Se̱nge̱-mo̱ 17:4 - Mɑ‑to̱ Shir Taku̱rda-o swo̱r o-nu pu̱-o̱

⁴ Ye̱ ken hun-ne̱ ye̱ u̱n Yahuda-ne̱ komo u̱n Girik-ne̱ ne̱ “Yan-se̱ps u̱n Shir” mo̱sse̱ u̱n caari-ye̱ u̱n ne'a-ne̱ ne̱ u̱t-mo̱o̱r ne̱ de̱e̱n, kap ye̱ deku̱ ma-u̱t Burus ne̱ u̱n Siras, komo ye̱ mo̱ssu̱ru̱ u̱t-hi u̱n ye̱ ne̱.

Se̱nge̱-mo̱ 17:4 ပူးပေါင်းရင်းမြစ်များ

Yohana 7:35

Yahuda-ne̱ ze̱e̱ru̱ hi u̱n de u̱n ye̱, “¿Ke co̱-o̱ ne̱ wu̱ he'e̱, har atte̱ à hoks wu̱ m-hyan á? ¿Wu̱ ro̱ m-ha be-de u̱n Yahuda-ne̱ ye̱ ro̱ cakarse̱ u̱n bo̱-u̱t ho̱r-to̱, wu̱ yoosu̱te̱ ya-o-Girik ká co̱-se?”

Se̱nge̱-mo̱ 13:43

Bo̱ hun-ne̱ caagu̱te̱ à, Yahuda-ne̱ u̱t-mo̱o̱r ne̱, komo u̱n Girik-ne̱ ye̱ muute̱ hi u̱n de u̱n ye̱ Yahuda-ne̱ à, u̱n ye̱ do̱ru̱ Burus ne̱, u̱n Barnabas. Ye̱ komo ye̱ nome̱ ye̱ u̱t-ma ye̱ do̱o̱ru̱ m-'wo̱ns remen ye̱ reet co u̱r-she'et n-me̱ u̱n yar-mo̱ Shir.

Se̱nge̱-mo̱ 13:50

Amba Yahuda-ne̱ swo̱wu̱ru̱ ye̱ ken ne'a-ne̱ ye̱ “Yan-se̱ps u̱n Shir,” ye̱ a m-'ya u̱t-go̱s à, komo u̱n ye̱ ken campo̱-ne̱ ye̱ ne̱ u̱n caari-ye̱ u̱n hun-ne̱ ne̱ ye̱ u̱n bo̱-o̱ u̱n ye̱ ne̱. Ye̱ 'yonsu̱ u̱t-ween u̱n Burus ne̱, u̱n Barnabas, ye̱ yanu̱ ye̱ u̱n bo̱-o̱ u̱n ye̱.

Se̱nge̱-mo̱ 14:1

Komo, u̱n bo̱-o̱ o-Iko̱niya, Burus ne̱, u̱n Barnabas ye̱ co̱wu̱ru̱ kuke̱-o̱ Yahuda-ne̱ o̱ u̱n yoos u̱n Ma-to̱ Shir bo̱ ye̱ we̱te̱ à. Ye̱ ko̱'o̱tu̱ru̱ Ma-to̱ Shir u̱n be̱e̱b-de Ku̱kt-o̱ Shir, har hun-ne̱ de̱e̱n Yahuda-ne̱ u̱n ye̱ ro̱ Yahuda-ne̱ á, ye̱ she̱re̱g be-de Shir.

Se̱nge̱-mo̱ 14:4

Amba hun-ne̱ ye̱ u̱n bo̱-o̱ o-Iko̱niya wongu̱ be-u̱t yoor, ye̱ ken ye̱ ro u̱n shas-o̱ Yahuda-ne̱, ye̱ ken ye̱ komo u̱n shas-o̱ u̱n yan-To̱m Ye̱so.

Se̱nge̱-mo̱ 15:22

Yan-To̱m Ye̱so u̱n se̱k-ye̱ ne̱, mo̱sse̱ u̱n kap o̱ u̱n hun-ne̱ ne̱ yan-dor, ye̱ hyanu̱ru̱ depete̱ ye̱ deeg ye̱ ken ye̱ be-de u̱n ye̱, ye̱ tomot ye̱ ha-mo̱ o-Antakiya mo̱sse̱ u̱n Burus ne̱ u̱n Barnabas. Ye̱ dagnu̱ Yahudas (wu̱ a m-ze̱e̱ Baru̱sabas à), komo u̱n Siras ne̱, ye̱ ro̱ go̱s-ye̱ be-de yan-dor à.

Se̱nge̱-mo̱ 15:27

Remen kaane̱, te̱ to̱mbu̱te̱ Yahudas u̱n Siras. Ye̱ u̱n hi u̱n de u̱n ye̱ ye̱a rwu̱ntu̱ no̱ nip-o̱ u̱n ka rem-se u̱n nu-o̱ u̱n ye̱.

Se̱nge̱-mo̱ 15:32

Yahudas u̱n Siras komo, remen ye̱ hi u̱n de u̱n ye̱ yan-Rwo̱r u̱n Ma-to̱ Shir ye̱, ye̱ naku̱ru̱ o̱r u̱n ye̱ ne̱ u̱t-to̱ u̱t-ma ne̱ de̱e̱n, ye̱ dooru̱ ye̱ m-'wo̱ns.

Se̱nge̱-mo̱ 15:40

Amba Burus daagu̱ Siras. Da-o̱ yan-dor ru̱'u̱su̱ ye̱ n-me̱ u̱n yar-m Wan-Ko̱yan mo̱ eret ye̱ à, ye̱ inu̱ru̱.

Se̱nge̱-mo̱ 16:3

Burus co̱nu̱ru̱ Timoti shii wu̱. Remen kaane̱, wu̱ deku̱ wu̱, wu̱ ko̱ru̱ wu̱ u̱r-ko̱. Wu̱ u̱n no̱m kaane̱ remen ka Yahuda-ne̱ ye̱ ro u̱n to̱ ka be-to̱ à, kap ye̱ nepste̱ tato u̱n wu̱ ko-Girik-wu̱.

Se̱nge̱-mo̱ 17:10

Bo̱ te̱t-m rewte̱ à, yan-dor shiiru̱ Burus ne̱ u̱n Siras ye̱ neke̱ bo̱-o̱ o-Biriya. Bo̱ ye̱ woote̱ re̱e̱no̱ à, ye̱ co̱wu̱ru̱ kuke̱-o̱ u̱n Yahuda-ne̱ o̱ u̱n yoos u̱n Ma-to̱ Shir.

Se̱nge̱-mo̱ 17:12

Remen kaane̱ hun-ne̱ de̱e̱n be-de u̱n Yahuda-ne̱ bo̱pu̱ru̱ o-nip, har u̱n ye̱ ken ne'a-ne̱ ye̱ ne̱ ye̱ u̱n Girik-ne̱ go̱s-ye̱, go̱s-ye̱ komo u̱n campo̱-ne̱ ne̱ ye̱ u̱n Girik-ne̱ de̱e̱n.

Se̱nge̱-mo̱ 17:14

Da-o gaan, komo yan-dor rwo̱'u̱ru̱ Burus wu̱ neke̱ n-riib m-sa. Amba Siras ne̱ u̱n Timoti ye̱ e̱su̱ru̱ kane̱ to kon.

Se̱nge̱-mo̱ 17:17

Remen kaane̱ wu̱ ro u̱t-ma n-me̱ u̱n kuke̱-o̱ u̱n yoos u̱n Ma-to̱ Shir u̱n Yahuda-ne̱, u̱n ye̱ ken ye̱ ne̱ “Yan-se̱ps u̱n Shir.” Ko̱ de ke ho̱-de wu̱ ro u̱t-ma u̱n ye̱ wu̱ ro m-kum ne̱ be-de u̱t-baab à.

Se̱nge̱-mo̱ 17:34

Amba ye̱ ken ye̱ wargu̱ru̱ be-u̱r Burus ye̱ she̱ru̱ u̱n ma-to̱ u̱n wu̱, n-me̱ u̱n ye̱ har u̱n Diyonisiyus ne̱, wan-gaan be-de u̱n ka mo̱ro̱g-de u̱n ya-u̱s-nap de, u̱n wu̱ ken ne'a-wu̱ ne̱ jin-de u̱n wu̱ Damaris, u̱n ye̱ ken ye̱ ne̱ komo.

Se̱nge̱-mo̱ 18:4

Ko̱ de ke Ho̱-de u̱r-Wu̱we̱ de komo, Burus ma'asu̱ru̱ u̱t-ma u̱n kuke̱-o̱ u̱n yoos u̱n Ma-to̱ Shir wu̱ ro m-se̱nge̱ wu̱ nakanté̱ Yahuda-ne̱ u̱n ye̱ ro̱ Yahuda-ne̱ á.

Se̱nge̱-mo̱ 19:10

Kaane̱ wu̱ se̱nge̱ m-no̱m har hak-u̱s yoor, har kap o̱ u̱n ya-u̱r-she'et u̱n dak-o̱ o-Asiya ho̱gu̱ru̱ ma-u̱t Wan-Ko̱yan, Yahuda-ne̱ u̱n kap ye̱ ro̱ Yahuda-ne̱ ne̱ á.

Se̱nge̱-mo̱ 2:44

Myet o̱ yan-dor Ye̱so she'etu̱ru̱ be-u̱r gaan ba m-koos, ko̱yan yo ye̱ ro̱tte̱ à ye̱ wongu̱ru̱.

Se̱nge̱-mo̱ 21:28

Ye̱ ro̱ u̱s-kan o-zaaz ne̱, ye̱ ma'asu̱ m-ze̱e̱, “No̱ hun-ne̱ ye̱ o-Isra! Haan no̱ gwu̱! Ka ne̱t-wu̱ wu̱ ka wu̱ ro̱ m-do̱ro̱g ko̱ kene̱ wu̱ ro̱ u̱n re̱e̱b-to̱ u̱n hun-ne̱ kap à, u̱n karamsa-u̱t na ne̱, komo u̱n pyap u̱n Pyo-o̱ Shir na. Har ma wu̱ hantu̱te̱ ye̱ ro̱ Yahuda-ne̱ á n-me̱ u̱n Pyo-o̱ Shir wu̱ naasté̱ ka be-de ba m-ku̱ko̱p de.”

Se̱nge̱-mo̱ 28:24

Ye̱ ken ye̱ argu̱ de̱k u̱n ma-to̱ u̱n wu̱, amba ye̱ ken ye̱ dek á.

Se̱nge̱-mo̱ 4:23

Bo̱ a ho'oste̱ Bitrus ne̱ u̱n Yohana à, ye̱ argu̱ m-neke̱ be-de u̱n hun-ne̱ ye̱ u̱n ye̱. Ye̱ argu̱ ye̱ m-ru̱re̱ kap o̱ u̱n bo̱ u̱n rii-yo Gwo̱mo-ne̱ ye̱ u̱n ko̱n-se Shir, u̱n ye̱ ro se̱k-ye̱ ne̱ ru̱ru̱ ye̱ à.

2 Korinti-ne̱ 8:5

Ye̱ ya'aste̱ arge̱ yo te̱ hwo̱ ye̱a ya'as à. U̱r-takan, ye̱ ya'aste̱ hi u̱n de u̱n ye̱ be-u̱r Wan-Ko̱yan, ka da-de ne̱ ye̱ ya'asu̱ru̱ hi u̱n de u̱n ye̱ be u̱n te̱, bo̱ Shir co̱ne̱ à.