Se̱nge̱-mo̱ 16:22 - Mɑ‑to̱ Shir Taku̱rda-o swo̱r o-nu pu̱-o̱

²² Hun-ne̱ kargu̱ru̱ be-de u̱n ye̱ da-o gaan. Yan-piish u̱t-ma yoogu̱ru̱ matuku-u̱t Burus ne̱ komo ye̱ rwo̱'u̱ru̱ a bu ye̱ u̱s-rak.

Se̱nge̱-mo̱ 16:22 ပူးပေါင်းရင်းမြစ်များ

Matiyos 10:17

No̱m no̱ ja u̱n hun-ne̱ ne̱, remen ye̱a heet no̱ be-de u̱n gwo̱mo-ne̱, komo ye̱ nomo no̱ u̱s-so̱ro̱g u̱n kuke̱-to̱ u̱n yoos u̱n Ma-to̱ Shir u̱n pyo-se u̱n ye̱ ne̱ se piish u̱t-ma.

Matiyos 27:26

Ka da-o̱ Biratus ho'osu̱ru̱ ye̱ Barabas. Wu̱ rwo̱'u̱ru̱ karma-ne̱ ye̱ nomse̱ Ye̱so u̱s-so̱ro̱g, wu̱ ya'asu̱ ye̱ Ye̱so, ye̱ kemet wu̱.

Ruka 12:11

“Da-o̱ ye̱ heetu̱ no̱ u̱n kuke̱-to̱ u̱n yoos u̱n Ma-to̱ Shir remen ye̱ megertu̱ no̱ ko be-de u̱n ya-o-dak u̱n gwo̱mo-ne̱, hur-u̱r no̱ wu̱rge̱ á, u̱n yo no̱ he m-shas á, ko m-ze̱e̱ á.

Se̱nge̱-mo̱ 16:37

Amba Burus ze̱e̱ru̱ ye̱, “Ai, be-de u̱n hun-ne̱ ye̱ nomo te̱ u̱s-so̱ro̱g, ba a m-piishi te̱ u̱t-ma, ko̱ de̱ nomte̱ te̱ Roma-ne̱ ye̱ à. Ye̱ jorbu̱ te̱ komo n-me̱ u̱n kur-o̱ m-ke'et, m-mo̱ka komo ¿ye̱a ruut te̱ wukusse̱? Ay! Se̱ de̱ ye̱ haan u̱n hi u̱n de u̱n ye̱, ye̱ ruut te̱.”

Se̱nge̱-mo̱ 17:5

Amba Yahuda-ne̱ no̱mu̱ u̱r-shoob, ye̱ karagsu̱ru̱ ye̱ ken hun-ne̱ ye̱ o-saa ye̱ be-de a u̱t-baab à m-o̱ ne̱. Bo̱ ye̱ kargu̱te̱ kap o̱ u̱n ye̱ à, ye̱ 'yonsu̱ru̱ hur-de u̱n hun-ne̱ ye̱ o-bo̱. Ye̱ ruuru̱ u̱s-rek n-me̱ u̱n hur-o Jaso̱n. Ye̱ ro u̱n hoob-o Burus ne̱ u̱n Siras remen ye̱ hantu̱tú̱ ye̱ be-de u̱n hun-ne̱.

Se̱nge̱-mo̱ 18:12

Amba da-o̱ Gariyo ro̱ ko-Gwamna u̱n dak-o̱ o-Akaya à, Yahuda-ne̱ gamu̱ u̱t-hi ye̱ katu̱ Burus, ye̱ heetu̱ wu̱ be-de yan-piish u̱t-ma.

Se̱nge̱-mo̱ 5:40

Ye̱ agbu̱ yan-To̱m Ye̱so ye̱ nomu̱ ye̱ u̱s-so̱ro̱g. Ye̱ naku̱ru̱ ye̱ u̱t-to̱ taase ye̱ do no̱m u̱t-ma n-me̱ u̱n jin-u̱r Ye̱so á. Ka da-o̱ ye̱ argu̱ ye̱ m-ho'os.

2 Korinti-ne̱ 6:5

A bu'ug te̱ m-dum, a ru̱ te̱ n-me̱ u̱n kuke̱-o̱ m-ke'et, komo a hoogu̱su̱ te̱ m-hoog u̱n 'yons u̱r-hur ne̱; te̱ no̱mo̱g se̱nge̱-mo̱ arage̱ 'wo̱ns-m te̱ à, te̱ taagu̱te̱ m-rew komo te̱ rewe̱ u̱n me̱r.

1 Tasaronika-ne̱ 2:2

Ko̱ de̱ no̱mte̱ te̱ su̱u̱ste̱ u̱r-ko̱o̱b o-yo'og ne̱ n-me̱ u̱n bo̱-o̱ o-Piripi, bo̱ no̱ nape̱ à. Amba u̱n gwu̱-o̱ u̱n Shir na, te̱ kumug no̱ ru̱re̱ u̱n Ma-to̱ m-Re̱re̱m, ko̱ de̱ nomte̱ to̱ swo̱o̱g m-shakt à.

Yahuda-ne̱ 11:36

Ye̱ ken ye̱ komo ye̱ swo̱o̱g u̱r-ar, u̱s-so̱ro̱g ne̱, m-ke'et ne̱. A jorbu̱ru̱ ye̱ n-me̱ u̱n kur-o̱ m-ke'et.

1 Bitrus 2:24

Kiristi sawag nu̱-se u̱n ba'as-u̱t na u̱n wu̱r-o̱ u̱n wu̱. A kamag wu̱ o-kan remen a yagu̱té̱ no̱m u̱r-ba'as komo a cirit kashi u̱r-she'et. Shir taasu̱ ka hoog-mo̱ mo̱ u̱n ba'as-u̱t no̱ remen hoog-m Ye̱so.