Se̱nge̱-mo̱ 19:22 - Mɑ‑to̱ Shir Taku̱rda-o swo̱r o-nu pu̱-o̱

²² Wu̱ to̱mu̱ru̱ yan-gwu̱-o̱ u̱n wu̱ ne̱n yoor, ye̱ ro, Timoti ne̱ u̱n Erastus, ha-mo̱ o-Makidoniya, wu̱ ne̱ wu̱ do̱o̱bu̱ru̱ ya o-da u̱n dak-o̱ o-Asiya.

Se̱nge̱-mo̱ 19:22 ပူးပေါင်းရင်းမြစ်များ

Se̱nge̱-mo̱ 13:5

Bo̱ ye̱ wo̱o̱te̱ o-Saramis à, ye̱ ko̱'o̱te̱ Ma-to̱ Shir u̱n kuke̱-to̱ Yahuda-ne̱ to̱ u̱n yoos u̱n Ma-to̱ Shir. Yohana komo wu̱ ro mo̱sse̱ u̱n ye̱ ne̱, wu̱ ro ye̱ m-gu.

Se̱nge̱-mo̱ 16:1

Burus haaru̱ o-Darbe̱, o-Ristira ne̱. Wu̱ ken ko-ya-neke̱-m Ye̱so wu̱ ro n-me̱ o-Risiya à, jin-de u̱n wu̱ Timoti, wà-wu̱ u̱n wu̱ ken ne'a-wu̱ ko-Yahuda ko-yan-dor. Tato u̱n wu̱ komo ko-Girik-wu̱.

Se̱nge̱-mo̱ 16:3

Burus co̱nu̱ru̱ Timoti shii wu̱. Remen kaane̱, wu̱ deku̱ wu̱, wu̱ ko̱ru̱ wu̱ u̱r-ko̱. Wu̱ u̱n no̱m kaane̱ remen ka Yahuda-ne̱ ye̱ ro u̱n to̱ ka be-to̱ à, kap ye̱ nepste̱ tato u̱n wu̱ ko-Girik-wu̱.

Se̱nge̱-mo̱ 18:5

Da-o̱ Siras ne̱ u̱n Timoti wo̱o̱ne̱ rwu̱u̱n-mo̱ o-Makidoniya à, Burus ya'u̱ kap o̱ u̱n da-o̱ u̱n wu̱ u̱n ko̱'o̱t u̱n Ma-to̱ Shir. Wu̱ ro Yahuda-ne̱ m-ru̱re̱ o-nip u̱nze, Ye̱so wu̱ ro̱ Kiristi.

Se̱nge̱-mo̱ 19:10

Kaane̱ wu̱ se̱nge̱ m-no̱m har hak-u̱s yoor, har kap o̱ u̱n ya-u̱r-she'et u̱n dak-o̱ o-Asiya ho̱gu̱ru̱ ma-u̱t Wan-Ko̱yan, Yahuda-ne̱ u̱n kap ye̱ ro̱ Yahuda-ne̱ ne̱ á.

Se̱nge̱-mo̱ 19:21

Bo̱ u̱n no̱m-mo̱ u̱n se ka rem-se, Burus zo̱ngsu̱ru̱ hur-de u̱n wu̱ u̱nze wu̱a he o-Urusharima, amba se̱ wu̱ do̱ru̱te̱ so̱ u̱n dak-to̱ o-Makidoniya o-Akaya ne̱. Wu̱ ze̱e̱ru̱, “Komo me̱ heese̱ re̱e̱no̱, man gagte̱ hi u̱n de m-ha u̱m hyante̱ bo̱-o̱ o-Roma.”

Se̱nge̱-mo̱ 19:29

Ba u̱n naas o-da, bo̱-o argu̱ m-rukre̱. Hun-ne̱ nupu̱ru̱ u̱s-rek ha-mo̱ u̱n ka be-de atte̱ m-mo̱rge̱ à. Ye̱ ro m-huk u̱n Gayas ne̱ u̱n Aristarkus, hun-ne̱ ye̱ o-Makidoniya, ye̱ ro nay-ne̱ u̱n yan-hew-u̱r Burus ne̱ à.

Se̱nge̱-mo̱ 20:1

Bo̱ ka ween-to̱ hebu̱ssu̱te̱ à, Burus agnu̱ yan-dor Ye̱so, wu̱ dooru̱ ye̱ jaab-o̱ u̱t-me̱n. Wu̱ ze̱e̱ru̱ ye̱ se̱ ho̱-u̱r ho̱r-de, wu̱ argu̱ru̱ dak-o̱ o-Makidoniya.

Se̱nge̱-mo̱ 20:34

No̱ u̱n hi u̱n no̱ no̱ nepste̱ u̱m no̱mo̱g m-se̱nge̱ u̱n kom-u̱t re remen u̱m nomoté̱ hi u̱n de rii-yo u̱m co̱ne̱ à u̱n yo ye̱ ro̱ be-u̱r gaan u̱n me̱ ne̱ ne̱ co̱ne̱ ne̱ à.

Roma-ne̱ 16:23

Gayas ro̱ no̱ m-gas. Wu̱ barku̱tu̱ me̱ u̱n hur-o̱ u̱n wu̱, komo yan-dor Ye̱so ro̱ u̱r-mo̱ro̱g u̱n hur-o̱ u̱n wu̱. Erastus, wan-e̱ss-de u̱n hwo̱r u̱n kà bo̱-o̱, u̱n o̱r na Kwartus ne̱ ro̱ no̱ m-gas.

2 Korinti-ne̱ 1:16

U̱m zo̱ngu̱te̱ u̱m do̱nte̱ raag-o no̱ me̱ ro̱ m-ha dak-o̱ o-Makidoniya u̱m do̱nd komo da-o̱ me̱ mu̱u̱ne̱, remen u̱m kumut gwu̱ no̱. Ka da-de no̱a hoks me̱ m-to̱m ha-mo̱ u̱n dak-o̱ o-Judiya.

2 Korinti-ne̱ 11:9

Da-o u̱m ro be u̱n no̱ à, me̱tt hwo̱r á. Myet u̱n kaane̱ ne̱ me̱ sawsu̱ no̱ u̱s-nu̱ ka da-o̱ á. O̱r na yan-dor ye̱ ro̱ n-me̱ u̱n dak-o̱ o-Makidoniya à ye̱ hante̱ kap yo me̱ m-co̱n à. Me̱ sawsu̱ no̱ u̱s-nu̱ ka da-o̱ á, komo man se̱nge̱-m nom u̱n kaane̱.

2 Korinti-ne̱ 2:13

Myet u̱n kááne̱ ne̱ hur u̱n de de ru̱t á, remen me̱ hyan o̱r re Titus re̱e̱no̱ á. Remen kaane̱ u̱m ze̱e̱ru̱ ye̱ se̱ ho̱-u̱r ho̱r-de, u̱m argu̱ru̱ ha-mo̱ o-Makidoniya.

2 Korinti-ne̱ 8:1

O̱r re ne̱, m-mo̱ka komo te̱ co̱no̱g no̱ nep rii-yo yar-mo̱ Shir nome̱ n-me̱ u̱n yan-dor ye̱ Shir n-me̱ u̱n dak-o̱ o-Makidoniya.

2 Korinti-ne̱ 8:19

Arge̱ kaane̱ ma, yan-dor ye̱ Shir dak wu̱ remen wu̱ ma'asté̱ m-neke̱ mo̱sse̱ u̱n te̱ ne̱. Te̱a kamas yar-mo̱ u̱n hwo̱r be-de u̱n yan-dor Ye̱so remen yan-dor ye̱ o-Urusharima. Te̱ u̱n no̱m kaane̱ remen te̱ ya'asté̱ u̱t-go̱s be-de u̱n Wan-Ko̱yan u̱n hi u̱n de u̱n wu̱ komo remen te̱ kututé̱ u̱nze te̱ ru̱'u̱ste̱ u̱r-hur te̱ guut hun-ne̱.

1 Tasaronika-ne̱ 1:8

Remen be u̱n no̱ o̱, hun-ne̱ ye̱ rigimse̱ raag-o no̱ à ho̱ge̱ ma-u̱t Wan-Ko̱yan to̱ cu̱wu̱t ko̱ kene̱ u̱n ka raag-o̱, ba u̱n dak-to̱ o-Makidoniya u̱n o̱ o-Akaya ne̱ o̱ cot á. A nak u̱n she̱r-m no̱ ne̱ be-de Shir ko̱ kene̱, ba ma se̱ te̱ rwo̱ro̱g á.

2 Timoti 4:20

Erastus ro̱ ko̱n har m-mo̱ka n-me̱ bo̱-o̱ o-Korinti, komo u̱m yagnu̱te̱ Taro̱pimus n-me̱ bo̱-o o-Miritus wu̱ piishe̱ á.