Se̱nge̱-mo̱ 15:29 - Mɑ‑to̱ Shir Taku̱rda-o swo̱r o-nu pu̱-o̱

²⁹ Taase no̱ re rii-yo a tebbe̱ pyo-o̱ m-gir á, m-ap mo̱ a seke̱ à, mo̱sse̱ m-hyó ne̱, u̱n ti-m ap-mo̱ u̱r-gu̱t ne̱ de a miggre̱ u̱r-ge̱ks à, komo o-ás ne̱. U̱rege̱ no̱ e̱re̱g hi u̱n no̱ be-de u̱n se ka rem-se, no̱ no̱mo̱g o̱ ka rii-yo u̱r-bon. She'et no̱ gwu̱gwu̱.”

Se̱nge̱-mo̱ 15:29 ပူးပေါင်းရင်းမြစ်များ

Ruka 9:61

Wu̱ ken wu̱ ze̱e̱ru̱, “Go̱s-wu̱, man do̱re̱ wo̱, amba se u̱m kamasu̱te̱ hur-o re.”

Se̱nge̱-mo̱ 15:20

U̱n su̱ge̱-de u̱n kaane̱ ma a genu̱ ye̱ o-taku̱rda a ru̱ru̱ ye̱ taase ye̱ re̱ rii-yo m-re̱ yo a tebbe̱ pyo-o̱ m-gir á, taase ye̱ nom o-ás, ko̱ ye̱ ti ap-mo̱ u̱n gu̱t-de a pane̱ á, komo m-hyó ne̱.

Se̱nge̱-mo̱ 18:21

Amba bo̱ wu̱ inu̱ ye̱ m-yage̱ à, wu̱ ze̱e̱ru̱, “Man muusune̱ be u̱n no̱ u̱rege̱ Shir ze̱e̱g.” Ka da-de, wu̱ inu̱ru̱ o-Apisu u̱n hat-o̱ m-ho̱.

Se̱nge̱-mo̱ 21:25

Amba ma-to̱ u̱n ye̱ ro̱ Yahuda-ne̱ á ye̱ she̱re̱ o-nip à, te̱ regu̱ssu̱te̱ te̱ tomoste̱ o-taku̱rda. Te̱ kupsu̱ ye̱ u̱t-ma u̱nze, taase ye̱ ti rii-yo a pene̱ pyo-o̱ m-gir à, taase ye̱ ti m-hyó, taase ye̱ ti ap-mo̱ u̱n gu̱t-de a miggre̱ u̱s-co̱r à, taase ye̱ nom o-ás.”

Se̱nge̱-mo̱ 23:30

Bo̱ a ru̱ru̱tu̱ me̱ u̱nze rew-u̱r yo̱-de ro̱ ko̱n de ye̱ rewesse̱ wu̱ à, da-o gaan, u̱m to̱mbu̱ wu̱ be u̱n du. U̱m ze̱e̱g yan-gyekt-se u̱n wu̱, ye̱ ru̱r be u̱n du ba'as-de ye̱ hyane̱ wu̱ no̱mo̱g à.

2 Korinti-ne̱ 11:9

Da-o u̱m ro be u̱n no̱ à, me̱tt hwo̱r á. Myet u̱n kaane̱ ne̱ me̱ sawsu̱ no̱ u̱s-nu̱ ka da-o̱ á. O̱r na yan-dor ye̱ ro̱ n-me̱ u̱n dak-o̱ o-Makidoniya à ye̱ hante̱ kap yo me̱ m-co̱n à. Me̱ sawsu̱ no̱ u̱s-nu̱ ka da-o̱ á, komo man se̱nge̱-m nom u̱n kaane̱.

2 Korinti-ne̱ 13:11

O̱r re ne̱, bo̱ u̱m komoste̱ kà taku̱rda-o̱, no̱m no̱ o-zak! No̱m no̱ bo̱ u̱n nom-m no̱, no̱ she'ete̱ shiishe̱. Doo no̱ o̱r no̱ ne̱ jaab-o̱ u̱t-me̱n, komo she'et be-u̱r gaan u̱n ye̱ ne̱. U̱rege̱ no̱ no̱m kaane̱, ka Shir-o̱ o̱ ya'as no̱ m-was, u̱n gwu̱gwu̱-mo̱ u̱r-hur ne̱ à, wu̱ no̱m mo̱sse̱ u̱n no̱ ne̱.

1 Timoti 5:22

Wo̱ cu̱ne̱ m-daag u̱n se̱k-wu̱, wo̱ no̱m m-ho̱r á. Rii-yo o hu̱u̱tu̱ wu̱ kom-u̱t ru to̱ o-kwu̱m, o ceker ko̱ kashi u̱n ne̱t-wu̱ à. Wo̱ nome̱ ce̱e̱n á, wo̱a deeg ko-wa-u̱r-ba'as. Komo hun-ne̱ a hoks m-ze̱e̱ wo̱ was u̱n ba'as-de u̱n wu̱ ne̱ á. Amba wo̱, she'et she'et-de u̱n ba m-ku̱ko̱p.

Yakubu 1:27

Yo Shir o-Tato co̱ne̱ a nom, wu̱ ho̱gu̱te̱ m-re̱re̱m à, yo ro̱ a gu yakar-ye̱ ro̱ ba u̱n tat-ne̱ à, komo yo ro̱ a re̱e̱gte̱ ne'a-ne̱ ye̱ campo̱-ne̱ ye̱ u̱n ye̱ mare̱ à, ye̱ ro̱ u̱n swo̱ u̱r-ko̱o̱b à. Komo a dos u̱r-hi be-de u̱n she'et-de u̱n ba u̱r-bon de he na m-naas à.

1 Yohana 5:21

Yakar re, so̱m no̱ be-de u̱n gir-mo̱ u̱t-bo̱.

Yahudas 1:24

U̱r-bo̱ngo̱n be-de wu̱ ro̱ u̱r-be̱e̱b ne̱ wu̱ wenet no̱ m-he̱ à. Wu̱ komo he no̱ m-heet be-de u̱n wu̱ de jiishe̱ u̱r-bon à ba u̱r-ba'as, se̱ o-zak.

U̱t-Hyangan 2:14

Amba to̱ ken ba'as-to̱ to̱ ka to̱ no̱ no̱mse̱ à: No̱ ro̱ u̱n hun-ne̱ ne̱ káane̱ ye̱ bo̱pe̱ yoos-u̱r Baram à, wu̱ yoose̱ Barak wu̱ ru̱'u̱t Isra-ne̱ no̱m u̱r-ba'as, be-de u̱n re u̱n rii-yo m-re̱ yo a seke̱ pyo-o̱ m-gir à, komo ye̱ nom o-ás.

U̱t-Hyangan 2:20

Amba u̱m 'wo̱stu̱ no̱ u̱r-ba'as ne̱, no̱ u̱n 'mo̱ u̱r-hur u̱n ka ne'a-wu̱ ne̱ Je̱ze̱be̱n, wu̱ ro̱ m-ze̱e̱ u̱n hi u̱n de u̱n wu̱ ‘ko-wan-Rwo̱r u̱n Ma-to̱ Shir’ wu̱ ro̱. Be-de u̱n yoos-de u̱n wu̱, wu̱ ro̱ u̱n raks u̱n gu̱w-ne̱ re. Wu̱ ro̱ ye̱ m-sho'ogse̱ ye̱ nomot o-ás, u̱n nome̱ m-gir m-se̱nge̱ ne̱, u̱n bu̱-yo u̱n re̱ u̱n rii-yo m-re̱ yo a seke̱ pyo-o̱ m-gir à.