Se̱nge̱-mo̱ 16:20 - Mɑ‑to̱ Shir Taku̱rda-o swo̱r o-nu pu̱-o̱

²⁰ Bo̱ ye̱ woote̱ ye̱ u̱n co-o̱ u̱n yan-piish u̱t-ma à, ye̱ ze̱e̱ru̱, “Ka Yahuda-ne̱ ye̱ suute̱ bo̱-o na.

Se̱nge̱-mo̱ 16:20 ပူးပေါင်းရင်းမြစ်များ

Matiyos 2:3

Bo̱ ko-Gwo̱mo Here̱ ho̱gu̱te̱ a makt wà-wu̱ he m-re̱ u̱t-gwo̱mo à, hur-de u̱n wu̱ naasu̱ru̱ de̱e̱n, u̱nze wu̱ ken ko-Gwo̱mo wu̱a dek kwu̱u̱r-o̱ u̱n wu̱. Kaane̱ komo hur-de u̱n ko̱o̱b-ne̱ ye̱ u̱n wu̱ kap naase̱ de̱e̱n.

Se̱nge̱-mo̱ 16:19

Bo̱ yan-wan-ne'a hyente̱ co̱w-yo ye̱ rotte̱ u̱n kum u̱n hwo̱r kessu̱te̱ ye̱ à, ye̱ shipu̱ru̱ Burus ne̱ u̱n Siras. Ye̱ naku̱ ye̱ har n-me̱ u̱n be-de u̱t-baab u̱n co-o̱ u̱n yan-piish u̱t-ma.

Se̱nge̱-mo̱ 16:21

Ye̱ m-yoos u̱n jind-se depe̱ a go̱ks ko̱ a do̱re̱ á, remen te̱ Roma-ne̱ ye̱.”

Se̱nge̱-mo̱ 18:2

Re̱e̱no̱ wu̱ 'wo̱sse̱ wu̱ ken ko-Yahuda-wu̱ jin-de u̱n wu̱ Akira, ko-yan-bo̱-o̱ o-Pantus. Akira u̱n ne'a u̱n wu̱ ne̱ Biskira, ye̱ she'et m-haan ne̱ u̱n bo̱-o̱ o-Korinti á, ye̱ u̱n rwu̱u̱n dak-o̱ o-Itariya. Ye̱ u̱n yage̱ o-Itariya remen ko-Gwo̱mo Sisar Karadiyos no̱ng o-karamsa, wu̱ zee kap o̱ u̱n Yahuda-ne̱ ye̱ ru n-me̱ bo̱-o̱ o-Roma. Burus argu̱ m-ha be-de u̱n ye̱ o-Korinti.

Se̱nge̱-mo̱ 19:34

Amba bo̱ ye̱ nepte̱ u̱nze ko-Yahuda-wu̱ à, ye̱ 'yonsu̱ u̱s-co̱r. Da-o gaan ye̱ ro m-ze̱e̱, “Go̱s-u̱t kumute̱ be-u̱r Arte̱mis u̱n Apisu-ne̱!” Ye̱ no̱mo̱g kaane̱ har awa u̱s-yoor.

Se̱nge̱-mo̱ 28:22

Amba te̱ co̱ng te̱ ho̱ge̱ yo o co̱ne̱ à u̱n nu-o ru, remen bo̱ u̱n rii-yo te̱ nape̱ de̱ à yo ro̱, ka derika-o pu̱-o̱ o̱ ko̱ kene̱ a m-ce̱p u̱n ma-to̱ u̱n o̱ u̱t-yo̱ to̱.”

Roma-ne̱ 12:2

No̱ do̱re̱ ma-to̱ u̱n hun-ne̱ ye̱ m-mo̱ka ye̱ u̱n barag-se u̱n ye̱ ne̱ á. Amba yagu̱ no̱ Shir muutu̱ no̱ yo wu̱ co̱ne̱ à, wu̱ 'ye no̱ hur-u̱r pu̱-de. Ka da-de no̱ he m-nap u̱n yo Shir co̱ne̱ à, rii-yo u̱r-bon, yo Shir co̱ne̱ à u̱n yo̱ ro̱ shiishe̱ cas cas à.

Yakubu 4:4

Ya no̱ ro̱ u̱ntu̱n ne'a-ne̱ ye̱ ro̱ m-she̱r be-de u̱n campo̱ u̱n ye̱ ne̱ á. No̱ nap u̱nze no̱ cu̱ne̱ m-no̱m m-nay u̱n rem-se u̱n ho̱no o-dak, no̱ u̱n yage̱-to̱ Shir o̱ ka à. Remen kap wu̱ ro̱ u̱n co̱n-to̱ u̱n rem-se ho̱no o-dak à, wu̱ muutte̱ hi u̱n de u̱n wu̱, wan-yage̱-to̱ Shir.