Se̱nge̱-mo̱ 16:2 - Mɑ‑to̱ Shir Taku̱rda-o swo̱r o-nu pu̱-o̱

² Yan-dor ye̱ ro u̱n bo̱-to̱ o-Risiya o-Iko̱niya ne̱ à, komo ye̱ u̱n bo̱ngo̱n-u̱r Timoti.

Se̱nge̱-mo̱ 16:2 ပူးပေါင်းရင်းမြစ်များ

Se̱nge̱-mo̱ 1:15

U̱n ka da-o̱, yan-dor Ye̱so mo̱rgu̱te̱ (be-de u̱n hun-ne̱ zungu-o gaan u̱r-kwo̱o̱z ne̱ [120]). Bitrus inu̱ru̱ eso, wu̱ zee,

Se̱nge̱-mo̱ 13:51

Ye̱ kuktu̱ru̱ hu-mo̱ u̱n na-se u̱n ye̱ u̱n rem o-napa be-de u̱n hun-ne̱ ye̱ o-bo̱, ye̱ neku̱ru̱ bo̱-o̱ o-Iko̱niya.

Se̱nge̱-mo̱ 14:1

Komo, u̱n bo̱-o̱ o-Iko̱niya, Burus ne̱, u̱n Barnabas ye̱ co̱wu̱ru̱ kuke̱-o̱ Yahuda-ne̱ o̱ u̱n yoos u̱n Ma-to̱ Shir bo̱ ye̱ we̱te̱ à. Ye̱ ko̱'o̱tu̱ru̱ Ma-to̱ Shir u̱n be̱e̱b-de Ku̱kt-o̱ Shir, har hun-ne̱ de̱e̱n Yahuda-ne̱ u̱n ye̱ ro̱ Yahuda-ne̱ á, ye̱ she̱re̱g be-de Shir.

Se̱nge̱-mo̱ 14:21

Bo̱ Burus ne̱ u̱n Barnabas ko̱'o̱tte̱ Ma-to̱ m-Re̱re̱m o-Darbe̱ à, komo ye̱ kumu̱ru̱ yan-neke̱-m Ye̱so u̱t-mo̱o̱r ne̱, ye̱ wargu̱ru̱ o-Risiya, o-Iko̱niya ne̱, komo o-Antakiya ne̱,

Se̱nge̱-mo̱ 14:6

Bo̱ yan-To̱m Ye̱so ho̱gu̱te̱ kaane̱ à, ye̱ so̱mu̱ru̱ ha-mo̱ u̱n bo̱-to̱ o-Risiya o-Darbe̱ ne̱, u̱n bo̱-to̱ ro̱ o-he̱r à. Ka to̱ ro̱ u̱n dak-o̱ o-Riko̱niya.

Se̱nge̱-mo̱ 16:40

Bo̱ Burus ne̱ u̱n Siras ruusu̱nte̱ u̱n kur-o̱ m-ke'et à, ye̱ argu̱ m-neke̱ hur-o Ridiya. Bo̱ ye̱ hyenu̱ste̱ yan-dor à, komo ye̱ dooru̱ hur-de u̱n ye̱ jaab-o̱ u̱t-me̱n, ye̱ argu̱ru̱.

Se̱nge̱-mo̱ 6:3

Remen kaane̱, o̱r re ne̱ daag no̱ hun-ne̱ ne̱n ta'yoor be u̱n no̱, ye̱ ro̱ u̱n kashi u̱r-hur ne̱ de u̱r-bon à, ye̱ shiishe̱ u̱n Ku̱kt-o̱ Shir komo u̱s-we̱e̱r ne̱ à, ye̱ a he m-ya'as u̱n ka se̱nge̱-mo̱ à.

Piripi-ne̱ 2:22

Amba no̱ nepste̱ Timoti kutute̱ hun-ne̱ u̱nze wu̱ bo̱'o̱ste̱. Bo̱ wà ro̱ u̱n no̱m m-se̱nge̱ u̱n tato u̱n wu̱ ne̱ à, wu̱ ko̱'o̱te̱ ka Ma-to̱ m-Re̱re̱m to̱ u̱n me̱ ne̱.

1 Timoti 3:7

Wu̱ ro̱tte̱ be-de u̱t-re̱e̱b á. Kaane̱ depe̱ komo hun-ne̱ ye̱ ro̱ yan-dor Ye̱so á, ye̱ ro̱ wu̱ m-tan u̱n jin-u̱r so̱-de. Wu̱ ma'as kaane̱ remen u̱ntaase wu̱ he̱'e̱be̱ n-me̱ u̱n ce̱e̱b-o̱ u̱n ko-Gwo̱mo-wu̱ u̱n ya-u̱t-ko̱t, wu̱ ho̱ge̱ m-'e̱.

1 Timoti 5:10

Wu̱ hun-ne̱ ro̱ u̱n 'ya m-se̱k remen wu̱ ro̱ m-no̱m rii-yo u̱r-bon à. Wu̱ ro̱ u̱n yoose̱ u̱n yakar-ye̱ u̱n wu̱ u̱r-bon ne̱ ne̱ à. Wu̱ ro̱ u̱n barke̱ u̱n hamat-ne̱ u̱n hur-o̱ u̱n wu̱ à. Wu̱ ro̱ u̱n nome̱ u̱n yan-dor Ye̱so m-gu̱w u̱n gwu̱gwe̱r-mo̱ u̱r-hi ne̱ à. Wu̱ ro̱ u̱n gu u̱n o̱r u̱n wu̱ ne̱ yan-dor à ye̱ ro̱ u̱r-ko̱o̱b à. Komo n-me̱ u̱n ko̱yan wu̱ ya'aste̱ hi u̱n du u̱n wu̱ be-de u̱n nom u̱n rii-yo u̱r-bon.

1 Timoti 5:25

Ka o̱ komo se̱nge̱-mo̱ u̱r-bon ya mo̱ ro̱ cas, ko̱ a nom mo̱ wukusse̱, da-o̱ ro̱ ko̱n o̱ mo̱ hette̱ m-rwu̱u̱n cas à.

2 Timoti 3:11

O nak hun-ne̱ ya'ag me̱ u̱r-ko̱o̱b. O nak komo rem-u̱s yo̱-se se kumu me̱ n-me̱ bo̱-to̱ o-Antakiya, o-Iko̱niya ne̱, o-Risiya ne̱. O nak hun-ne̱ ya'ag me̱ u̱r-ko̱o̱b, amba u̱m jo̱o̱su̱te̱, Wan-Ko̱yan Ye̱so guug me̱ be-de u̱n ye̱ kap.

2 Timoti 3:15

O nak Ma-to̱ Shir cin da-o̱ o ro'e̱ wà re̱k-wu̱ à. Ma-to̱ Shir a hoks wo̱ m-'ya u̱s-nap u̱nze se̱ o she̱re̱g u̱r-hur be-u̱r Kiristi Ye̱so, ka da-de ne̱ wu̱ he wo̱ m-gwu̱.

Yahuda-ne̱ 11:2

Remen she̱r-mo̱ u̱n ya-n-ga-ye̱ be-de Shir o̱ rwo̱'e̱ Shir ho̱gu̱te̱ re̱re̱m-mo̱ u̱n ye̱.