye̱so dooru̱ ye̱ tet, wan-gaan u̱n kom-o̱ u̱r-kwanta, wan-gaan u̱n kom-o̱ u̱r-re̱. Ye̱so ro̱ u̱n te̱te̱-o̱ u̱n ye̱.

Yohana 19:24

Ye̱ ze̱e̱ru̱ hi u̱n de u̱n ye̱, “Taase a yoog-de, se̱ de̱ a nom no̱ o-gwambe̱, a gu̱t ne̱t-wu̱ he de m-re̱ à. Wu̱ re̱ ne̱ à, wu̱ wu̱ ro̱ wa-u̱r-matuku.” An no̱m kááne̱ remen a shoosté̱ rii-yo a ge̱ne̱ n-me̱ Ma-to̱ Shir à, u̱nze, “Ye̱ wongu̱te̱ hi u̱n de u̱n ye̱ co̱p-u̱t re. Matuku u̱n de ne̱, ye̱ no̱mu̱ru̱ o-gwambe̱ u̱n de.” Ka bo̱-se ne̱ ka karma-ne̱ ye̱ no̱me̱.

Se̱nge̱-mo̱ 13:27

Remen ya-u̱r-she'et o-Urusharima u̱n se̱k-ye̱ ye̱ u̱n ye̱ ne̱, ye̱ nap u̱nze wu̱ ro̱ Wan-Gwu̱ á. Komo ye̱ nap ma-to̱ u̱n yan-Rwo̱r u̱n Ma-to̱ Shir to̱ a m-karante̱ u̱n ko̱ de ke Ho̱-de u̱r-Wu̱we̱ de á. Amba ye̱ shooste̱ ka ma-to̱ yan-Rwo̱r u̱n Ma-to̱ Shir to̱ be-de u̱n 'ya u̱n Ye̱so u̱r-ko̱o̱b.

Se̱nge̱-mo̱ 15:18

u̱m rwo̱'o̱g hun-ne̱ re ye̱ nep ka rem-se cin n-ga.’

Se̱nge̱-mo̱ 2:36

“Remen kaane̱, kap o̱ u̱n hun-ne̱ ye̱ o-Isra ye̱ nep u̱nze ka Ye̱so-wu̱ a kame̱ o-kan à, Shir muutu̱ wu̱ Wan-Ko̱yan, komo u̱n Kiristi.”

Se̱nge̱-mo̱ 3:18

Amba u̱n kaane̱ Shir shooste̱ rii-yo wu̱ rwo̱re̱ u̱n nu-o̱ u̱n yan-rwo̱r u̱n ma-to̱ u̱n wu̱ à kap u̱nze, Kiristi, wu̱a su̱ u̱r-ko̱o̱b.

Se̱nge̱-mo̱ 4:28

Ye̱ u̱n no̱m u̱n yo be̱e̱b u̱n du u̱n hur u̱n du ne̱ e̱sse̱ m-no̱m à cin n-ga ne̱ ne̱.

Se̱nge̱-mo̱ 5:28

Wu̱ ze̱e̱ru̱, “Te̱ nak no̱ u̱t-to̱ de̱e̱n de̱e̱n taase no̱ do u̱r-yoos u̱n ka jin-u̱r Ye̱so de. Amba ko̱wan o-Urusharima nepste̱ rii-yo no̱ u̱r-yoos à, har ma hoob-o̱ no̱tte̱ no̱ duusu̱tu̱ te̱ ra-o̱ u̱n hyó-mo̱ u̱n ka ne̱t-wu̱.”

Se̱nge̱-mo̱ 5:30

Shir tat-ne̱ na 'yonste̱ Ye̱so u̱t-marimar, ka wu̱ no̱ ho̱'e̱ ku̱nkam u̱n o̱go̱-kan o-ce à.

Se̱nge̱-mo̱ 7:52

¿N-me̱ u̱n yan-rwo̱r u̱n Ma-to̱ Shir, wu̱ tato no̱ ne̱ yage̱ m-rangse̱ à, wu̱ ro̱ ko̱n? Ye̱ ho̱o̱g ka ye̱ no̱me̱ u̱t-ma u̱n haan-mo̱ u̱n ka wan-Kashi u̱r-she'et wu̱ ne̱ à. No̱ komo, no̱ ya'aste̱ wu̱ u̱n kom-to̱ u̱n ya-o-Roma, bo̱ no̱ ho̱ wu̱ à.

Roma-ne̱ 2:12

Kap ye̱ no̱me̱ u̱r-ba'as rii-yo karamsa-o Mosa wo̱o̱nte̱ à, Shir a piishe̱ ye̱ u̱t-ma ba o-karamsa. Ye̱ no̱me̱ komo u̱r-ba'as u̱n neps u̱n karamsa-o Mosa à, n-te̱ u̱n karamsa-o Mosa, Shir he ye̱ piishe̱ u̱t-ma.

Roma-ne̱ 4:17

Ma-to̱ Shir ze̱e̱g, “Ibrahi a warag tato-o̱ u̱n hun-ne̱ ye̱ u̱t-dak de̱e̱n.” Ka swo̱o̱ru̱ nu-o̱ a hyenu̱ste̱ o̱ cas be-de Shir wu̱ Ibrahi she̱re̱ u̱n wu̱ à. Wu̱ ro̱ u̱n 'ya u̱n margan-ne̱ ho̱o̱g à, gom-to̱ u̱n wu̱ komo to̱ ro̱ u̱r-be̱e̱b ne̱ de u̱n no̱m u̱n rii-yo ro̱kne̱ á, a hyen yo.

1 Tasaronika-ne̱ 2:15

Yahuda-ne̱ ye̱ ho̱ Wan-Ko̱yan Ye̱so u̱n yan-Rwo̱r u̱n Ma-to̱ Shir ne̱, ye̱ yengu̱ru̱ te̱ komo. Ye̱ u̱n naas u̱n Shir u̱t-me̱n de̱e̱n. Ye̱ u̱t-yage̱ u̱n ko̱wan ne̱!

1 Bitrus 1:2

Shir o-Tato, wu̱ dagnu̱ no̱ hun-ne̱ ye̱ u̱n wu̱, komo Ku̱kt-o̱ muutu̱ no̱ ba u̱r-ba'as. Wu̱ u̱n no̱m kaane̱ remen no̱ nomoté̱ Ye̱so Kiristi o-do̱ro̱tte̱ komo wu̱ so'osté̱ no̱ u̱n bu̱-yo u̱n hyó-mo̱ u̱n wu̱. U̱m ko̱no̱g Shir 'ye no̱ m-yar, komo wu̱ se̱ngu̱ no̱ m-'ya u̱n gwu̱gwu̱-mo̱ u̱r-hur de̱e̱n.

1 Bitrus 1:20

Shir u̱n dagan Kiristi cin ba a ro no̱mo̱g ho̱no o-dak. Amba Shir rwu̱u̱nte̱ wu̱ á, se̱ u̱n ka ho̱-to̱ u̱r-ko̱m to̱ rem no̱.

1 Bitrus 2:8

Ma-to̱ Shir ze̱e̱g, “Ka ta'ar-de ro̱ m-rwo̱ u̱r-pu̱kse̱, komo de ro̱ ye̱ m-he̱e̱s remen cikt-de u̱n ye̱.” Ye̱ ro̱ m-pu̱kse̱ remen ye̱ yagu̱te̱ o-do̱ro̱tte̱ u̱n Ma-to̱ Shir, o̱ ye̱tte̱ m-oos u̱n kwu̱kwu̱r-de Shir cooge̱ remen u̱n go̱ u̱n ye̱ à.

Yahudas 1:4

Me̱ u̱n rwo̱r kaane̱ remen ye̱ ken hun-ne̱ ye̱ co̱wo̱g be u̱n no̱ wukusse̱. Ye̱tt gye̱r-o̱ Shir á. Ye̱ ro̱ m-ze̱e̱ yar-mo̱ Shir ya'ag na u̱r-ke̱e̱r a she'ette̱ she'et-de ma saa. Ko̱m-de u̱n ka hun-ne̱ ro̱ cas cas remen ye̱ sha'ag Wan-Nap-u̱s na cot, Wan-Ko̱yan Ye̱so Kiristi. A nepste̱ ka yo ro̱ remen gense̱ to̱ ro̱ n-me̱ u̱n Ma-to̱ Shir cin n-ga.

U̱t-Hyangan 13:8

Kap o̱ u̱n hun-ne̱ ye̱ ro̱ u̱r-she'et u̱n ho̱no o-dak à ye̱ kwu̱ktu̱ru̱ ka nem-yo. Ye̱ ro̱ ka ye̱ a ge̱ne̱ jin-to̱ u̱n ye̱ n-me̱ u̱n ka taku̱rda-o̱ á. Ka taku̱rda-o̱ ro̱ taku̱rda-o̱ u̱n ho̱o̱g o̱ u̱n ká Ya o-Rwu̱u̱g o-Ca a pane̱ à. Cin ba a u̱n no̱m ho̱no o-dak, ká Ca-yo ge̱ne̱ jin-to̱ u̱n ká hun-ne̱ ye̱, ye̱ he m-she'et ba m-ta à.