Se̱nge̱-mo̱ 18:2 - Mɑ‑to̱ Shir Taku̱rda-o swo̱r o-nu pu̱-o̱

² Re̱e̱no̱ wu̱ 'wo̱sse̱ wu̱ ken ko-Yahuda-wu̱ jin-de u̱n wu̱ Akira, ko-yan-bo̱-o̱ o-Pantus. Akira u̱n ne'a u̱n wu̱ ne̱ Biskira, ye̱ she'et m-haan ne̱ u̱n bo̱-o̱ o-Korinti á, ye̱ u̱n rwu̱u̱n dak-o̱ o-Itariya. Ye̱ u̱n yage̱ o-Itariya remen ko-Gwo̱mo Sisar Karadiyos no̱ng o-karamsa, wu̱ zee kap o̱ u̱n Yahuda-ne̱ ye̱ ru n-me̱ bo̱-o̱ o-Roma. Burus argu̱ m-ha be-de u̱n ye̱ o-Korinti.

Se̱nge̱-mo̱ 18:2 ပူးပေါင်းရင်းမြစ်များ

Se̱nge̱-mo̱ 11:28

Wan-gaan be-de u̱n ye̱, jin-de u̱n wu̱ Agabus, wu̱ inu̱ru̱ eso. Wu̱ no̱mu̱ru̱ u̱t-ma u̱n be̱e̱b-de o-Ku̱kt u̱nze a nom o̱ ken caari-o̱ u̱n me̱r-o̱ u̱n ho̱no o-dak kap (To̱ ka komo to̱ no̱mo̱g u̱n da-o̱ ko-Gwo̱mo Sisar Karadiyos no̱me̱ gwo̱mo-to̱ u̱n dak-to̱ o-Roma kap à).

Se̱nge̱-mo̱ 18:18

Burus do̱o̱bu̱ru̱ u̱t-ho̱ hiin u̱n bo̱-o̱ o-Korinti. Ka da-o̱, wu̱ ze̱e̱ru̱ yan-dor se̱ de̱ ken ho̱-de. Biskira ne̱, u̱n Akira shiiru̱ Burus. Ye̱ co̱no̱g m-de̱k hat-o̱ m-ho̱ ha-mo̱ u̱n dak-o̱ o-Siriya. Remen kaane̱, ye̱ neku̱ru̱ bo̱-o̱ o-Kakiriya remen ye̱ co̱wu̱t o-hat. Amba rii-yo ye̱ inu̱te̱ o-Kakiriya, Burus oroste̱ hi-de u̱n wu̱ remen wu̱ swo̱ro̱g o-nu. Ye̱ daaru̱ hat-o̱ m-ho̱.

Se̱nge̱-mo̱ 18:26

Wu̱ taknu̱ m-ko̱'o̱t ba o-gye̱r, u̱n kuke̱-o̱ u̱n yoos u̱n Ma-to̱ Shir. Bo̱ Biskira ne̱ u̱n Akira ho̱gu̱te̱ wu̱ à, ye̱ naku̱ wu̱ n-riib. Ye̱ jamsu̱ wu̱ m-ru̱re̱ Co̱w-yo Shir m-so̱k ne̱, m-so̱k ne̱.

Se̱nge̱-mo̱ 2:9

Myet-m na ro̱ m-ho̱ge̱. Ye̱ ken ye̱ be-u̱r na: Ya-o-Patiya-ye̱, u̱n Ya-o-Madi-ne̱, u̱n Ya-o-Eram-ne̱, u̱n Ya-o-Me̱so̱po̱tami-ne̱, u̱n Ya-o-Judiya-ne̱, u̱n Ya-o-Kapado̱ki-ne̱, u̱n Ya-o-Pantus-ne̱, u̱n Ya-o-Asiya-ne̱, u̱n

Se̱nge̱-mo̱ 27:1

Bo̱ a hongsu̱te̱ da-o̱ m-neke̱ à, te̱ zo̱ngu̱ru̱ ha-mo̱ n-dak o̱ o-Itariya n-me̱ o-hat o̱ m-ho̱. Ko-Gwamna Agirippa rwo̱'u̱ru̱ Burus u̱n kom-to̱ u̱n wu̱ ken caari-wu̱ u̱n ko-karma-wu̱ u̱n Roma-ne̱ wu̱. Jin-de u̱n wu̱ Juriyos. Wu̱ ro wan-gaan be-de u̱n karma-ne̱ ye̱ u̱n Bu̱u̱g-u̱r ko-Gwo̱mo Sisar. Komo ko-Gwo̱mo Agirippa ya'asu̱ru̱ Juriyos ye̱ ken hun-ne̱ ye̱ a ka'e̱ à.

Se̱nge̱-mo̱ 27:6

Kane̱, caari-wu̱ u̱n ko-karma kume̱ o̱ ken hat-o̱ o-Arekzandiriya o̱ ro̱ m-ha o-Itariya à, wu̱ rwo̱'u̱ te̱ n-me̱.

1 Korinti-ne̱ 16:19

Hun-ne̱ yan-dor ye̱ u̱n dak-o̱ o-Asiya ro̱ no̱ u̱r-gas, u̱r-hur sak be-de u̱n Wan-Ko̱yan. Akira ne̱ u̱n Biskira, u̱n hun-ne̱ ne̱ yan-dor ye̱ ro̱ u̱r-mo̱ro̱g u̱n hur-o̱ u̱n ye̱ à, ye̱ ro̱ no̱ u̱r-gas de̱e̱n.

2 Timoti 4:19

Hakku̱re̱ o gassu̱ me̱ Biskira, u̱n campo̱ u̱n wu̱ ne̱ Akira. O gassu̱ me̱ komo, yan-den-o Onesiporus ne̱.

Yahuda-ne̱ 13:24

Gas no̱ myet ya-co no̱ ne̱, komo u̱n kap o̱ hun-ne̱ ye̱ Shir. O̱r na e̱s-mo̱ u̱n dak-o̱ o-Itariya, ye̱ no̱ ro̱ m-gas.

1 Bitrus 1:1

Me̱, Bitrus, ko-yan-To̱m Ye̱so Kiristi, ge̱nbe̱ ka taku̱rda-o̱, Ha-mo̱ u̱n be-de u̱n hun-ne̱ ye̱ Shir daage̱ u̱ntu̱n hamat-ne̱ u̱n ho̱no o-dak ye̱ cakre̱ u̱n dak-to̱ o-Pantus, o-Garatiya ne̱, o-Kapado̱ki ne̱, o-Asiya ne̱ komo o-Bitaniya ne̱ à.