Se̱nge̱-mo̱ 17:5 - Mɑ‑to̱ Shir Taku̱rda-o swo̱r o-nu pu̱-o̱

⁵ Amba Yahuda-ne̱ no̱mu̱ u̱r-shoob, ye̱ karagsu̱ru̱ ye̱ ken hun-ne̱ ye̱ o-saa ye̱ be-de a u̱t-baab à m-o̱ ne̱. Bo̱ ye̱ kargu̱te̱ kap o̱ u̱n ye̱ à, ye̱ 'yonsu̱ru̱ hur-de u̱n hun-ne̱ ye̱ o-bo̱. Ye̱ ruuru̱ u̱s-rek n-me̱ u̱n hur-o Jaso̱n. Ye̱ ro u̱n hoob-o Burus ne̱ u̱n Siras remen ye̱ hantu̱tú̱ ye̱ be-de u̱n hun-ne̱.

Se̱nge̱-mo̱ 17:5 ပူးပေါင်းရင်းမြစ်များ

Matiyos 27:18

(Biratus nepste̱ remen u̱r-shoob o̱ se̱k-ye̱ ye̱ u̱n Yahuda-ne̱ shipte̱ Ye̱so.)

Se̱nge̱-mo̱ 13:45

Amba bo̱ Yahuda-ne̱ hyente̱ mo̱ro̱g-de u̱n hun-ne̱ de̱e̱n à, shoob-u̱r ho̱o̱ru̱ ye̱. Ye̱ de̱k ma-to̱ Burus rwo̱re̱ á, ye̱ ro u̱n re̱e̱b-to̱ u̱n wu̱.

Se̱nge̱-mo̱ 14:19

Amba ye̱ ken Yahuda-ne̱ ye̱ haanu̱ru̱ rwu̱u̱n-mo̱ o-Antakiya o-Iko̱niya ne̱, ye̱ hoksu̱ru̱ hun-ne̱ ye̱ jiru̱ru̱ Burus u̱t-ta'ar ye̱ naku̱ wu̱ ha-mo̱ u̱n jim-de o-bo̱, ye̱ hyene̱ ye̱ zee wu̱ mereste̱.

Se̱nge̱-mo̱ 14:2

Amba Yahuda-ne̱ ye̱ yage̱ m-she̱r be-de Shir à, ye̱ argu̱ m-swo̱wo̱g u̱n ye̱ ro̱ Yahuda-ne̱ á, ye̱ naasu̱ she'et-de u̱n ye̱ u̱n yan-dor Ye̱so ne̱.

Se̱nge̱-mo̱ 17:13

Amba bo̱ Yahuda-ne̱ ye̱ ro o-Tasaronika ho̱gu̱te̱ u̱nze Burus ro u̱n rwo̱r u̱n Ma-to̱ o-Shir o-Biriya à, ye̱ haaru̱ ma ye̱ swo̱wu̱ hun-ne̱ u̱n ye̱ re̱e̱no̱, ye̱ ro u̱n 'yons u̱n hur-de u̱n ye̱.

Se̱nge̱-mo̱ 17:6

Bo̱ ye̱ hyente̱ ye̱ 'wo̱s ye̱ á, ye̱ naknu̱ru̱ Jaso̱n u̱n ye̱ ken yan-dor-ye̱ ne̱, ye̱ wootu̱ru̱ ye̱ har u̱n he̱r-o̱ u̱n yan-piish u̱t-ma. Ye̱ o-zaaz, ye̱ m-ze̱e̱, “Ka hun-ne̱ ye̱, ye̱ ro̱ m-'yons u̱n hur-de u̱n hun-ne̱ ko̱ kene̱ ho̱no o-dak à, ye̱ ka haane̱ har kane̱.

Se̱nge̱-mo̱ 17:7

Har ma Jaso̱n 'ye ye̱ be-de u̱r-she'et. Myet-mo̱ u̱n ye̱ ne̱ komo ye̱ ro̱ m-jetem u̱n karamsa-o ko-Gwo̱mo Sisar. Ye̱ ro̱ m-ze̱e̱ wu̱ ken ko-Gwo̱mo-wu̱ ro̱ ko̱n, u̱nze jin-de u̱n wu̱ Ye̱so.”

Se̱nge̱-mo̱ 17:9

Ye̱ ho'os Jaso̱n u̱n ye̱ ka ne̱ á, se̱ da-o̱ ye̱ go̱kse̱ hwo̱r-ye̱ o-be̱ri u̱n kom-to̱ u̱n ye̱ à.

Se̱nge̱-mo̱ 18:12

Amba da-o̱ Gariyo ro̱ ko-Gwamna u̱n dak-o̱ o-Akaya à, Yahuda-ne̱ gamu̱ u̱t-hi ye̱ katu̱ Burus, ye̱ heetu̱ wu̱ be-de yan-piish u̱t-ma.

Se̱nge̱-mo̱ 19:40

Remen ka mo̱ro̱g-de ro depete̱ á. Ye̱ ken gwo̱mo-ne̱ piishité̱ na u̱t-ma remen ka gu̱n-de. Komo a hoks m-shas yan-piishe̱ u̱t-ma á.”

Se̱nge̱-mo̱ 7:9

“Remen ka ya-n-ga-ye̱ ro u̱n shoob-u̱r heno u̱n ye̱ Yusuhu, ye̱ babu̱ wu̱. A heetu̱ wu̱ dak-o̱ o-Masar. Amba Shir ro mo̱sse̱ u̱n wu̱ ne̱.

Roma-ne̱ 16:21

Timoti o̱r re be-de m-se̱nge̱ ro̱ no̱ m-gas. Kaane̱ komo Rushiyos, u̱n Jaso̱n ne̱, u̱n Sosipata ne̱ ro̱ no̱ m-gas, myet-mo̱ u̱n ye̱ o̱r re u̱n Yahuda-ne̱ ye̱.

1 Korinti-ne̱ 3:3

Remen har m-mo̱ka no̱ u̱n hur-de ma-hun ne̱. Remen no̱ u̱n shoob-de u̱n o̱r no̱ ne̱ yan-dor, komo no̱ m-dum u̱n hi u̱n no̱ u̱n hi u̱n no̱. Da-o̱ no̱ nome̱ go̱n ka rem-se, ai har m-mo̱ka no̱ ro̱su̱ru̱ u̱n hur-de ma-hun ne̱ o̱ ka. Nip-o̱ no̱ ro̱ m-nom u̱ntu̱n hun-ne̱ ye̱ nape̱ Shir á.

2 Korinti-ne̱ 11:26

Ko̱ o̱ ke da-o̱ me̱ u̱r-hew. U̱m gontu̱te̱ o-darem n-me̱ u̱t-ro̱o̱g, o-darem u̱n kom-to̱ u̱n ya-u̱r-kwu̱p. O-darem u̱n kom-to̱ u̱n ye̱ ro̱ yan-dak-o re à, o-darem be-de u̱n ye̱ ro̱ Yahuda-ne̱ á, o-darem n-me̱ o-bo̱, o-darem n-me̱ o-ko̱t, o-darem n-me̱ m-sa, komo o-darem be-de u̱n o̱r re ne̱ yan-dor ye̱ u̱t-bo̱.

Garatiya-ne̱ 5:21

U̱r-shoob ne̱, Mar-mo̱ m-swo̱ komo, Ye̱ ro̱ u̱n mo̱sse̱ u̱t-hi be-de m-no̱m o-ás u̱n bu̱-yo u̱n su̱ swo̱o̱g ne̱, u̱n Se ken rem-se ne̱ u̱ntu̱n kaane̱. Me̱ no̱ m-ke̱we̱s, u̱ntu̱n bo̱ u̱m ke̱wse̱ no̱ n-ga à, u̱nze ye̱ ro̱ m-no̱m u̱n go̱ u̱n ka rem-se à, ye̱a kum m-co̱w n-me̱ u̱n Gwo̱mo-to̱ Shir á.

Garatiya-ne̱ 5:26

Taase a warag yan-'yons u̱r-hi ko̱ yan-'yons u̱n hur-de u̱n hun-ne̱, ko̱ yan-shoob-de u̱n ye̱ ken ya á.

1 Tasaronika-ne̱ 1:6

No̱ yooste̱ go̱n she'et u̱n te̱ u̱n de ma Wan-Ko̱yan ne̱ komo, no̱ go̱ksu̱ru̱ Ma-to̱ Shir; Ku̱kt-o̱ Shir ye'et no̱ zak-o̱ u̱r-hur, ko̱ de̱ no̱mte̱ no̱ swo̱o̱g u̱r-ko̱o̱b de̱e̱n à.

Yakubu 4:5

Taase no̱ zee bo̱-to̱, Ma-to̱ Shir to̱ ro̱ gense̱ à u̱nze, “Ku̱kt-o̱ Shir ya'e̱ na à, o̱ ro̱ u̱r-shoob ne̱, o̱ co̱no̱g a she'et ba m-ku̱ko̱p.”