Se̱nge̱-mo̱ 16:25 - Mɑ‑to̱ Shir Taku̱rda-o swo̱r o-nu pu̱-o̱

²⁵ Da-o pu̱rge̱, Burus ne̱ u̱n Siras ro u̱s-ko̱n ye̱ ro u̱s-se̱p to̱ u̱n bo̱ngo̱n-de Shir. Ye̱ ken yan-m-ke'et ye̱ komo ye̱ ro ye̱ m-ho̱ge̱.

Se̱nge̱-mo̱ 16:25 ပူးပေါင်းရင်းမြစ်များ

Ruka 22:44

U̱n tu̱k-mo̱ u̱t-me̱n, wu̱ ko̱ne̱ Shir arge̱ n-ga, su̱samb-mo̱ u̱n wu̱ ro̱ m-he̱'e̱n n-dak u̱ntu̱n m-hyó.

Se̱nge̱-mo̱ 15:22

Yan-To̱m Ye̱so u̱n se̱k-ye̱ ne̱, mo̱sse̱ u̱n kap o̱ u̱n hun-ne̱ ne̱ yan-dor, ye̱ hyanu̱ru̱ depete̱ ye̱ deeg ye̱ ken ye̱ be-de u̱n ye̱, ye̱ tomot ye̱ ha-mo̱ o-Antakiya mo̱sse̱ u̱n Burus ne̱ u̱n Barnabas. Ye̱ dagnu̱ Yahudas (wu̱ a m-ze̱e̱ Baru̱sabas à), komo u̱n Siras ne̱, ye̱ ro̱ go̱s-ye̱ be-de yan-dor à.

Se̱nge̱-mo̱ 16:19

Bo̱ yan-wan-ne'a hyente̱ co̱w-yo ye̱ rotte̱ u̱n kum u̱n hwo̱r kessu̱te̱ ye̱ à, ye̱ shipu̱ru̱ Burus ne̱ u̱n Siras. Ye̱ naku̱ ye̱ har n-me̱ u̱n be-de u̱t-baab u̱n co-o̱ u̱n yan-piish u̱t-ma.

Se̱nge̱-mo̱ 16:33

N-me̱ u̱n ka te̱t-mo̱, wu̱ deku̱ ye̱, wu̱ sosu̱ru̱ ye̱ nat-to̱ u̱n ye̱. Ba m-jime̱, a yo'osu̱ru̱ wu̱ m-ho̱ u̱n yan-hur-o̱ u̱n wu̱ ne̱ kap.

Se̱nge̱-mo̱ 5:41

Yan-To̱m Ye̱so inu̱ru̱ u̱n ka Mo̱ro̱g-de u̱n Se̱k-ye̱ de, ye̱ ro̱ o-zak remen a hyanag ye̱, ye̱ bo̱'o̱se̱ ye̱ dek o-yo'og u̱n remen u̱n jin-u̱r Ye̱so.

Roma-ne̱ 12:12

No̱m no̱ o-zak bo̱ no̱ m-rwo̱ u̱r-hur à. 'Mo̱ no̱ u̱r-hur u̱n ko̱o̱b u̱n no̱. No̱ se̱nge̱ u̱s-ko̱n ko̱yanda.

Roma-ne̱ 5:3

Amba ka o̱ cot á, a o-zak u̱n ko̱o̱b-u̱r na, remen a nepste̱ ko̱o̱b-u̱r a do na u̱r-jo̱o̱se̱.

2 Korinti-ne̱ 6:10

N-me̱ u̱n naase̱-mo̱ u̱t-me̱n, te̱ u̱n kum rii-yo o-zak. Ko̱ de̱ nomte̱ te̱tt rii á, kap u̱n kaane̱ ne̱, rem te̱ hun-ne̱ de̱e̱n kumug rii be u̱n te̱, sa o zee te̱tt rii á, amba ko̱yan yo ma te̱ yo.

Apisu-ne̱ 5:19

Te̱pse̱ no̱ o̱r no̱ ne̱ u̱n Se̱p-to̱ u̱r-Bo̱ngo̱n to̱ Shir. Komo no̱ hu'e̱ Wan-Ko̱yan u̱t-se̱p u̱t-dum ne̱ to̱ u̱r-bo̱ngo̱n u̱n hur-u̱t no̱.

Piripi-ne̱ 2:17

Amba ko̱ a duus me̱ u̱ntu̱n rii-yo m-swo̱ yo u̱r-seke̱ u̱n gu̱w-mo̱ ro̱ m-rwu̱u̱n ne̱ be-de u̱n she̱r-m no̱ à, me̱ m-ho̱ge̱ m-re̱re̱m o-zak ne̱ u̱n no̱ kap.

Korosiya-ne̱ 1:24

M-mo̱ka, me̱ o-zak remen ko̱o̱b-de me̱ m-swo̱ rem no̱ à. U̱n co̱n-m re, me̱n swo̱o̱n ka ko̱o̱b-de. Kiristi co̱no̱g u̱m su̱ u̱r-ko̱o̱b remen u̱n wu̱ remen u̱m guut hun-ne̱ ye̱ u̱n wu̱, yan-dor Ye̱so.

Yahuda-ne̱ 5:7

Da-de Ye̱so ro'e̱ u̱n ho̱no o-dak à, wu̱ ko̱no̱g u̱s-ko̱n de̱e̱n har u̱s-'wo̱n m-yish m-yish be-de Shir wan-gwo̱mo-to̱ u̱n gwu̱ be-de m-mar. Shir ho̱gu̱ru̱ wu̱ remen se̱k-mo̱ Ye̱so ya'u̱ wu̱ à, komo wu̱ nomote̱ Shir o-do̱ro̱tte̱.

Yakubu 1:2

O̱r re ne̱, muut no̱ ko̱ to̱ ke meger-to̱ to̱ ko̱ru̱ no̱ à, rii-yo o-zak de̱e̱n.

Yakubu 5:13

U̱rege̱ wu̱ ken wu̱ ro̱ u̱n swo̱ u̱r-ko̱o̱b, to̱, yage̱ wu̱ konot Shir gu wu̱. U̱rege̱ wu̱ ken wu̱ be-u̱r no̱ ro̱ o-zak, to̱, yage̱ wu̱ se̱ngu̱te̱ hu u̱n se̱p-to̱ u̱r-bo̱ngo̱n.

1 Bitrus 4:14

U̱rege̱ a pyapu̱rtu̱ no̱ remen jin-u̱r Kiristi, no̱ ya-o-kwu̱m-ye̱, remen Ku̱kt-o̱ m-se̱ps, u̱n o̱ Shir ne̱ ro̱ be-u̱r no̱.