Se̱nge̱-mo̱ 17:32 - Mɑ‑to̱ Shir Taku̱rda-o swo̱r o-nu pu̱-o̱

³² Bo̱ ye̱ ho̱gu̱te̱ ma-to̱ m-ine̱ u̱t-marimar à, ye̱ ken ye̱ argu̱ wu̱ nome̱ u̱r-ar. Amba ye̱ ken ye̱ ze̱e̱ru̱, “Te̱ co̱no̱g te̱ do m-ho̱ge̱ rii-yo o he m-rwo̱r mo̱sse̱ u̱n ka ma-to̱ ne̱ à.”

Se̱nge̱-mo̱ 17:32 ပူးပေါင်းရင်းမြစ်များ

Ruka 14:18

Amba ye̱ taknu̱ru̱ hoob-o u̱s-cow kap, gaan u̱n gaan. Wu̱ takne̱ à ze̱e̱ru̱ ko-gu̱w, ‘U̱m o̱o̱g o-kat, komo u̱m co̱no̱g m-ha u̱m gwo̱to̱n o̱, hakku̱re̱ ze̱e̱ wu̱ ho̱ge̱ ko̱n-u̱s re!’

Ruka 22:63

Ka hun-ne̱ ye̱, ye̱ ro̱ u̱n er-u̱r Ye̱so à, ye̱ no̱mu̱ru̱ wu̱ u̱r-ar, u̱s-so̱ro̱g ne̱, ye̱ co̱psu̱ru̱ wu̱ m-ta.

Ruka 23:11

Here̱ u̱n karma-ne̱ u̱n wu̱ ne̱ no̱mu̱ru̱ Ye̱so u̱r-ar. Ka da-de ye̱ tu̱pu̱ru̱ Ye̱so co̱p-o̱ u̱t-gwo̱mo ye̱ muutu̱ru̱ wu̱ be-u̱r Biratus.

Ruka 23:36

Karma-ne̱ abu̱n ye̱, nomu̱ru̱ wu̱ u̱r-ar, ye̱ haaru̱ be-de u̱n wu̱. Ye̱ tepbu̱ru̱ wu̱ ke̱-mo̱ o-zambo. Ye̱ ze̱e̱ru̱,

Se̱nge̱-mo̱ 13:41

“ ‘Raks no̱, no̱ yan-no̱m u̱r-ar, made̱-o a ruk no̱, no̱ mer! Remen man nom mo̱ ken se̱nge̱-mo̱, u̱n ho̱-u̱t no̱, se̱nge̱-m no̱ a she̱r u̱n mo̱ ne̱ á, ko̱ wu̱ ken wu̱ ru̱ru̱ no̱!’ ”

Se̱nge̱-mo̱ 17:18

Kaane̱ komo ye̱ ken Abikuri-ne̱ ye̱ u̱n Sitokiya-ne̱ ya-u̱s-nap no̱mo̱g u̱t-ma u̱n wu̱ ne̱. Ye̱ ken ye̱ ze̱e̱ru̱, “¿Yan yo ne̱ ka wa-o-zaaz-wu̱ co̱ne̱ m-ze̱e̱?” Ye̱ ken ye̱ ze̱e̱ru̱, “Yo ro̱ sa o zee u̱nze ka ne̱t-wu̱ ro̱ u̱n ko̱'o̱t shir-ye̱ u̱n u̱n be-u̱t ho̱r-to̱.” Ye̱ u̱n rwo̱r kaane̱ remen Burus ro u̱n rwo̱r u̱n Ma-u̱t Ye̱so to̱ m-Re̱re̱m, komo m-ine̱ ne̱ be-de u̱t-marimar.

Se̱nge̱-mo̱ 17:31

Remen wu̱ e̱ssu̱ssu̱te̱ u̱r-ho̱ de wu̱ he m-haan wu̱ piishité̱ hun-ne̱ ho̱no o-dak u̱t-ma to̱ o-nip be-de u̱n wu̱ ken wu̱, wu̱ wu̱ daage̱ à. Shir rwu̱ntu̱te̱ nip-o̱ u̱n no̱m-mo̱ u̱n to̱ ka cas be-de u̱n 'yons u̱n ka ne̱t-wu̱ u̱t-marimar.”

Se̱nge̱-mo̱ 17:33

Kane̱ o̱ ka Burus wonge̱ u̱n ye̱ ne̱.

Se̱nge̱-mo̱ 2:13

Amba ye̱ ken ye̱ nomo ye̱ u̱r-ar ye̱ zee, “Ke̱-mo̱ ye̱ swo̱'e̱ mo̱ bo̱pu̱ ye̱.”

Se̱nge̱-mo̱ 24:25

Bo̱ Burus takante̱ rwo̱r u̱n ma-to̱ u̱n kashi u̱n hun-ne̱, u̱n garamse̱ u̱r-hi ne̱, komo u̱n piish u̱t-ma ne̱ da-o̱ ro̱o̱ne̱ à, Pe̱ris ho̱gu̱ru̱ o-gye̱r. Wu̱ ze̱e̱ru̱ Burus, “Wooste̱ kaane̱! M-mo̱ka de̱ warag. U̱rege̱ u̱m kumug u̱r-ke̱e̱r, man agbu̱ wo̱.”

Se̱nge̱-mo̱ 25:19

U̱n su̱ge̱-de u̱n kaane̱ ma, ye̱ ro̱ u̱n su̱ne̱-mo̱ u̱t-ma remen jind-se mo̱sse̱ u̱n Shir o̱ u̱n ye̱ ne̱ à. Komo ye̱ ze̱e̱g wu̱ ken Ye̱so wu̱ wu̱ mare̱ à, wu̱ Burus se̱nge̱ m-ze̱e̱ wu̱ ro̱ u̱n ho̱o̱g ne̱ à.

Se̱nge̱-mo̱ 26:8

No̱ hun-ne̱ she̱re̱g u̱nze Shir a hoks m-'yons u̱n ye̱ mare̱ à, ye̱ ine̱ u̱n ho̱o̱g ne̱ komo. Remen kaane̱, no̱ yage̱ m-she̱r u̱nze wu̱ 'yonste̱ Ye̱so u̱t-marimar á!

1 Korinti-ne̱ 1:23

Amba na a m-ko̱'o̱t u̱n ka ma-to̱ u̱nze Kiristi marag n-to̱n o-kan remen wu̱ topt ba'as-to̱ u̱n hun-ne̱. Yahuda-ne̱ 'yarag Ye̱so remen u̱n hyan-o̱ u̱n ye̱ Kiristi a mer á. Komo ye̱ ro̱ Yahuda-ne̱ á ye̱ ro̱ m-hyan sa o zee ko̱'o̱t-m ma-u̱t na raag-mo̱ atte̱.

1 Korinti-ne̱ 15:12

Amba u̱rege̱ te̱ ko̱'o̱te̱ u̱nze a 'yonste̱ Kiristi u̱t-marimar, to̱ ¿re no̱me̱ ye̱ ken ye̱ ro̱tte̱ m-ze̱e̱ margan-ne̱ a ine̱ á?

1 Korinti-ne̱ 4:10

Hun-ne̱ ye̱ u̱n ho̱no o-dak ro̱ m-hyan sa o zee te̱tt u̱s-we̱e̱r á remen te̱ ro̱ m-nome̱ u̱n Kiristi m-gu̱w. Amba no̱, no̱ m-gwo̱n sa o zee no̱ u̱s-we̱e̱r ne̱ n-me̱ u̱n Kiristi! Hun-ne̱ ye̱ u̱n ho̱no o-dak ro̱ te̱ m-hyan te̱tt be̱e̱b-de m-no̱m u̱n rii á. Amba no̱, no̱ u̱r-be̱e̱b ne̱ de m-no̱m u̱n rii. Hun-ne̱ ye̱ u̱n ho̱no o-dak ro̱ no̱ u̱n 'ya m-se̱k, amba te̱ ne̱ ye̱ ro̱ te̱ m-yo'og!

2 Korinti-ne̱ 6:2

Ho̱gu̱ no̱ yo Shir ze̱e̱ à, “U̱m ho̱gu̱su̱te̱ no̱ u̱n hohond-mo̱ o-da. Da-o̱ ho̱-de u̱n gwu̱ wo̱o̱ne̱, u̱m guug no̱.” Ho̱gu̱ no̱! O̱ ka o̱ ro̱ da-o̱ no̱ he go̱ks u̱n kwu̱m-o̱ Shir, caane̱ o̱ ho̱-de u̱n m-posse̱!

Yahuda-ne̱ 11:36

Ye̱ ken ye̱ komo ye̱ swo̱o̱g u̱r-ar, u̱s-so̱ro̱g ne̱, m-ke'et ne̱. A jorbu̱ru̱ ye̱ n-me̱ u̱n kur-o̱ m-ke'et.

Yahuda-ne̱ 13:13

U̱ntasu̱ a ho̱ge̱ o-gye̱r a zeet na ye̱ ma u̱n wu̱ ne̱ ye̱. A was u̱n bo̱ hun-ne̱ he na u̱t-yage̱ á, remen ye̱ yagu̱te̱ wu̱ da-o̱ ye̱ kame̱ wu̱ n-jim de o-bo̱ à.